Categories

ജോര്‍ജിന്റെ അധിക്ഷേപം ദുഷിച്ച ഫ്യൂഡല്‍ മനസ്സിന്റെ പ്രതിഫലനം: വി.ടി ബല്‍റാം

തിരുവനന്തപുരം: ടി.എന്‍ പ്രതാപന്‍ എം.എല്‍.എയെ വിമര്‍ശിച്ച ചീഫ് വിപ്പ് പി.സി ജോര്‍ജിന്റെ നടപടിയ്‌ക്കെതിരെ വി.ടി ബല്‍റാം എം.എല്‍.എ. ഫേസ്ബുക്കിലൂടെയാണ് ബല്‍റാം തന്റെ അമര്‍ഷം പ്രകടിപ്പിച്ചത്.

Ads By Google

ടി.എന്‍ പ്രതാപനെതിരായ പി.സി ജോര്‍ജിന്റെ അധിക്ഷേപം ഒരു ദുഷിച്ച ഫ്യൂഡല്‍ മനസ്സിന്റെ പ്രതിഫലനമാണെന്ന് വി.ടി ബല്‍റാം പറഞ്ഞു. ജനാധിപത്യത്തില്‍ ജനപ്രതിനിധികള്‍ പ്രതിനിധീകരിക്കുന്നത് ജനങ്ങളെയാണ് സമുദായങ്ങളയല്ലെന്നും പോസ്റ്റില്‍ വി.ടി ബല്‍റാം പറയുന്നു.

ജനപ്രതിനിധികള്‍ സ്വസമുദായങ്ങളുടെ താല്‍പര്യസംരക്ഷകര്‍ മാത്രമായിരിക്കണമെന്ന ജോര്‍ജിന്റെ ലോജിക്ക് കോണ്‍ഗ്രസിന് സ്വീകാര്യമല്ല. കയ്യേറ്റക്കാര്‍ക്കും മാഫിയകള്‍ക്കും യു.ഡി.എഫിന്റെ ചിലവില്‍ സംരക്ഷണം നല്‍കാന്‍ ആരെങ്കിലും ശ്രമിച്ചാല്‍ അതിനെതിരെ ചെറുത്തുനില്‍പ്പുണ്ടാവുക സ്വാഭാവികമാണ്. പി.സി ജോര്‍ജ് യു.ഡി.എഫിന്റെ സ്വയം പ്രഖ്യാപിത വക്താവാകുന്ന അപമാനകരമായ അവസ്ഥ തുടരണമോയെന്ന കാര്യത്തില്‍ നേതൃത്വം ആത്മപരിശോധന നടത്തണമെന്നും ബല്‍റാം പറഞ്ഞു.

ഫേസ്ബുക്കില്‍ വി.ടി ബല്‍റാമിന്റെ അഭിപ്രായത്തിന് വന്‍ പിന്തുണയാണ് ലഭിച്ചുകൊണ്ടിരിക്കുന്നത്. പോസ്റ്റിട്ട് രണ്ട് മണിക്കൂറിനുള്ളില്‍ 92 പേര്‍ ഷെയര്‍ ചെയ്തിട്ടുണ്ട്. 135 പേരാണ് അഭിപ്രായപ്രകടനം നടത്തിയിരിക്കുന്നത്.



‘പൂ നല്‍കി സ്വീകരിച്ചവര്‍ കുറച്ച് കഴിയുമ്പോള്‍ എന്നെ എങ്ങനെ പിടിച്ചു പുറത്താക്കാം എന്നായിരിക്കും ആലോചിക്കുക’; താന്‍ പിന്തുടരുന്ന മാധ്യമ ധര്‍മ്മങ്ങളെ കുറിച്ച് അര്‍ണബിന്റെ തള്ള് ഇങ്ങനെ

ന്യൂദല്‍ഹി: മാധ്യമ ധര്‍മ്മത്തെ കുറിച്ച് മുതിര്‍ന്ന പല മാധ്യമ പ്രവര്‍ത്തകരും പറയുന്നത് നാം കേട്ടിട്ടുണ്ട്. മാധ്യമങ്ങള്‍ക്ക് മൂല്യച്ഛുതി സംഭവിച്ചു കൊണ്ടിരിക്കുകയാണെന്ന് ആരോപണമുയരുന്ന ഈ കാലത്ത് മാധ്യമധര്‍മ്മത്തെ കുറിച്ച് വീണ്ടും വീണ്ടും പറയേണ്ടതുമുണ്ട്. എന്നാല്‍ മാധ്യമ ധര്‍മ്മത്തേയും മാധ്യമ പ്രവര്‍ത്തകന്റെ കര്‍ത്തവ്യത്തേയും കുറിച്ച് റിപ്പബ്ലിക് ചാനലിന്റെ മേ