Categories

ഇ-മെയില്‍ ചോര്‍ത്തല്‍ വാര്‍ത്ത അട്ടിമറിക്കപ്പെട്ടു; സര്‍ക്കാറിനും മാധ്യമങ്ങള്‍ക്കുമെതിരെ രൂക്ഷ വിമര്‍ശനവുമായി വി.എസ്

vs-achuthanandan

തിരുവനന്തപുരം: 268 പേരുടെ ഇ-മെയില്‍ ചോര്‍ത്തിയ സംഭവത്തില്‍ സര്‍ക്കാറിനെതിരെ ശക്തമായ വിമര്‍ശനവുമായി പ്രതിപക്ഷ നേതാവ് വി.എസ് അച്ച്യുതാനന്ദന്‍ രംഗത്ത്. ഇ-മെയില്‍ ചോര്‍ത്തല്‍ വാര്‍ത്തകള്‍ അട്ടിമറിക്കപ്പെട്ടത്  മാധ്യമങ്ങളുടെ പതിവ് രാഷ്ട്രീയ താല്‍പര്യങ്ങളോട് കൂടിയുള്ള ഇടപെടലുകളെ തുടര്‍ന്നാണെന്ന് വി.എസ് പറഞ്ഞു.

ഫോണ്‍ ചോര്‍ത്തല്‍ മാത്രമല്ല, 268 പേരെ തീവ്രവാദികളാക്കി മുദ്ര കുത്തുക എന്ന കൊടിയ കുറ്റം തന്നെ ഭരണാധികാരികളില്‍ നിന്നുണ്ടായി. പൗരാവകാശത്തിനുമേല്‍ രണ്ടു തരത്തിലുള്ള കടന്നു കയറ്റങ്ങളാണുണ്ടായത്. മാനസികമായി ഒറ്റപ്പെടുത്തുക, മനുഷ്യാവകാശമായ സ്വകാര്യത തകര്‍ക്കുന്ന ആക്രമണം നടത്തുക എന്നിവയാണത്.

എന്നാല്‍ ഈ ഭരണകൂട ഭീകരതയെ ശക്തമായി തുറന്ന് കാണിക്കാനും അപലപിക്കാനും വേണ്ടത്ര ശ്രമങ്ങളുണ്ടായില്ല. പല മാധ്യമങ്ങളും പതിവ് രാഷ്ട്രീയ താല്‍പര്യത്തോടെ ഇതിനെ സമീപിച്ചു. ഒരു വലിയ കുറ്റം ചെയ്തിട്ടും അതിനെ ലാഘവത്തോടെ കാണാന്‍ ഉമ്മന്‍ചാണ്ടി സര്‍ക്കാറിന് സാധിച്ചത് അതുകൊണ്ടാണെന്നും അദ്ദേഹം പറഞ്ഞു. മാധ്യമം ദിനപത്രം സില്‍വര്‍ ജൂബിലി ആഘോഷങ്ങളുടെ ഭാഗമായി സംഘടിപ്പിച്ച സെമിനാര്‍ ഉദ്ഘാടനം ചെയ്യുകയായിരുന്നു വി.എസ്.

‘ ഏറ്റവും വലിയ മാധ്യമ ചക്രവര്‍ത്തിയായ റൂപര്‍ട്ട് മര്‍ഡോക് വരെ ടെലിഫോണ്‍ ചോര്‍ത്തല്‍ കേസില്‍ പ്രതിയാക്കപ്പെടുമെന്നോ പരസ്യമായി തല്ല് കൊള്ളുമെന്നോ ഒരിക്കല്‍ പോലും അയാള്‍ കരുതിയിട്ടുണ്ടാവില്ല. എന്നാല്‍ അത് സംഭവിക്കുകയും അത് കാണുകയും ചെയ്ത കാലമാണിത്. പൗരന്റെ സ്വകാര്യതയിലേക്ക് ഒളിഞ്ഞുനോക്കിയാല്‍, സ്വകാര്യതയെ ആക്രമിച്ചാല്‍ തല്ലുകിട്ടണം. തല്ലു മാത്രമല്ല, കോടതി കയറേണ്ടിവരികയും വരാം. തടവ് ശിക്ഷയും പിഴയുമുണ്ടാകും. അത്തരമൊരു ലോക സാഹചര്യത്തിലാണ് കേരളത്തില്‍ 268 പേരുടെ ഇമെയില്‍ ചോര്‍ത്താന്‍ സര്‍ക്കാര്‍ തയ്യാറായത്.

268 പേരേ സിമി എന്ന് മുദ്രകുത്തിയതും അതിനായി നിയമലംഘനം നടത്തിയതും പ്രശ്‌നമല്ല. അത് സംബന്ധിച്ച് പത്രത്തിന് വിവരം നല്‍കിയെന്ന് ഒരാളില്‍ കുറ്റം ആരോപിക്കുകയും അതാണ് ഏറ്റവും വലിയ കുറ്റമെന്ന് വരുത്തിത്തീര്‍ക്കുകയായിരുന്നു സര്‍ക്കാര്‍. ഇവിടെ യഥാര്‍ത്ഥ പ്രശ്‌നം വിസ്മരിക്കപ്പെടുകയായിരുന്നു.

