Categories

വി.എസ് വേണ്ട, ഭരണവും വേണ്ട

പാര്‍ട്ടിയും വേണ്ട, ജനങ്ങളും വേണ്ട

എഡിറ്റോ-റിയല്‍ / ബാബു ഭരദ്വാജ്

ഒടുക്കം അത് സംഭവിച്ചു. വി.എസിനെ ഇനി ഒരിക്കലും തിരഞ്ഞെടുപ്പില്‍ മത്സരിപ്പിക്കേണ്ടെന്ന് സി.പി.ഐ.എമ്മിന്റെ കേരളഘടകവും കേന്ദ്രഘടകവും തീരുമാനിച്ചു. ഈ തീരുമാനം ഞങ്ങളെ ഒട്ടും അത്ഭുതപ്പെടുത്തുന്നില്ല. സത്യത്തില്‍ ഒടുക്കം ഈ പാര്‍ട്ടിയും അതിന്റെ നേതാക്കളും ജനങ്ങളോട് ഒരിക്കലെങ്കിലും സത്യം പറയുന്നത് കേള്‍ക്കാന്‍ ഞങ്ങള്‍ കാത്തിരിക്കുകയായിരുന്നു.

രണ്ടാഴ്ച മുമ്പ് അച്യുതാനന്ദന്‍ തന്നെയായിരിക്കും ഈ തിരഞ്ഞെടുപ്പില്‍ പാര്‍ട്ടിയെയും മുന്നണിയെയും നയിക്കുകയെന്ന് കേരളത്തിലെ പൊതുസമൂഹം തീര്‍ത്തും വിശ്വസിച്ച് ആശ്വസിച്ചുകൊണ്ടിരുന്ന സമയത്ത്,  അച്യുതാനന്ദനെ ഈ പാര്‍ട്ടി ഈ തിരഞ്ഞെടുപ്പില്‍ മത്സരിപ്പിക്കില്ലെന്ന് ആദ്യമായി ഉറപ്പിച്ചും തറപ്പിച്ചും പറഞ്ഞത് ഡൂള്‍ന്യൂസ്.കോം ആണെന്ന കാര്യം ഞങ്ങളുടെ പ്രിയപ്പെട്ട വായനക്കാര്‍ ഓര്‍ക്കുമല്ലോ?.

അതൊരു വെളിപാടായിരുന്നില്ല. ഊഹാപോഹമോ നിഗമനമോ ആയിരുന്നില്ല. പ്രവചനവും ആയിരുന്നില്ല. കേരള രാഷ്ട്രീയത്തെ പ്രത്യേകിച്ചും ഇടതുപക്ഷ രാഷ്ട്രീയത്തിന്റെ ഉള്ളുകള്ളികള്‍ തീര്‍ത്തും അറിയുന്ന, അറിയാന്‍ ശ്രമിക്കുന്ന ആര്‍ക്കും എത്തിച്ചേരാന്‍ കഴിയുന്ന ‘തീര്‍പ്പ്’ അതായിരുന്നു. മാത്രമല്ല  ഔദ്യോഗിക പാര്‍ട്ടിയും അതിന്റെ ഔദ്യോഗിക കേന്ദ്ര നേതൃത്വമെന്ന് പറയുന്ന ‘ അവൈലബിള്‍ പൊളിറ്റ്ബ്യൂറോ’ എന്ന ‘ആവലാതി’ നേതാക്കളും അഞ്ച് വര്‍ഷം മുമ്പ് എടുത്ത തീരുമാനം നടപ്പാക്കുക മാത്രമാണ് ഇപ്പോള്‍ ചെയ്യുന്നത്.

തങ്ങള്‍ കുടത്തില്‍ നിന്ന് തുറന്ന് വിട്ട ‘ഭൂതത്തെ’ വീണ്ടും കുടത്തില്‍ അടക്കുന്നതില്‍ അവര്‍ വിജയിച്ചിരിക്കുന്നു. ഒടുക്കം അവര്‍ തന്നെയാണ് കുടത്തില്‍ അകപ്പെടാന്‍ പോകുന്നതെന്നും അവര്‍ അടച്ചു എന്നു കരുതിയ ‘ഭൂതം’ കേരള രാഷ്ട്രീയത്തില്‍ ആകാശം മുട്ടെ വളര്‍ന്നു നില്‍ക്കുന്നു എന്നും അവരിനി അറിയാന്‍ പോകുന്നതേയുള്ളൂ.

