ലോക്‌സഭയില്‍ സീറ്റ് ലഭിക്കാന്‍ കെജ്‌രിവാളിന് അച്ഛന്‍ ആറ് കോടി നല്‍കി: ആരോപണവുമായി എ.എ.പി സ്ഥാനാര്‍ത്ഥിയുടെ മകന്‍
D' Election 2019
ലോക്‌സഭയില്‍ സീറ്റ് ലഭിക്കാന്‍ കെജ്‌രിവാളിന് അച്ഛന്‍ ആറ് കോടി നല്‍കി: ആരോപണവുമായി എ.എ.പി സ്ഥാനാര്‍ത്ഥിയുടെ മകന്‍
ന്യൂസ് ഡെസ്‌ക്
Saturday, 11th May 2019, 3:30 pm

ന്യൂദല്‍ഹി: എ.എ.പി നേതാവ് അരവിന്ദ് കെജ്‌രിവാളിനെതിരെ ആരോപണവുമായി എ.എ.പി നേതാവിന്റെ മകന്‍. ലോക്‌സഭാ തെരഞ്ഞെടുപ്പില്‍ മത്സരിക്കാനായി തന്റെ അച്ഛന്‍ അരവിന്ദ് കെജ്‌രിവാളിന് ആറു കോടി രൂപ നല്‍കിയെന്നാണ് ആരോപണം.

പടിഞ്ഞാറല്‍ ദല്‍ഹിയില്‍ എ.എ.പി സ്ഥാനാര്‍ത്ഥിയായി ബല്‍ബീര്‍ സിങ് ജാഖറിന്റെ മകന്‍ ഉദയ് ആണ് ആരോപണവുമായി രംഗത്തുവന്നത്.

‘ഏതാണ്ട് മൂന്ന് മാസം മുമ്പാണ് എന്റെ അച്ഛന്‍ രാഷ്ട്രീയത്തിലേക്ക് ചേര്‍ന്നത്. സ്ഥാനാര്‍ത്ഥിത്വത്തിനായി അദ്ദേഹം ആറുകോടി രൂപ നല്‍കി. സ്ഥാനാര്‍ത്ഥിത്വത്തിനായി പണം നല്‍കിയതെന്നതിന് എന്റെ പക്കല്‍ വിശ്വാസയോഗ്യമായ തെളിവുണ്ട്.’ ഉദയ് പറഞ്ഞു.

ലോക്‌സഭാ തെരഞ്ഞെടുപ്പിന്റെ ആറാം ഘട്ടത്തില്‍ നാളെ ദല്‍ഹി പോളിങ് ബൂത്തിലേക്ക് പോകാനിരിക്കെയാണ് ബല്‍ബീര്‍ സിങ്ങിന്റെ ആരോപണം വന്നിരിക്കുന്നത്. മെയ് 12നാണ് ദല്‍ഹിയിലെ ഏഴ് ലോക്‌സഭാ സീറ്റുകളിലും വോട്ടെടുപ്പ് നടക്കുന്നത്.