Categories

കെ.പി.സി.സി പുന:സംഘടന തുഗ്ലക് പരിഷ്‌കാരമാകരുതെന്ന് വയലാര്‍ രവി

ന്യൂദല്‍ഹി: കെ.പി.സി.സി പുന:സംഘടന തുഗ്ലക് പരിഷ്‌കാരമാകരുതെന്ന് കേന്ദ്രമന്ത്രി വയലാര്‍ രവി. എല്ലാ ഡി.സി.സി, കെ.പി.സി.സി ഭാരവാഹികളും മാറണമെന്ന അഭിപ്രായമില്ലെന്നും അദ്ദേഹം പറഞ്ഞു.

Ads By Google

എം.എല്‍.എ ആയതിനാല്‍ കെ.പി.സി.സി ഭാരവാഹിത്വം ലഭിക്കില്ലെന്നതിനാല്‍ ചിലര്‍ മുഴുവന്‍ അംഗങ്ങളെയും മാറ്റണമെന്ന ആവശ്യവുമായി രംഗത്തെത്തുന്നുണ്ട്. ഇത് തുഗ്ലക് പരിഷ്‌കാരമാകും. നേരത്തെ ഒരു തവണ മുഴുവന്‍ അംഗങ്ങളെയും മാറ്റി കെ.പി.സി.സി പുന:സംഘടിപ്പിച്ചിരുന്നു. അത് വിജയം കാണാത്തതിനെ തുടര്‍ന്ന് പകുതിപ്പേരെ മാറ്റുകയാണുണ്ടായതെന്നും അദ്ദേഹം പറഞ്ഞു.

ഈ പാര്‍ട്ടി ആരുടെയും കുത്തകയല്ല. എല്ലാവരും കൂടിയാലോചിച്ചശേഷമേ തീരുമാനങ്ങള്‍ ഉണ്ടാകാവൂ. ഓരോരുത്തരും അവരവരുടെ ആഗ്രഹങ്ങള്‍ പ്രകടിപ്പിക്കുകയും മാധ്യമങ്ങള്‍ക്ക് ചോര്‍ത്തി നല്‍കുകയും ചെയ്യുന്നുണ്ടെന്നും വയലാര്‍ രവി കുറ്റപ്പെടുത്തി.

Tagged with: