ആലപ്പുഴ: സി.പി.ഐ.എം ആലപ്പുഴ ജില്ലാ സെക്രട്ടറിയേറ്റ് തയാറാക്കിയ സ്ഥാനാര്‍ഥിപട്ടികയില്‍ വി.എസിന്റെ പേരില്ല. മന്ത്രിമാരായ ജി. സുധാകരന്റെയും തോമസ് ഐസക്കിന്റെയും പേരുകള്‍ സ്ഥാനാര്‍ഥി പട്ടികയിലുണ്ട്. വി.എസ് മത്സരിക്കുമെന്ന് പ്രചരിച്ചിരുന്ന അമ്പലപ്പുഴയില്‍ ജി. സുധാകരനെയാണ് ജില്ലാ സെക്രട്ടറിയേറ്റ് നാമനിര്‍ദേശം ചെയ്തിരിക്കുന്നത്.

ആലപ്പുഴയില്‍ തോമസ് ഐസക്കിനെയും ആരൂരില്‍ എ ആരിഫിനെയും കായംകുളത്ത് സി.കെ സദാശിവനെയുമാണ് നിര്‍ദേശിച്ചിട്ടുള്ളത്. നേരത്തെ വി.എസ്. മത്സരിക്കുമെന്ന പ്രചരിച്ചിരുന്ന പത്തനംതിട്ടയിലെ കോന്നി മണ്ഡലം സി.പി.ഐയ്ക്ക് വിട്ടുകൊടുക്കാന്‍ തീരുമാനിച്ചിരുന്നു.് റിപ്പോര്‍ട്ട് പട്ടിക ജില്ലാ കമ്മറ്റിക്ക് സമര്‍പ്പിച്ചു. ജില്ലാ കമ്മറ്റി അംഗീകരിച്ച ശേഷം സംസ്ഥാന നേതൃത്വത്തിന് കൈമാറും.