Administrator
Administrator
ഇ.കോളി പെരുകുന്നു: ഉറവിടം സംബന്ധിച്ച ആശങ്ക തുടരുന്നു
Administrator
Tuesday 7th June 2011 10:05am

e-colly

ലണ്ടന്‍:22 പേരുടെ മരണത്തിനിടയാക്കിയ ഇ.കോളി ബാക്ടീരിയയുടെ ഉറവിടം സംബന്ധിച്ച് ഇനിയും വ്യക്തത ലഭിക്കാത്തത് ശാസ്ത്രജ്ഞരെ ആശങ്കയിലാഴ്ത്തുന്നു. വടക്കന്‍ ജര്‍മനിയിലെ യുല്‍സെന്‍ പ്രദേശത്ത് കൃഷിചെയ്യുന്ന പയര്‍വര്‍ഗങ്ങളാണ് ഇ കോളിയുടെ ഉറവിടമെന്ന് സംശയമുണ്ടായിരുന്നു. എന്നാല്‍ ഇവിടുത്ത ബീന്‍സ്പ്രൗട്ട്‌സാണ് ഇ കോളി ബാധയ്ക്ക് കാരണമെന്ന് വ്യക്തമാക്കുന്ന തെളിവുകള്‍ ലഭിച്ചിട്ടില്ലെന്ന് ശാസ്ത്രജ്ഞന്‍മാര്‍ പറഞ്ഞു.

ഓര്‍ഗാനിക് ഫാമിലുള്ള പച്ചക്കറികളാണ് ഇ.കോളിയുടെ ഉറവിടമെന്നായിരുന്നു നേരത്തെ സംശയിച്ചിരുന്നത്. എന്നാല്‍ ഇവിടെ നിന്നെടുത്ത 23മുതല്‍ 40വരെ സാമ്പിളുകളില്‍ ഇ കോളി കണ്ടെത്താനായില്ലെന്ന് ലോവര്‍ സാക്‌സണി സംസ്ഥാനത്തിന്റെ കാര്‍ഷിക മന്ത്രാലയം അറിയിച്ചു. എന്നാല്‍ 17സാമ്പുകളില്‍ ഇപ്പോഴും പരിശോധന നടയ്ക്കുന്നുണ്ട്.

ഇ കോളി വ്യാപിക്കാന്‍ തുടങ്ങിയിട്ട് ആഴ്ചകള്‍ കഴിഞ്ഞതിനാല്‍ ബാക്ടീരിയയുടെ ഉറവിടം കണ്ടെത്തുക എന്നത് ഏറെ ബുദ്ധിമുട്ടുള്ള കാര്യമാണെന്നാണ് കാര്‍ഷിക മന്ത്രാലയം പറയുന്നത്. ബീന്‍സ്പ്രൗട്ടാണോ ഉറവിടമെന്ന് ഉറപ്പുവരുത്തണമെങ്കില്‍ അതിനെ കൂടുതല്‍ പരിശോധയ്ക്ക് വിധേയമാക്കേണ്ടതുണ്ടെന്നും അവര്‍ വ്യക്തമാക്കി.

ഇപ്പോള്‍ പരിശോധിച്ച ബാച്ചസില്‍ ഇ കോളിയില്ലെന്ന് കണ്ടെത്തിയെന്നുവച്ച് മുന്‍പുള്ളതില്‍ അങ്ങനെയാവണമെന്നില്ലെന്നും മന്ത്രാലയം വിശദീകരിക്കുന്നു. ഈ മാരക ബാക്ടീരയയുടെ ഉറവിടം എപ്പോള്‍ കണ്ടെത്താനാകുമെന്ന് പറയാന്‍ കഴിയില്ലെന്നും ഇവര്‍ വ്യക്തമാക്കി.

യൂറോപ്പില്‍ ഏകദേശം 2,300 പേര്‍ക്ക് ഇ.കോളി ബാക്ടീരിയ ബാധിച്ചിട്ടുണ്ടെന്ന് സ്ഥിരീകരിച്ചിട്ടുണ്ട്. സ്‌പെയിനിലെ കുക്കുമ്പറില്‍ നിന്നാണ് ബാക്ടീരിയ പടരുന്നതെന്നാണ് നേരത്തെ കരുതിയിരുന്നത്. എന്നാല്‍ കുക്കുമ്പറില്‍ ഇ.കോളിയില്ലെന്ന് പിന്നീട് കണ്ടെത്തി.

Advertisement