Categories

Headlines

ഭോപ്പാലിലെ സിമി പ്രവര്‍ത്തകരുടേത് രാഷ്ട്രീയപ്രേരിത കൊലപാതകമെന്ന് യു.എസ് മനുഷ്യാവകാശ കമ്മീഷന്റെ റിപ്പോര്‍ട്ട്

വാഷിങ്ടണ്‍: ഭോപ്പാലില്‍ വിചാരണ തടവുകാരായ എട്ട് സിമി പ്രവര്‍ത്തകരെ പൊലീസ് വെടിവെച്ചുകൊന്ന സംഭവത്തില്‍ ഭാരത സര്‍ക്കാറിനെതിരെ രൂക്ഷവിമര്‍ശനവുമായി യു.എസ് മനുഷ്യാവകാശ കമ്മീഷന്റെ റിപ്പോര്‍ട്ട്. സിമി പ്രവര്‍ത്തകര്‍ക്കുനേരെ നടന്നത് ഏകപക്ഷീയമായ ആക്രമണമാണെന്നും രാഷ്ട്രീയ പ്രേരിത കൊലപാതകമാണെന്നുമാണ് റിപ്പോര്‍ട്ടില്‍ പറയുന്നത്.

‘ഹ്യൂമണ്‍ റൈറ്റ്‌സ് പ്രാക്ടീസസ് ഇന്‍ ഇന്ത്യ 2016’ എന്ന തലക്കെട്ടിലുള്ള റിപ്പോര്‍ട്ടിലാണ് ഇന്ത്യയില്‍ നടക്കുന്ന മനുഷ്യാവകാശ ധ്വംസനങ്ങള്‍ക്കെതിരെ യു.എസ് മനുഷ്യാവകാശ കമ്മീഷന്‍ രൂക്ഷവിമര്‍ശനവുമായി രംഗത്തെത്തിയത്.


Must Read: കരുനാഗപ്പള്ളിയില്‍ 12വയസുകാരി ആത്മഹത്യ: ക്ഷേത്രപൂജാരിയും പെണ്‍കുട്ടിയുടെ അമ്മയും അറസ്റ്റില്‍


സിമി പ്രവര്‍ത്തകരുടെ കൊലപാതകത്തിനു പുറമേ ആക്ടിവിസ്റ്റായ ടീസ്റ്റ സെതല്‍വാദിനെതിരായ നടപടികള്‍, മധ്യപ്രദേശിലെ വ്യാപം കുംഭകോണവുമായി ബന്ധപ്പെട്ട മരണം എന്നീവിഷയങ്ങളില്‍ സര്‍ക്കാര്‍ സ്വീകരിച്ച നിലപാടിനെയും റിപ്പോര്‍ട്ടില്‍ രൂക്ഷമായി വിമര്‍ശിക്കുന്നുണ്ട്.

വ്യാപം മരണങ്ങള്‍ ‘അഴിമതിക്കും സര്‍ക്കാറിന്റെ സുതാര്യതയില്ലായ്മയ്ക്കും’ ഉദാഹരണമാണെന്ന് റിപ്പോര്‍ട്ടില്‍ പരാമര്‍ശിക്കുന്നു.

ടീസ്റ്റ സെതല്‍വാദിനും ഭര്‍ത്താവ് ജാവേദ് ആനന്ദിനും എതിരായ പൊലീസ് നടപടികളെക്കുറിച്ചും റിപ്പോര്‍ട്ടില്‍ പരാമര്‍ശിക്കുന്നുണ്ട്. ‘മനുഷ്യാവകാശ ധ്വംസന ആരോപണങ്ങളില്‍ ഉണ്ടാവുന്ന അന്താരാഷ്ട്ര, സര്‍ക്കാര്‍ ഇതര അന്വേഷണങ്ങളോടുള്ള സര്‍ക്കാറിന്റെ മനോഭാവമാണ്’ ഇവര്‍ക്കെതിരായ പൊലീസ് നടപടിയിലൂടെ വെളിവാകുന്നതെന്നാണ് റിപ്പോര്‍ട്ടില്‍ പരാമര്‍ശിക്കുന്നത്.

മുതിര്‍ന്ന അഭിഭാഷക ഇന്ദിര ജെയ്‌സിങ്ങിന്റെ ‘ലോയേഴ്‌സ് കലക്ടീവ്’ ഉള്‍പ്പെടെ 25 എന്‍.ജി.ഒകളെ വിദേശ ഫണ്ട് സ്വീകരിക്കുന്നതില്‍ നിന്നും വിലക്കിയ നടപടിയെയും റിപ്പോര്‍ട്ട് വിമര്‍ശിക്കുന്നുണ്ട്. സര്‍ക്കാറിന്റെ ഈ നടപടി ഇത്തരം സംഘടനകളുടെ പ്രവര്‍ത്തനത്തെ എത്രത്തോളം മോശമായി ബാധിച്ചുവെന്നതും റിപ്പോര്‍ട്ടില്‍ വിശദീകരിക്കുന്നുണ്ട്.

Tagged with: |


ആരും കാണാതെ ഒരു ക്ലാസ്മുറിക്കുപിന്നിലെ മതിലിന്റെ ഓരം പറ്റി ആ കത്തു തുറന്നു അതില്‍ ആ മഹത്തായ , ഭംഗിയേറിയ കയ്യൊപ്പ് ‘ടെണ്ടുല്‍ക്കര്‍’; സച്ചിന്റെ ജന്മദിനത്തില്‍ കുട്ടിക്കാല ഓര്‍മ്മകള്‍ പങ്കു വച്ച് നിപിന്റെ പിറന്നാള്‍ ആശംസ

കോഴിക്കോട്: ഏപ്രില്‍ 24, ലോകമെമ്പാടുമുള്ള ക്രിക്കറ്റ് പ്രേമികള്‍ക്ക് ഇന്ന് ഉത്സവ ദിനമാണ്. തങ്ങളുടെ ദൈവം സച്ചിന്‍ ടെണ്ടുല്‍ക്കറുടെ ജന്മ ദിനമാണിന്ന്. ലോകമെങ്ങും സച്ചിന് പിറന്നാള്‍ ആശംസകളുമായി രംഗത്തെത്തിയ ഇന്ന് കേരളത്തില്‍ നിന്നുമൊരു രസകരമായ ആശംസയും സച്ചിനെ തേടിയെത്തി. സോഷ്യല്‍ മീഡിയ ക്യാമ്പയിനുകളിലൂടെ ശ്രദ്ധേയനായ നിപിന്‍ നാരായണന്‍ എന്ന നീനയുടെ പിറന്നാള്‍ സന്ദേശ