ഒരാഴ്ച മുമ്പാണ് പാര്‍ട്ടിയുടെ ഔദ്യോഗിക രാഷ്ട്രീയ ജിഹ്വയായ പീപ്പിള്‍സ് ഡെമോക്രസിയില്‍ പേരുവച്ചെഴുതിയ ലേഖനത്തില്‍ പ്രകാശ് കാരാട്ട് പറഞ്ഞത്, അഴിമതിയ്‌ക്കെതിരെ പോരാട്ടം നടത്തുന്നത് കേരളത്തിലെ ഇടതുമുന്നണിയാണെന്നും അതിനെ നയിക്കുന്നത് സഖാവ് വി.എസ് അച്യുതാനന്ദന്‍ ആണെന്നുമാണ്.

അപ്പോള്‍ അഴിമതിയ്‌ക്കെതിരെയുള്ള പോരാട്ടം തെറ്റാണെന്നാണല്ലോ ഈ തീരുമാനത്തിലൂടെ പാര്‍ട്ടി ഇപ്പോള്‍ പ്രഖ്യാപിച്ചിരിക്കുന്നത്. എല്ലാ അഴിമതിക്കാരുമായി ഞങ്ങള്‍ സന്ധിയിലായിരിക്കുന്നു. അഴിമതിക്കാരുടെ കൂടെ കൂട്ടുകച്ചവടത്തിന് ഞങ്ങള്‍ സന്നദ്ധരായിരിക്കുന്നു എന്നാണ് ഈ തീരുമാനത്തിന്റെ ഏറ്റവും ലളിതമായ അര്‍ത്ഥം.

‘ഒരുവനെ കളഞ്ഞ് ഒരിടം രക്ഷിക്കണം’ എന്നാണ് നീതിയുടെ രീതിശാസ്ത്രം പറയുന്നത്. ഇവിടെ ഒരുവനെ കളയുന്നത് ഒരിടം രക്ഷിക്കാനല്ല, ഒരിടം ഇല്ലാതാക്കാനാണ്. ആ ഇടം ഭരണമാണ്. ഭരണം ഉപേക്ഷിച്ച് സര്‍വ്വസംഗപരിത്യാഗികളായ ഒരുപാടു പേരുടെ കഥകള്‍ നിറഞ്ഞതാണ് ലോകചരിത്രം.

അവര്‍ ഭരണം ഉപേക്ഷിച്ചതും കാടുകയറിയതും നാടു തെണ്ടിയതും ഭിക്ഷാംദേഹികളായതും സ്വന്തം മോക്ഷത്തിനുവേണ്ടിയായിരുന്നില്ല, ജനതയുടെ മുഴുവന്‍ മോക്ഷത്തിനായിരുന്നു. അവര്‍ ജനഹൃദയത്തിലേക്കാണ് കാടുകയറിയത്. ജനങ്ങള്‍ക്കുവേണ്ടിയാണ് അവര്‍ സിംഹാസനങ്ങള്‍ ഉപേക്ഷിച്ചു ജനമധ്യത്തിലേക്ക് ഇറങ്ങിയത്.

ഇവിടെ പാര്‍ട്ടി ഭരണം വേണ്ടെന്ന് വെയ്ക്കുന്നത് അച്യുതാനന്ദന്‍ എന്ന ജനപക്ഷ നേതാവിനെ ഒഴിവാക്കാന്‍ വേണ്ടിയാണ്. അവര്‍ക്ക് അച്യുതാനന്ദനെ ഒഴിവാക്കിയേ പറ്റൂ. കാരണം ‘രാജാവ് നഗ്‌നനാണെന്ന്’ വിളിച്ചുകൂവുന്ന ഒരു ‘വൃദ്ധശിശു’വാണ് അച്യുതാനന്ദന്‍ എന്ന ജനപക്ഷ നായകന്‍.
അടുത്ത പേജില്‍ തുടരുന്നു

