Administrator
Administrator
‘ഭരണചക്രം തിരിക്കാന്‍ അഴിമതിക്കാരെ ആവശ്യമുണ്ട്’
Administrator
Thursday 7th July 2011 9:38am

vs-achuthanandanതിരുവനന്തപുരം: ഐജി ടോമിന്‍ തച്ചങ്കരിയെ തിരിച്ചെടുത്തതിനെതിരെ നിയമനടപടി സ്വീകരിക്കുമെന്ന് പ്രതിപക്ഷനേതാവ് വി.എസ് അച്യുതാനന്ദന്‍. ഭരണചക്രം തിരിക്കാന്‍ അഴിമതിക്കാരെ ആവശ്യമുണ്ടെന്ന ഒരു പത്രപരസ്യത്തിന്റെ കുറവേ കാണുന്നുള്ളുവെന്നും അദ്ദേഹം പറഞ്ഞു. തിരുവനന്തപുരത്ത് കേരള സ്റ്റേറ്റ് ടീച്ചേര്‍സ് അസ്സോസിയേഷന്‍ (കെ.എസ്.ടി.എ) സംഘടിപ്പിച്ച സമരം ഉദ്ഘാടനം ചെയ്യുകയായിരുന്നു വി.എസ്.

കേരളത്തിന്റെ വിദ്യാഭ്യാസ പുരോഗതി അട്ടിമറിക്കപ്പെടുകയാണ്. പൊതുവിദ്യാലയങ്ങള്‍ അടച്ചുപൂട്ടാനാണ് യു.ഡി.എഫ് ശ്രമിക്കുന്നത്. ഇതിന്റെ തുടക്കമായിട്ടാണ് സി.ബി.എസ്.ഇ സ്‌ക്കൂളുകള്‍ക്ക് അംഗീകാരം നല്‍കിയത്.

കുറ്റവാളികളെ സംരക്ഷിക്കുന്നതാണ് ഈ സര്‍ക്കാരിന്റെ നയം. പാഠപുസ്തകങ്ങളും പാഠ്യപദ്ധതിയും ശാസ്ത്രീയമായി പരിഷ്‌കരിക്കുന്ന നമുക്ക് ഇനി സി.ബി.എസ്.ഇ സിലബസ് മതിയെന്നാണ് മുഖ്യമന്ത്രി പറയുന്നത്. നമ്മുടെ സംസ്‌കാരത്തിന് അനുസൃതമായിരൂപപ്പെടുത്തിയ പാഠ്യപദ്ധതിക്ക് പകരം സായിപ്പിന്റെ പാഠ്യപദ്ധതി തിരിച്ചുകൊണ്ടുവരാനാണ് ശ്രമമെന്നും ഇത് അനുവദിച്ചൂകൂട.

ബാലകൃഷ്ണപിള്ളയെ ജയിലില്‍ നിന്ന് പുറത്തിറക്കാന്‍ ശ്രമിക്കുന്ന യു.ഡി.എഫ് സര്‍ക്കാര്‍ നീതിപീഠത്തെ കളിയാക്കുകയാണ്. എഴുപത് കഴിഞ്ഞ ഏതൊരാള്‍ക്കും അഴിമതി നടത്താമെന്നും ശിക്ഷയില്ലെന്നും പറഞ്ഞ് നിയമസഭയില്‍ ബില്ല് കൊണ്ടുവന്നാലും അതിശയിക്കാനില്ലെന്ന് വി.എസ് പറഞ്ഞു.

Advertisement