vs-achuthanandanതിരുവനന്തപുരം: പകര്‍ച്ചപനി വ്യാപകമായിട്ടും ആരോഗ്യവകുപ്പിന്റെ ഭാഗത്തു നിന്നു കാര്യക്ഷമമായ നടപടികള്‍ ഉണ്ടാകുന്നില്ലെന്ന് പ്രകിപക്ഷ നേതാവ് വി.എസ് അച്ച്യുതാനന്ദന്‍. പനി വിഷയം ആരോഗ്യമന്ത്രി നിസാരവല്‍ക്കരിച്ചു. പ്രശ്‌നത്തിന്റെ ഗൗരവം മനസിലാക്കാതെ ആരോഗ്യമന്ത്രി മുന്‍ സര്‍ക്കാരിന്റെ കാലത്തെ കണക്കുകള്‍ പറയുകയാണ്.

ആരോഗ്യരംഗം പ്രതിസന്ധി നേരിടുമ്പോള്‍ മന്ത്രിയും കൂട്ടരും നടത്തുന്നത് തീക്കളിയാണ്. പകര്‍ച്ചപ്പനി തടയാന്‍ ആശ്വാസ നടപടികളൊന്നും സര്‍ക്കാര്‍ കൊക്കൊള്ളുന്നില്ല. പനി ബാധിതരായ തൊഴിലാളികള്‍ക്ക് അടിയന്തര റേഷന്‍ അനുവദിക്കണമെന്നും വി.എസ്. ആവശ്യപ്പെട്ടു.

പനി വിഷയത്തില്‍ പ്രതിപക്ഷം നല്‍കിയ അടിയന്തര പ്രമേയത്തിന് സ്പീക്കര്‍ അനുമതി നിഷേധിച്ചതിനെ തുടര്‍ന്നു നടത്തിയ വാര്‍ത്താ സമ്മേളനത്തില്‍ സംസാരിക്കുകയായിരുന്നു പ്രതിപക്ഷ നേതാവ്.