Categories

Headlines

എന്‍.സി.പിക്ക് പുതിയ മന്ത്രിയെ തീരുമാനിക്കുകയോ സ്ഥാനം ഒഴിച്ചിടുകയോ ചെയ്യാം: യെച്ചൂരി

ന്യൂദല്‍ഹി: എന്‍.സി.പിക്ക് പുതിയ മന്ത്രിയെ തീരുമാനിക്കാമെന്ന് സി.പി.ഐ.എം ദേശീയ സെക്രട്ടറി സീതാറാം യെച്ചൂരി. എന്‍.സി.പിക്ക് പുതിയ മന്ത്രിയെ തീരുമാനിക്കാനുള്ള അവകാശമുണ്ട്. അവര്‍ക്ക് അങ്ങനെ ചെയ്യാം. ഇനി അതല്ലെങ്കില്‍ സ്ഥാനം ഒഴിച്ചിടാമെന്നും യെച്ചൂരി പറയുന്നു.

തോമസ് ചാണ്ടിയെ മന്ത്രിയായി വെളളിയാഴ്ചയ്ക്കകം ഇടതുമുന്നണി പ്രഖ്യാപിക്കുമെന്ന് എന്‍.സി.പി ദേശീയ നേതൃത്വം പറഞ്ഞിരുന്നു. ഉടന്‍ മന്ത്രിസ്ഥാനം വേണമെന്ന പാര്‍ട്ടിയുടെ നിലപാട് എന്‍.സി.പി, എല്‍.ഡി.എഫ് നേതൃത്വത്തെ അറിയിക്കുകയും ചെയ്തിരുന്നു.

പുതിയ മന്ത്രിക്കായി മലപ്പുറം ഉപതിരഞ്ഞെടുപ്പോ ജുഡീഷ്യല്‍ അന്വേഷണം കഴിയുന്നതുവരെയോ കാത്തിരിക്കേണ്ടതില്ലെന്നാണ് എന്‍.സി.പിയുടെ നിലപാട്. അതേസമയം എ.കെ ശശീന്ദ്രന്‍ കുറ്റവിമുക്തനായാല്‍ തോമസ്ചാണ്ടി മന്ത്രിസ്ഥാനം ഒഴിയുമെന്ന ഉറപ്പിലാണ് എന്‍.സി.പിയുടെ നീക്കങ്ങള്‍.


Dont Miss അലിഗഡ് മുസ്‌ലിം സര്‍വകലാശാല മെനുവില്‍ നിന്നും മാംസവിഭവങ്ങള്‍ അപ്രത്യക്ഷമായി; വിദ്യാര്‍ത്ഥികള്‍ പച്ചക്കറി കഴിച്ചാല്‍ മതിയെന്ന് നിര്‍ദേശം


മന്ത്രിസ്ഥാനത്തിന് അവകാശവാദം ഉന്നയിച്ച് ചൊവ്വാഴ്ച രാവിലെയാണ് തോമസ് ചാണ്ടി എം.എല്‍.എ തിരുവനന്തപുരത്ത് വിമാനമിറങ്ങിയത്. മന്ത്രിയാകാന്‍ പ്രാപ്തിയുള്ളവര്‍ പാര്‍ട്ടിയിലുണ്ടെന്ന് അദ്ദേഹം വിമാനത്താവളത്തില്‍ വച്ച് മാധ്യമങ്ങളോട് പറയുകയും ചെയ്തിരുന്നു.

‘എന്‍സിപിയുടെ വകുപ്പ് മറ്റാര്‍ക്കും കൊടുക്കില്ല. മറ്റ് മന്ത്രിമാര്‍ക്ക് കൈമാറേണ്ട ആവശ്യമില്ല. അത് അംഗീകരിക്കില്ല. മുഖ്യമന്ത്രി വകുപ്പ് കൈവശം വയ്ക്കുന്നതില്‍ പ്രശ്‌നമില്ല. ശശീന്ദ്രന്‍ രാജിവച്ചെങ്കിലും പകരം മന്ത്രിയാകാന്‍ പാര്‍ട്ടിയില്‍ ആളുള്ളപ്പോള്‍ പിന്നെ മറ്റൊരാള്‍ക്ക് വകുപ്പ് കൈമാറേണ്ട സാഹചര്യമില്ലല്ലോയെന്നും’ അദ്ദേഹം ചോദിച്ചിരുന്നു.



ആരും കാണാതെ ഒരു ക്ലാസ്മുറിക്കുപിന്നിലെ മതിലിന്റെ ഓരം പറ്റി ആ കത്തു തുറന്നു അതില്‍ ആ മഹത്തായ , ഭംഗിയേറിയ കയ്യൊപ്പ് ‘ടെണ്ടുല്‍ക്കര്‍’; സച്ചിന്റെ ജന്മദിനത്തില്‍ കുട്ടിക്കാല ഓര്‍മ്മകള്‍ പങ്കു വച്ച് നിപിന്റെ പിറന്നാള്‍ ആശംസ

കോഴിക്കോട്: ഏപ്രില്‍ 24, ലോകമെമ്പാടുമുള്ള ക്രിക്കറ്റ് പ്രേമികള്‍ക്ക് ഇന്ന് ഉത്സവ ദിനമാണ്. തങ്ങളുടെ ദൈവം സച്ചിന്‍ ടെണ്ടുല്‍ക്കറുടെ ജന്മ ദിനമാണിന്ന്. ലോകമെങ്ങും സച്ചിന് പിറന്നാള്‍ ആശംസകളുമായി രംഗത്തെത്തിയ ഇന്ന് കേരളത്തില്‍ നിന്നുമൊരു രസകരമായ ആശംസയും സച്ചിനെ തേടിയെത്തി. സോഷ്യല്‍ മീഡിയ ക്യാമ്പയിനുകളിലൂടെ ശ്രദ്ധേയനായ നിപിന്‍ നാരായണന്‍ എന്ന നീനയുടെ പിറന്നാള്‍ സന്ദേശ