Page 1 of 212

11 Responses to “വി.എസ് വേണ്ട, ഭരണവും വേണ്ട”

  1. gladnews

    സുഹൃത്തുക്കളെ… നന്മയെ പ്രണയിക്കുന്നവരെ…
    കേരളത്തിന്റെ അവസാനത്തെ കച്ചിത്തുരുമ്പ് ആണ് വീയെസ്സ്.
    വീയെസ്സിന് വന്നതെന്ന് റെട്ടിധ്ധരിക്കപ്പെടുന്ന തെറ്റുകള്‍ വീയെസ്സിന് വന്നതല്ല.
    കാലാകാലം കേരളം ഭരിച്ച കള്ളന്മാര്‍ പണിതു വച്ച തീരാക്കുടുക്കുകള്‍ അഴിക്കാന്‍ വീയെസ്സ് പാടുപെട്ടു ശ്രമിക്കുക തന്നെ ചെയ്തു.
    എന്നാല്‍, അന്വേഷണങ്ങള്‍ എല്ലാം ഞെട്ടിക്കുന്ന, നാറുന്ന, നമുക്ക് സ്വപ്നം കാണാന്‍ കഴിയാത്തത്ര ആഴത്തിലുള്ള പ്രശ്നങ്ങളുടെ, ചതികളുടെ കഥകളില്‍ കൊണ്ടെത്തിക്കുക ആയിരുന്നിരിക്കണം. ഈ തീരാക്കുടുക്കുകള്‍ ഒന്നൊന്നായി പരിഹരിച്ച്ചുവരാന്‍ കൂടുതല്‍ സമയം വേണം. അതിനാല്‍ വീയെസ്സ് ഇനിയും ഭരിക്കണം.
    വീയെസ്സ് അച്ച്ചുതാനന്തന്‍ ഒരു ജനകീയ സോഷ്യലിസ്റ്റ്‌ ആണ്. എല്‍ ഡീ എഫു കാരന്‍ അല്ല. ആയിരുന്നെങ്കില്‍ സ്വന്തം പാര്ടികാര്‍ ഇത്രയധികം അദേഹത്തെ പേടിക്കുകയും വെറുക്കുകയും ഇല്ലായിരുന്നു.
    ഇപ്പോള്‍ ജനങ്ങള്‍ക്ക്‌ മാത്രമേ വീയെസ്സിനെ വേണ്ടൂ. വിയെസ്സിനു ജനത്തെയും. ജനങ്ങള്‍ക്ക്‌ വേണ്ടി നിന്നത് കൊണ്ട് മാത്രമാണ് വീയെസ്സ് ഒറ്റപ്പെട്ടത്. അതിനാല്‍ വീയെസ്സിനെ ജനങ്ങള്‍ ഒറ്റപ്പെടുത്തിക്കൂട. ഇനിയും അദ്ധേഹത്തിന്റെ ഭരണം തന്നെയാണ് കേരളത്തിനു ആവശ്യം.
    നമുക്ക് ചെയ്യാന്‍ കഴിയുന്നതു:
    ഈമൈല്‍ സന്ദേശങ്ങളും ഫെയിസ്ബുക്ക്‌ പോലുള്ള സോഷ്യല്‍ നെറ്റ് വര്‍ക്കുകളും പരമാവധി ഉപയോഗപ്പെടുത്തുക.
    ഈമൈലുകളും സന്ദേശങ്ങളും വ്യാപകമായി പ്രചരിക്കട്ടെ.
    ആര്‍ക്കും വേണ്ടാത്ത ഈ മനുഷ്യന്‍ പൊതുജനങ്ങള്‍ക്കായി ഇനിയും തിരിച്ചുവരട്ടെ.
    അധെഹത്തെക്കൊണ്ട് ഒന്നും ചെയ്യാന്‍ ആയില്ലെങ്കില്‍ പോലും.. ഇന്നുള്ള സ്ഥിധിയിലെങ്കിലും കേരളം നിലനില്‍ക്കും.
    ഇല്ലെങ്കില്‍:
    കള്ളന്മാരും കൊള്ളക്കാരും ഇനിയും നമ്മളെ ഭരിക്കും, അവരുടെ മാത്രം സുഖം ലക്‌ഷ്യം വെച്ചു അവര്‍ ഒറ്റക്കെട്ടായി നമ്മളെ കൊള്ള ചെയ്യും.
    യു ഡീ എഫ് ആയിരുന്നു കഴിഞ്ഞ അഞ്ചു വര്ഷം ഭരിച്ചിരുന്നതെങ്കില്‍.. എനിക്ക് യാതൊരു സംശയവുമില്ല.. ഏറ്റവും വില കുറഞ്ഞ ഇനം അരിയുടെ വില ഇന്ന് കിലോക്ക് തോന്നൂറിനും നൂറിനും ഇടയില്‍ ആയിരിക്കും. ഉറപ്പു.
    ഇത്തരത്തില്‍ എല്ലാ അവശ്യ സാധനങ്ങളുടെയും വില ഉയര്‍ന്നു കഴിഞ്ഞേനെ..

