vs-achuthanandanകണ്ണൂര്‍: ആത്മാഭിമാനമുള്ള മന്ത്രിമാര്‍ ഫാരിസ് അബൂബക്കറിനെപ്പോലെ വെറുക്കപ്പെട്ടവരുടെ കൂടെ വേദി പങ്കിടില്ലെന്ന് പ്രതിപക്ഷ നേതാവ് വി.എസ്.അച്യുതാനന്ദന്‍. വെറുക്കപ്പെട്ടവര്‍ ആരൊക്കെയാണെന്ന് ജനങ്ങള്‍ക്കറിയാമെന്നും വി.എസ് പറഞ്ഞു. ചെന്നൈയില്‍ ഫാരിസ് അബൂബക്കര്‍ സംഘടിപ്പിച്ച ചടങ്ങില്‍ മന്ത്രി പി.കെ.കുഞ്ഞാലിക്കുട്ടി പങ്കെടുത്തതിനെക്കുറിച്ച് പ്രതികരിക്കുകയായിരുന്നു വി.എസ്.

വി.എസ്.അച്യുതാനന്ദന്റെ സര്‍ട്ടിഫിക്കറ്റ് വാങ്ങി ആളുകളെ കാണേണ്ട കാര്യം തനിക്കില്ലെന്ന് മന്ത്രി പി.കെ.കുഞ്ഞാലിക്കുട്ടി കഴിഞ്ഞ ദിവസം പറഞ്ഞിരുന്നു. വി.എസ് വെറുക്കപ്പെട്ടവനെന്ന് വിശേഷിപ്പിച്ച ഫാരിസ് അബൂബക്കറുമായി വേദി പങ്കിട്ടതിനെക്കുറിച്ചുള്ള മാധ്യമങ്ങളുടെ ചോദ്യങ്ങളോട് പ്രതികരിക്കുകയായിരുന്നു കുഞ്ഞാലിക്കുട്ടി. ആരെയെങ്കിലും കണ്ടാല്‍ ഒളിച്ചോടേണ്ട ആവശ്യവും തനിക്കില്ലെന്നും ഫാരിസ് അബൂബക്കര്‍ വെറുക്കപ്പെട്ടവനാണെന്നത് വി.എസിന്റെ അഭിപ്രായമാണെന്നും കുഞ്ഞാലിക്കുട്ടി പറഞ്ഞിരുന്നു.

Subscribe Us: