Administrator
Administrator
വി.എസ് പോസ്റ്റര്‍: സി.പി.ഐ.എം നേതാക്കള്‍ രണ്ടു തട്ടില്‍
Administrator
Saturday 16th April 2011 3:06pm

vs-posterകോഴിക്കോട്: നിയമസഭാ തിരഞ്ഞെടുപ്പില്‍ വി.എസ് അച്ച്യുതാനനന്ദന്റെ ഫോട്ടോ വെച്ച് വ്യാപകമായി പോസ്റ്ററുകള്‍ ഇറക്കിയതിനെച്ചൊല്ലി സി.പി.ഐ.എമ്മില്‍ വിവാദം പുകയുന്നു. പോസ്റ്ററുകളില്‍ വി.എസിന്റെ ഫോട്ടോ വെച്ചത് ശരിയായില്ലെന്നും വ്യക്തിപൂജ സി.പി.ഐ.എമ്മിനെ തളര്‍ത്തുമെന്നും ഇന്നലെ സി.ഐ.ടി.യു സംസ്ഥാന സെക്രട്ടറി എം.എം ലോറന്‍സ് പറഞ്ഞിരുന്നു. എന്നാല്‍ ഇതിനെതിരെ സി.പി.ഐ.എം സംസ്ഥാന സെക്രട്ടേറിയേറ്റ് അംഗവും വൈദ്യുതി മന്ത്രിയുമായ എ.കെ ബാലന്‍ രംഗത്ത് വന്നു. വി.എസ്സിന്റെ പടം വെച്ച് വോട്ട് പിടിച്ചത് പ്രതീകാത്മകമാണെന്നും അതില്‍ യാതൊരു തെറ്റുമില്ലെന്നും എ.കെ.ബാലന്‍ പറഞ്ഞു. ഇതിനെ വ്യക്ത്യാരാധനയായി കാണാനാവില്ലെന്നും അദ്ദേഹം വ്യക്തമാക്കി. വോട്ടെടുപ്പിന് മുമ്പ് സി.പി.ഐ.എം സംസ്ഥാന സെക്രട്ടറി പിണറായി വിജയനും പോസ്റ്ററുകളെക്കുറിച്ച് പുതിയ പ്രവണതയാണെന്ന് പറഞ്ഞിരുന്നു.

ഇത്തവണ നിയമസഭാ തിരഞ്ഞെടപ്പില്‍ ഉയര്‍ന്ന വി.എസ് തരംഗം മുതലെടുക്കാനായിരുന്നു മുഴുവന്‍ മണ്ഡലങ്ങളിലും പിണറായി-വി.എസ് പക്ഷ ഭേദമന്യേ ഇടത് സ്ഥാനാര്‍ഥികള്‍ വി.എസിന്റെ ഫോട്ടോ പ്രചാരണത്തിനായി ഉപയോഗിച്ചത്. പാര്‍ട്ടി ഔദ്യോഗിക പക്ഷത്തുള്ള സ്ഥാനാര്‍ഥികളാണ് വ്യാപകമായി വി.എസിന്റെ ചിത്രം ഉപയോഗിച്ചതെന്നതും ശ്രദ്ധേയമാണ്. അതേ സമയം സി.പി.ഐ.എം സെക്രട്ടറി പിണറായി വിജയന്റെ ചിത്രം അപൂര്‍വ്വമായേ കണ്ടുള്ളൂ. അതും പൊതുവെ വി.എസ് പക്ഷത്തുള്ള സ്ഥാനാര്‍ഥികളുടെ പോസ്റ്ററുകളിലാണ് കണ്ടത്.

വി.എസിന്റെ നേതൃത്വത്തില്‍ തിരഞ്ഞെടുപ്പില്‍ ഇടതുപക്ഷം വിജയിച്ച് വീണ്ടും അധികാരത്തിലേറാന്‍ വലിയ താല്‍പര്യമൊന്നുമില്ലാത്ത നിലയിലാണ് ഇത്തവണ സി.പി.ഐ.എം സംസ്ഥാന സെക്രട്ടറിയുള്‍പ്പെടെയുള്ളവരില്‍ നിന്നും പ്രതികരണങ്ങളുണ്ടായത്. ജമാഅത്ത് വിവാദവും തിരഞ്ഞെടുപ്പിന് തൊട്ട് മുമ്പായി വി.എസിനെതിരെ പിണറായി നടത്തിയ പ്രസ്താവനയും കൂട്ടി വായിക്കുമ്പോള്‍ ഇതാണ് മനസ്സിലാക്കേണ്ടത്. പാര്‍ട്ടി തീരുമാനമെന്തായാലും വിജയത്തില്‍ കുറഞ്ഞ മറ്റൊരു അജണ്ടയും സ്ഥാനാര്‍ഥികള്‍ക്കില്ലായിരുന്നു. അതുകൊണ്ട് തന്നെയാണ് അവര്‍ ട്രന്റ് മനസ്സിലാക്ക്ി ഗ്രൂപ്പ് വ്യത്യാസമില്ലാതെ വി.എസിന്റെ ചിത്രം വെച്ചതും.

അതേസമയം തിരഞ്ഞെടുപ്പില്‍ തോല്‍ക്കാന്‍ സി.പി.ഐ.എം വോട്ട് മറിച്ചതായും ആരോപണമുണ്ട്. വി.എസിന്റെ നേതൃത്വത്തില്‍ ഇടതുപക്ഷെ വീണ്ടും അധികാരത്തില്‍ വരുന്നത് തടയാന്‍ വേണ്ടിയാണ് ഈ നീക്കമെന്നാണ് ലഭിക്കുന്ന വിവരം. ഇടതുമുന്നണിക്ക് മികച്ച ഭൂരിപക്ഷം ലഭിക്കാവുന്ന ജില്ലകളായ കൊല്ലം, പാലക്കാട്, കണ്ണൂര്‍, കാസര്‍കോട് ജില്ലകളെ ഒഴിവാക്കിയാണ് വോട്ടുമറിച്ചത്. പ്രത്യേകിച്ചും യുഡിഎഫിനു മേല്‍ക്കൈയുണ്ടാകുമെന്ന് സി.പി.ഐ.എം തന്നെ വിലയിരുത്തിയ ആലപ്പുഴ, കോട്ടയം, എറണാകുളം, തൃശൂര്‍, മലപ്പുറം, കോഴിക്കോട് ജില്ലകളില്‍ സി.പി.എം വോട്ട് മറിഞ്ഞതായാണ് ലഭിക്കുന്ന വിവരങ്ങള്‍.

Advertisement