muringoor caseന്യൂദല്‍ഹി: പിള്ളയ്‌ക്കെതിരെ വി.എസ് സമര്‍പ്പിച്ച ഹരജിയില്‍ ഇടപെടാന്‍ സുപ്രീംകോടതി വിസമ്മതിച്ചു. വി.എസിന് ഹൈക്കോടതിയെയോ ബന്ധപ്പെട്ട അധികൃതരെയോ സമീപിക്കാമെന്നും കോടതി നിര്‍ദേശിച്ചു.

ഇടമലയാര്‍ കേസില്‍ ബാലകൃഷ്ണപിള്ളയ്ക്ക് ഒരു വര്‍ഷത്തെ തടവ് ശിക്ഷ വിധിച്ച ജസ്റ്റിസ് പി. സദാശിവം, ബി.എസ് ചൗഹാന്‍ എന്നിവരുള്‍പ്പെട്ട ബെഞ്ചാണ് കേസ് പരിഗണിച്ചത്. വി.എസിന് വേണ്ടി മുന്‍ സോളിസിറ്റര്‍ ജനറല്‍ ഗോപാല്‍ സുബ്രഹ്മണ്യമാണ് കോടതിയില്‍ ഹാജരായത്.

Subscribe Us:

വി.എസിന്റെ ഹരജിയെ വിലകുറച്ചുകാണുന്നില്ലെന്ന് കോടതി ചൂണ്ടിക്കാട്ടി. ആര്‍. ബാലകൃഷ്ണപിള്ളയ്ക്ക് ജീവന് ഭീഷണിയുള്ളതുകൊണ്ടാണ് കോയിന്‍ ബോക്‌സ് ഉപയോഗിക്കാതെ മൊബൈല്‍ ഉപയോഗിച്ചതെന്നുമാണ് സര്‍ക്കാര്‍ കോടതിയില്‍ നല്‍കിയ വിശദീകരണം. ഈ കേസിന്റെ വസ്തുതകളിലേക്ക് കടക്കാനാവില്ലെന്ന് കോടതി അറിയിച്ചു. തടവുകാരെ സര്‍ക്കാരുകള്‍ വിട്ടയക്കുന്നത് ആദ്യമായല്ല. 1990നുശേഷം കേരളത്തില്‍ 296 തടവുകാരെ വിട്ടയച്ചിട്ടുണ്ടെന്ന് കോടതി ചൂണ്ടിക്കാട്ടി. വി.എസ് അച്യുതാനന്ദന്‍ മുഖ്യമന്ത്രി ആയിരുന്നപ്പോഴും തടവുകാരെ വിട്ടയച്ചിരുന്നിരിക്കാം.

നൂറു കണക്കിന് കേസുകളാണ് സുപ്രീംകോടതി തീര്‍പ്പാക്കുന്നത്. എന്നാല്‍ ഈ കേസുകളില്‍ ശിക്ഷനടത്തിപ്പുമായി ബന്ധപ്പെട്ട കാര്യങ്ങള്‍ നിരീക്ഷിക്കാനാവില്ലെന്നും കോടതി വ്യക്തമാക്കി. പരാതിയുമായി വി.എസിന് ഹൈക്കോടതിയെ സമീപിക്കാം. കോടതി ഇടപെടാന്‍ വിസമ്മതിച്ചതിനെ തുടര്‍ന്ന് വി.എസ് അച്യുതാനന്ദന്‍ ഹരജി പിന്‍വലിച്ചു.

പിള്ളയുടെ മോചനത്തിനെതിരെ നിയമവിദ്യാര്‍ത്ഥിയായ മഹേഷ് മോഹന്‍ നല്‍കിയ ഹരജി സുപ്രീംകോടതി തള്ളി.

ബാലകൃഷ്ണപിള്ളയുടെ മോചനം ഭരണഘടനാ വിരുദ്ധമാണെന്ന് ചൂണ്ടിക്കാട്ടിയാണ് വി.എസ് ഹരജി നല്‍കിയത്. ജയില്‍ ചട്ടങ്ങള്‍ക്കനുസരിച്ച് ജീവിച്ച പ്രതികള്‍ക്കാണ് ശിക്ഷായിളവിന് അര്‍ഹതയുള്ളത്. എന്നാല്‍ ബാലകൃഷ്ണപിള്ള ചട്ടലംഘനം നടത്തിയതിന് ശിക്ഷിക്കപ്പെട്ടയാളാണെന്ന് ഹരജിയില്‍ ചൂണ്ടിക്കാട്ടുന്നു. ചട്ടലംഘനം നടത്തിയെന്നതിന് തെളിവായി ആശുപത്രിയില്‍ കഴിയവെ മാധ്യമപ്രവര്‍ത്തകനുമായി പിള്ള മൊബൈല്‍ ഫോണില്‍ സംസാരിക്കുന്ന ടേപ്പ് ഹാജരാക്കിയിരുന്നു. പിള്ള സ്വകാര്യ ആശുപത്രിയില്‍ കഴിഞ്ഞ കാലയളവ് ശിക്ഷയായി കാണരുതെന്നും ഹരജിയില്‍ ആവശ്യപ്പെട്ടിരുന്നു.

Malayalam news

Kerala news in English