Categories

Headlines

വീണ്ടും വീണ്ടും വീരു; സൗരവ്വ് ഗാംഗുലിയെ രസഗുളയോട് ഉപമിച്ച് വിരേന്ദര്‍ സെവാഗ്; മറുപടിയുമായി എത്തിയത് ശ്രീശാന്ത്

മുംബൈ: ഇന്ത്യന്‍ ക്രിക്കറ്റിന്റെ പ്രതാഭകാലം ഏതെന്നു ചോദിച്ചാല്‍ അതിനുത്തരം സച്ചിനും ഗാംഗുലിയും സേവാഗും ദ്രാവിഡും ഒക്കെ കളം വാണ കാലം എന്നായിരിക്കും ഉത്തരം. ഇന്ത്യയുടെ ഫാബ് ഫൈവിലെ താരങ്ങള്‍ തമ്മിലുള്ള സൗഹൃദവും അന്നത്തെ ടീമിന്റെ പ്രകടനത്തില്‍ നിര്‍ണ്ണായകമായിരുന്നു. കളിയില്‍ നിന്നും വിരമിച്ചെങ്കിലും താരങ്ങള്‍ തമ്മിലുള്ള സൗഹൃദത്തിന് യാതൊരു കുറവും ഇതുവരെ സംഭവിച്ചിട്ടില്ല.

പോയ ദിവസം തങ്ങളുടെ സൗഹൃദത്തിന്റെ ആഴം എത്ര വലുതാണെന്ന് സെവാഗ് ഒരിക്കല്‍ കൂടി കാണിച്ചു തന്നു. പ്രിയ സുഹൃത്ത് സൗരവ്വ് ഗാംഗുലിയുമായുള്ള ഫോട്ടോ ട്വീറ്റ് ചെയ്തായിരുന്നു വീരു ദാദയോടുള്ള സ്‌നേഹം അറിയിച്ചതും. വീരുവാണല്ലോ അതുകൊണ്ട് ട്രോളാതെ പോകില്ലല്ലോ.. അതും ഉണ്ടായിരുന്നു.

ദാദയുടെ സന്തോഷമാണ് എന്റെ സന്തോഷമെന്ന് പറഞ്ഞ സെവാഗ് ഗാംഗുലിയുടെ ചിരിയെ രസഗുളയുടെ മാധുര്യത്തോടാണ് ഉപമിച്ചത്. കഴിഞ്ഞ ദിവസം കൊല്‍ക്കത്ത നൈറ്റ് റൈഡേഴ്‌സിന് എതിരായ മത്സരത്തിനിടെ എടുത്ത ചിത്രമാണ് സെവാഗ് ട്വീറ്റ് ചെയ്തത്. അവിടം കൊണ്ട് തീര്‍ന്നെന്നു കരുതണ്ട സെവാഗിന് മറുപടിയുമായെത്തിയത് മറ്റാരുമല്ല, മലയാളി താരം എസ് ശ്രീശാന്തായിരുന്നു.

2003 ല്‍ തനിക്കരികിലെത്തി മത്സരത്തില്‍ തന്നെ തുടരണമെന്നും രാജ്യത്തിനു വേണ്ടി കളിക്കുന്നതില്‍ മാത്രം ശ്രദ്ധ ചെലുത്താനും ഉപദേശിച്ചത് ദാദയായിരുന്നു എന്നാണ് ശ്രീ പറയുന്നത്. ദാദയ്ക്കും വീരുവിനുമൊപ്പം ക്രിക്കറ്റ് കളിക്കാന്‍ സാധിച്ചതില്‍ അഭിമാനമുണ്ടെന്നും ഇതിഹാസ താരങ്ങളില്‍ നിന്നും ലഭിച്ച ഉപദേശങ്ങളെല്ലാം തനിക്ക് വലിയ മുതല്‍ക്കൂട്ടായിരുന്നുവെന്നും താരം പറയുന്നു.


Also Read: ഇമ്മാതിരി വിഡ്ഡിത്തങ്ങള്‍ ഇനിയും ക്ഷമിക്കാന്‍ വയ്യ; വ്യാജ പ്രസ്താവനക്കെതിരെ സൈബര്‍ സെല്ലില്‍ പരാതിയുമായി ജോയ് മാത്യു


2006 ലെ സൗത്ത് ആഫ്രിക്കന്‍ പര്യടനത്തിനിടെ ഇടങ്കയ്യന്‍ ബാറ്റ്‌സ്മാന്മാര്‍ക്കെതിരെ പന്തെറിയുന്നത് നന്നാക്കാനായി തനിക്കെതിരെ പന്തെറിയാന്‍ ദാദ തന്നോട് ആവശ്യപ്പെട്ടതിനെ കുറിച്ചും ശ്രീശാന്ത് ട്വീറ്റില്‍ പറയുന്നുണ്ട്. 169 വിക്കറ്റുകള്‍ സ്വന്തമായിട്ടുള്ള ശ്രീശാന്ത് ഇന്ത്യന്‍ ടീമിലേക്ക് എത്തുന്നതില്‍ സൗരവ്വ് ഗാംഗുലിയുടെ പങ്ക് വളരെ നിര്‍ണ്ണായകമായിരുന്നു.



ആരും കാണാതെ ഒരു ക്ലാസ്മുറിക്കുപിന്നിലെ മതിലിന്റെ ഓരം പറ്റി ആ കത്തു തുറന്നു അതില്‍ ആ മഹത്തായ , ഭംഗിയേറിയ കയ്യൊപ്പ് ‘ടെണ്ടുല്‍ക്കര്‍’; സച്ചിന്റെ ജന്മദിനത്തില്‍ കുട്ടിക്കാല ഓര്‍മ്മകള്‍ പങ്കു വച്ച് നിപിന്റെ പിറന്നാള്‍ ആശംസ

കോഴിക്കോട്: ഏപ്രില്‍ 24, ലോകമെമ്പാടുമുള്ള ക്രിക്കറ്റ് പ്രേമികള്‍ക്ക് ഇന്ന് ഉത്സവ ദിനമാണ്. തങ്ങളുടെ ദൈവം സച്ചിന്‍ ടെണ്ടുല്‍ക്കറുടെ ജന്മ ദിനമാണിന്ന്. ലോകമെങ്ങും സച്ചിന് പിറന്നാള്‍ ആശംസകളുമായി രംഗത്തെത്തിയ ഇന്ന് കേരളത്തില്‍ നിന്നുമൊരു രസകരമായ ആശംസയും സച്ചിനെ തേടിയെത്തി. സോഷ്യല്‍ മീഡിയ ക്യാമ്പയിനുകളിലൂടെ ശ്രദ്ധേയനായ നിപിന്‍ നാരായണന്‍ എന്ന നീനയുടെ പിറന്നാള്‍ സന്ദേശ