Administrator
Administrator
തിരഞ്ഞെടുപ്പിലെ തോല്‍വിക്ക് കാരണം ഉത്സാഹക്കുറവാണോ?- വി.എസ്
Administrator
Thursday 15th December 2011 12:28pm

vs-achuthanandanതിരുവനന്തപുരം: നിയമസഭാ തിരഞ്ഞെടുപ്പില്‍ ഇടതുപക്ഷം പരാജയപ്പെട്ടത് എന്തുകൊണ്ടാണെന്ന് പരിശോധിക്കണമെന്ന് പ്രതിപക്ഷ നേതാവ് വി.എസ് അച്ച്യുതാനന്ദന്‍. കേരളത്തില്‍ ജയത്തിന് അടുത്ത് വരെ എത്തിയാണ് പരാജയപ്പെട്ടത്. ഉത്സാഹക്കുറവാണോ പരാജയത്തിന് കാരണമെന്നത് പ്രവര്‍ത്തകര്‍ പരിശോധിക്കണമെന്നും അദ്ദേഹം പറഞ്ഞു. തിരുവനന്തപുരത്ത് സി.പി.ഐ.എം ജില്ലാ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു വി.എസ്.

കഴിഞ്ഞ സര്‍ക്കാറിന്റെ ജനക്ഷേമ പ്രവര്‍ത്തനങ്ങള്‍ വേണ്ട വിധം ജനങ്ങളിലെത്തിക്കുന്നതില്‍ വീഴ്ച പറ്റിയിട്ടുണ്ട്. ഓരോ ജില്ലകളിലും ഇത്തരത്തില്‍ പ്രവര്‍ത്തനം നടത്താന്‍ കഴിഞ്ഞിട്ടില്ല. ഇതാണ് തോല്‍വിക്ക് കാരണം. ഇക്കാര്യം പരിശോധിക്കപ്പെടേണ്ടതുണ്ടെന്നും വി.എസ് പറഞ്ഞു.

മുല്ലപ്പെരിയാറില്‍ ജനങ്ങളുടെ സുരക്ഷ ഉറപ്പ് വരുത്തേണ്ടതുണ്ടെന്ന് വി.എസ് വ്യക്തമാക്കി. 30 ലക്ഷം ജനങ്ങളുടെ ജീവന്‍ അപകടത്തിലാവുമ്പോള്‍ അതില്‍ പാര്‍ട്ടിക്കും ബാധ്യതയുണ്ട്. അണക്കെട്ട് അപകടാവസ്ഥയിലാണെന്ന് നിരവധി പഠനങ്ങളില്‍ നിന്ന് വ്യക്തമാണ്. പുതിയ അണക്കെട്ടെന്ന ലക്ഷ്യവുമായി കേരളീയര്‍ മുന്നോട്ട് പോവുകയാണ്. 31 വര്‍ഷമായി നാം ഈ കാര്യം ഉന്നയിക്കാന്‍ തുടങ്ങിയിട്ട്. ജനങ്ങളുടെ സുരക്ഷ ഉറപ്പ് വരുത്താന്‍ നിലപാട് സ്വീകരിക്കേണ്ടതുണ്ട്.

പുതിയ അണക്കെട്ടിന് 1978ല്‍ തന്നെ ധാരണയായിട്ടുണ്ട്. പിന്നീട് തമിഴ്‌നാട് ഇതില്‍ നിന്നും പിറകോട്ട് പോവുകയായിരുന്നു. സമാധാനപരമായി പ്രതിഷേധങ്ങള്‍ മുന്നോട്ട് കൊണ്ട് പോകാനാണ് കേരളം ശ്രമിക്കുന്നത്. എന്നാല്‍ തമിഴ്‌നാട് ഇതിനെ കേരള-തമിഴ്‌നാട് പ്രശ്‌നമാക്കി മാറ്റനാണ് ശ്രമിക്കുന്നത്. കഴിഞ്ഞ സര്‍ക്കാറിന്റെ കാലത്ത് മുല്ലപ്പെരിയാര്‍ വിഷയത്തില്‍ ഏറെ മുന്നോട്ട് പോകാന്‍ കഴിഞ്ഞിരുന്നു. എന്നാല്‍ ഈ സര്‍ക്കാര്‍ ഏറെ അബദ്ധങ്ങള്‍ ചെയ്യുകയാണെന്നും വി.എസ് പറഞ്ഞു.

കോഴിക്കോട് മുക്കത്ത് സി.പി.ഐ.എം ജില്ലാ സമ്മേളനം പി.ബി അംഗം കോടിയേരി ബാലകൃഷ്ണന്‍ ഉദ്ഘാടനം ചെയ്തു. സമ്മേളനങ്ങള്‍ കഴിയുന്നതോടെ രാഷ്ട്രീയപരമായും പ്രത്യശാസ്ത്രപരമായും സംഘടനാപരമായും പാര്‍ട്ടി ശക്തിപ്പെടുമെന്ന് അദ്ദേഹം പറഞ്ഞു.

Malayalam news, Kerala news in English

Advertisement