2008ലെ ആ.ടി ആക്ട് ഭേദഗതിക്ക് അടിയന്തിരാവസ്ഥയുടെ സ്വഭാവമാണ്. അതുകൊണ്ട് ഈ നിയമം പൊളിച്ചെഴുതാന്‍ ശക്തമായ സമ്മര്‍ദം വേണം. ഈ നിയമത്തെ മറികടക്കുന്ന രീതിയിലാണ് 268 പേരുടെ മെയില്‍ സര്‍ക്കാര്‍ ചോര്‍ത്തിയത്. വ്യക്തികളുടെ മാനസികവും ശാരീരികവുമായ സ്വകാര്യതയെ ഭരണകൂടം ഭയപ്പെടുകയാണ്. അതുകൊണ്ടാണ് ചാപ്പകുത്തല്‍ പോലെ ആധാര്‍ പദ്ധതി നടപ്പാക്കുന്നത്.

ആധാര്‍ വിവരങ്ങള്‍ ദുരുപയോഗിക്കപ്പെടുമെന്ന് അഭ്യന്തര വകുപ്പ് തന്നെ പറയുന്നുണ്ട്. ഈ പദ്ധതിക്കെതിരെ ശക്തമായ പ്രതിഷേധം ഉയരണം. ചിദംബരം നടപ്പാക്കാന്‍ പോകുന്ന ദേശീയ ഭീകരവിരുദ്ധ കേന്ദ്രം(നാഷണല്‍ കൗണ്ടര്‍ ടെററിസം)ത്തിനോട് മുസ്‌ലിം ലീഗും കേരള കോണ്‍ഗ്രസും നിലപാട് വ്യക്തമാക്കണം. പൗരസ്വാതന്ത്ര്യ നിഷേധത്തിനും അമിതാധികാര പ്രവണതയ്ക്കുമെതിരെ മുഴുവന്‍ ജനാധിപത്യ വിശ്വാസികളും ഐക്യപ്പെടണമെന്നും വി.എസ് ആവശ്യപ്പെട്ടു.

Malayalam news

Kerala news in English

5 Responses to “ഇ-മെയില്‍ ചോര്‍ത്തല്‍ വാര്‍ത്ത അട്ടിമറിക്കപ്പെട്ടു; സര്‍ക്കാറിനും മാധ്യമങ്ങള്‍ക്കുമെതിരെ രൂക്ഷ വിമര്‍ശനവുമായി വി.എസ്”

  1. Manojkumar.R

    കാലം എല്ലാം വിസ്മൃതിയില്‍ ആഴ്തുമെന്നു പറയുന്നത് വെറുതെയല്ല! എങ്കിലും ഇങ്ങിനെ ഇത്രവേഗം എല്ലാം മറക്കുകയെന്നാല്‍?…ഇ മെയില്‍ ചോര്‍ത്തല്‍ വിവാദം എന്തൊരു വലിയ വിഷയമായിരുന്നു.എല്ലാം എത്ര പെട്ടെന്നാണ് നമ്മളെല്ലാം മറന്നത്?പൌരന്റെ സ്വകാര്യതയിലേക്ക് ഭരണകൂടം കടന്നു കയറുന്നത് നസന്ഗരായി നോക്കി നില്ക്കാന്‍ മാത്രമേ നമുക്ക് കഴിയൂ എന്ന് നമ്മള്‍ സമ്മതിക്കുകയായിരുന്നു.അത് ഇസ്ലാമിന് നേരെയല്ലേ എന്ന് കരുതി പലരും മാറി നിന്നു.എല്ലാം മറ്റൊരാളെ അല്ലെ എന്ന് കരുതി നമ്മള്‍ എല്ലാം മാറി നില്‍ക്കയാണ്‌.പണ്ട് ഹിറ്റ്‌ലര്‍ ടെ കാലത്ത് ഫാസിസ്റ്റുകള്‍ ജനങ്ങളെ ആക്രമിച്ചു കൊണ്ടിരുന്നപ്പോഴും ഇത് തന്നെയായിരുന്നു കഥ! ഓരോ കൂട്ടരും ആക്രമിക്കപ്പെടുമ്പോള്‍ അത് തങ്ങലെയല്ലല്ലോ എന്ന് പറഞ്ഞു മറ്റു കൂട്ടര്‍ പ്രതികരിക്കാതെ മാറി നിന്നു.എന്നാല്‍ പിന്നീട് മാറി നിന്നവരെയും അവര്‍ വെറുതെ വിട്ടില്ല…..അതെ അവസ്ഥ തന്നെയാണ് ഇതും ഇപ്പോള്‍ ഇസ്ലാമിന് നേരെയാണ് ഭരണകൂടം ഈ ആരോപണം ഉന്നയിച്ചു പലരെയും നോട്ടപ്പുള്ളികലാക്കിയത്.ഇനി മറ്റുള്ളവരെയും ഇത് പോലെ നിരീക്ഷിക്കില്ലെന്നുല്ലതിനു എന്താണ് ഉറപ്പുള്ളത്?..ഇത് മാധ്യമത്തിന്റെ മാത്രം പ്രശ്നമല്ലെന്ന് തിരിച്ചറിഞ്ഞു സത്യസന്ധമായി പ്രതികരിക്കാന്‍ എത്ര പത്രങ്ങളും ചാനലുകളും തയ്യാറായി? ഒരു കണക്കിന് “മാധ്യമം” എന്നാ പത്രത്തെ ഒറ്റപെടുത്താന്‍ മറ്റു പത്രങ്ങളും ചാനലുകളും സര്‍ക്കാരിനൊപ്പം കൂട്ട് നിന്നു എന്ന് പോലും സംശയിക്കത്തക്ക രീതിയിലാണ് കാര്യങ്ങള്‍ നടന്നത്…ഈ അവസരത്തില്‍ സ: അച്യുതാനന്ദനെങ്കിലും ഇങ്ങനെ ഒരു കാര്യം തുറന്നു പറയാന്‍ രംഗത്ത് വന്നു എന്നത് വളരെ ഏറെ ആശ്വാസം നല്‍കുന്നു.