    വീയെസ്സ് ഇനിയും അഞ്ചു വര്ഷം കൂടി ഭരിച്ചാല്‍ അരിവില ഇന്നത്തേതില്‍ നില നില്‍ക്കുകയെങ്കിലും ചെയ്യും.
    ഇനി വര്ധ്ധിച്ച്ചാലും ഒന്നോ രണ്ടോ രൂപ.. തീര്‍ച്ച.
    സുനാമി ഫണ്ടുകള്‍ സുനാമി ബാധിതര്‍ക്ക് കൊടുക്കാതെ വക മാറ്റി ചെലവാക്കിയവര്‍ ഇനി ഭരിച്ചാല്‍… അത് സങ്കല്‍പ്പിക്കാന്‍ കൂടി വയ്യ.
    ജനങ്ങളെ… എല്ലാം നിങ്ങളുടെ കയ്യില്‍… നിങ്ങള്‍ തന്നെ തീരുമാനിക്കുക നിങ്ങള്‍ക്കിനി എന്ത് വേണമെന്ന്.

  2. rajesh r

    Excellent right up!!!

  3. haroon peerathil

    raajavu nagnanaanennu vilichu parayaan namukku oru chngoottam ulla netthaavine kitty.thudangi vechathu thudaraan eni ‘WE YES’ nu adikaaram venamo? koluthi vechathu agniyaanu sarvvathinethineyum dahippichu shudheekarikkunna agni. athine namukku nenchettaam.mukhiya manthri kasserayil eruthaanalla.namukku munnil theruvil nammaliloraalayi……..

  4. Mathew M. Daniel

    ecellent

  5. Santhosh MB

    cpm’l sthanarthikale theerumanikkunnath madhyamangal alla. partyude pravarthana reethi bharadwajinumm ariyilla. ippol VS malsarikkum enna vartha vanna sthithikku thettu ettu paranju mappu parayanam…

  6. SALIH

    VS IS LEAD BY HIS PARTY POLICIES ONLY..HE DOES NOT HAVE HIS OWN isam….VS MALSARIKKILLA ENNU EPPOLANU PARTY PARNCATHU…KANDAVAN PARAYUNNATHUN KETTU DOOL NEWS COPY ADICHU ALAVAN NOKALLE ELAVAREYUM EPOOLUM PATTIKAMENNU VICARIKARUTHU…SHAME ON U DOOL

  7. WE ..YES...

    WE WILL NOT ALLOW ANYBODY TO DESTROY OUR PARTY..
    Yes,…he is coming with entire power…
    VS…the real communist………

  8. WE ..YES...

    MAADAMBIKALE JANAM THIRUTHI…
    PORALIKALKK OPPAM NINNA DOOL NEWSINU ABHIVADYANGAL….

  9. sarath

    സഗക്കളീ.. ഇതു ഇനിയും എങ്ങനെ തന്നെ വെക്കുന്നത് ശരിയാണോ. വേഗം എടുത്തു മടൂഉ. vs nu sthanarthithwam kittiya nilayil eni ee parayunnathil kariyamilla

  10. haroon peerathil

    കുട്ടികളെ ടൂള്‍ ന്യൂസ്‌ നെയും ബാബു വിനെയും ഒന്നും പാര്‍ട്ടി രീതി പഠിപ്പിക്കല്ലേ .അവരൊക്കെ ഇതു കുറെ മുമ്പ് പഠിച്ചിട്ടാണ് പരീക്ഷ പാസ്സായത്‌ .ലാല്‍സലാം

  11. SASMADATHARA

    ഇനിയെങ്കിലും നിര്‍ത്തുമോ താങ്കളുടെ ഈ മുന്‍ധാരണകള്‍.കാള പെട്ടെന്ന് കേള്‍ക്കുമ്പം കയര്‍ എടുക്കരുത് .ബാബുവിന്റെ കമ്മ്യൂണിസ്റ്റ്‌ വിരോധം ഇതിനു മുന്‍പും വെളിവായിട്ടുണ്ട്.അത് കൊണ്ട് വായനക്കാരെ വിഡ്ഢികളാക്കുന്ന ഈ പണി ദയവായി നിര്‍ത്തുക

LEAVE YOUR COMMENTS

Press ctrl+g to toggle between English and Malayalam.