Categories

പിള്ളയ്‌ക്കെതിരെ തെളിവുകളുമായി വി.എസ് സുപ്രീംകോടതിയില്‍

ന്യൂദല്‍ഹി: ജയില്‍ ചട്ടങ്ങള്‍ ലംഘിച്ചുവെന്ന പരാതിയില്‍ ബാലകൃഷ്ണപിള്ളക്കെതിരെ പ്രതിപക്ഷ നേതാവ് വി.എസ്.അച്യുതാനന്ദന്‍ സുപ്രീംകോടതിയില്‍ കൂടുതല്‍ തെളിവുകള്‍ നല്‍കി. പിള്ളയുടെ മോചനം റദ്ദാക്കണമെന്ന ഹര്‍ജിയിലാണ് വി.എസ്.സുപ്രീംകോടതിയില്‍ കൂടുതല്‍ രേഖകള്‍ സമര്‍പ്പിച്ചത്. പിള്ളയുടെ മോചനത്തിനെതിരെ വി.എസ്.സമര്‍പ്പിച്ച ഹര്‍ജി സുപ്രീംകോടതി നാളെ പരിഗണിക്കും.

മൊബൈല്‍ ഫോണ്‍ ഉപയോഗം സംബന്ധിച്ച ഹൈടെക് സെല്‍ റിപ്പോര്‍ട്ട്, ജയില്‍ എ.ഡി.ജി.പിയുടെ റിപ്പോര്‍ട്ട,് പിള്ളയുടെ മൊബൈല്‍ ഫോണ്‍ വിളിയുടെ വിശദാംശങ്ങള്‍ എന്നിവ വി.എസ്. സുപ്രീംകോടതിയില്‍ സമര്‍പ്പിച്ചിട്ടുണ്ട്. ചികിത്സയ്ക്കായി പിള്ളയെ സ്വകാര്യ ആശുപത്രിയില്‍ പ്രവേശിപ്പിച്ചത് ജയില്‍നിയമം പാലിക്കാതെയാണെന്നും വി.എസ്. നല്‍കിയ റിപ്പോര്‍ട്ടില്‍ പറയുന്നു.

ഇടമലയാര്‍ കേസില്‍ പിള്ളയ്ക്ക് ഒരുവര്‍ഷത്തെ തടവ് ശിക്ഷ ലഭിച്ചിരുന്നു. ജയിലില്‍ പ്രവേശിപ്പിച്ച പിള്ളയെ പിന്നീട് ചികിത്സയ്ക്കായി ആശുപത്രിയിലേക്ക് മാറ്റുകയും ചെയ്തു. പിള്ളയെ സര്‍ക്കാര്‍ ആശുപത്രിയില്‍ ചികിത്സിക്കാതെ സ്വകാര്യ ആശുപത്രിയിലേക്ക് മാറ്റിയത് വിവാദമായിരുന്നു. ഇതിനു പുറമേ ശിക്ഷാ കാലയളവില്‍ പിള്ള ചട്ടം ലംഘിച്ചു ചാനല്‍ റിപ്പോര്‍ട്ടറുമായി സംസാരിച്ചതു വിവാദമായിരുന്നു. സംഭവത്തില്‍ കുറ്റക്കാരനെന്നു കണ്ടെത്തിയതിനെത്തുടര്‍ന്നു അദ്ദേഹത്തിനു നാലു ദിവസം അധികം തടവില്‍ കഴിയേണ്ടിയും വന്നു. ഇടമലയാര്‍ക്കേസുമായി ബന്ധപ്പെട്ടാണു ബാലകൃഷ്ണപിള്ളയെ സുപ്രീംകോടതി ഒരു വര്‍ഷത്തെ തടവിനു ശിക്ഷിച്ചത്.

പിള്ളയെ 2011 ഫെബ്രുവരി 18നാണു പൂജപ്പുര സെന്‍ട്രല്‍ ജയിലില്‍ അടച്ചത്. കേരളപ്പിറവി ദിനത്തിന്റെ ഭാഗമായി ശിക്ഷയിളവു നല്‍കാന്‍ സര്‍ക്കാര്‍ തീരുമാനിച്ചതിന്റെ അടിസ്ഥാനത്തില്‍ നവംബര്‍ ഒന്നിന് അദ്ദേഹം ജയില്‍ മോചിതനാകുകയായിരുന്നു.

Malayalam news, Kerala news in English

2 Responses to “പിള്ളയ്‌ക്കെതിരെ തെളിവുകളുമായി വി.എസ് സുപ്രീംകോടതിയില്‍”

  1. KP ANIL

    ഇയാള്‍ക്ക് വേറെ പണി ഒന്നും ഇല്ലെ ! ഭാരതം മുഴുവന്‍ രാഷ്ട്രിയ കള്ളന്മാരെ കൊണ്ട് നിറഞ്ഞിരിക്കുകയാണ് ഇത്രയും വെപ്രാളം SNC ലാബ്‌ കേസില്‍ കാണിച്ചിരുന്നു എങ്കില്‍ പിണറായ ഇന്ന് ജയിലില്‍ കിടന്നേനേം പെണ്ണുപിടിയന്‍ കുഞ്ഞാലികുട്ടി എങ്ങനെ മദിച്ചു നടക്കില്ലായിരുന്നു. ജയിലില്‍ ഫോണ്‍ വിളിച്ചാല്‍ അത് അത്ര വലിയ കാര്യം ഒന്നും അല്ല . കണ്ണൂര്‍ ജയിലില്‍ മുഴുവന്‍ സഖാഖള്‍ക്കും മൊബൈല്‍ ഫോണ്‍ ഉണ്ട് അതിനൊന്നും പറയാന്‍ ഇല്ലെ??

  2. മിൻ

    ഇജ്ജാതി മനുഷ്യരുടെ ഒരു കാര്യം….
    അഴിമതിക്കെതിരെ ആരും മിണ്ടില്ല എന്നു കേഴും എന്നിട്ട് ആരെങ്കിലും ശബ്ദം ഉയർത്തിയാൽ അയാൾക്ക് വേഋറെപണിയൊന്നും ഇല്ലെ എന്നും ചോദിക്കും. കുഞ്ഞാലികുട്ടിക്ക്ഉ ംലാവലിൻ കേസിലും അന്യോഷണം നടക്കുന്നില്ല? എന്താ മറ്റു നേതാക്കളൊന്നും മിണ്ടാത്തത്….

LEAVE YOUR COMMENTS

Press ctrl+g to toggle between English and Malayalam.