  2. ശുംഭന്‍

    ഇമെയില്‍ വിവാദം ഒരു പൌരാവകാശ വിഷയം എന്നതിന് പകരം വര്‍ഗീയ പ്രശ്നം ആക്കി അവതരിപ്പിക്കാനാണ് അച്ചുതാനന്ദന്‍ ഉള്‍പ്പെടെയുള്ളവര്‍ അന്ന് ചെയ്തത്. ഇപ്പോള്‍ വീണ്ടും വെള്ള പൂശി പ്രശ്നം കുത്തിയിളക്കുകയാണ്. അച്ചുതാനന്ദന്‍ കുറച്ചു വിവരമുള്ള ആളായിട്ടാണ് പൊതുവേ കരുതപ്പെടുന്നത്. അതുകൊണ്ട് ചോദിക്കുകയാണ്, രാജ്യ സുരക്ഷയും 100 ശതമാനം സ്വകാര്യതാ സംരക്ഷണവും കൂടി താങ്കള്‍ പറയുന്ന രീതിയില്‍ യോജിച്ചു പോകുമോ? നാട് ഭരിച്ചിരുന്ന വ്യക്തി എന്ന നിലയ്ക്ക്, അന്വേഷണ ഏജന്‍സികളുടെ പ്രവര്‍ത്തന രീതി താങ്കള്‍ക്കു തന്നെ അത് അറിവുള്ളതല്ലേ. ലോകത്തെ എല്ലാ രാജ്യങ്ങളും ഇത് തന്നെയല്ലേ ചെയ്യുന്നത്? എന്നിട്ടും ഇങ്ങനെയൊക്കെ തട്ടി വിടുന്നത്, വിടുവായിത്തരമോ അതോ ദുഷ്ടലാക്കോ?

  3. MANJU MANOJ.

    വി യസേ വിമര്ഷിക്കനല്ലാതെ എന്താണ് താങ്കള്‍ക്ക് കഴിയുക???

    വി ഐ പി,(കിളിരൂര്‍)യെ പിടിക്കാന്‍ അഞ്ചു വര്ഷം അവസരം ഉണ്ടായിട്ടും വായില്‍ മാങ്ങാ തിരുകി ഇരുന്ന താങ്കള്‍ ജനങ്ങളെ എത്ര മാത്രം വിഡ്ഢികള്‍ ആക്കുന്നു?????

    മകന്‍ വിവാദ പ്രേശ്നനഗളില്‍ ചാടിയപ്പോള്‍ അതിനെ എതിര്‍ക്കുകയോ, അനുകൂലിക്കുകയോ ചെയ്യാത്ത താങ്കള്‍

    ആദ്യം വീട് നന്നാക്കൂ….അതിനു ശേഷം നാട് നന്നാക്കൂ……..
    ആദ്യം മകനെ നന്നാകൂ ….അതിനു ശേഷം നാട്ടുകാരെ നന്നാക്കൂ….

    നിഖ്പക്ഷമായി നില്‍ക്കുന്ന ഒരു വക്തിയുടെ അഭിപ്രായമാണിത്….

  4. boban

    കേരളത്തിന്റെ ശാപം ആണ് ഈ വ്യക്തി

  5. MANJU MANOJ.

    ബോബന്‍,
    ആര്????

LEAVE YOUR COMMENTS

Press ctrl+g to toggle between English and Malayalam.