Categories

ആധാര്‍ : വിദ്യാഭ്യാസ വകുപ്പിനെതിരെ കേസെടുത്തു

പിന്‍വാതിലിലൂടെ യു.ഐ ഡി (ആധാര്‍) നടപ്പാക്കാനുള്ള സംസ്ഥാന വിദ്യാഭ്യാസ വകുപ്പിന്റെ നീക്കത്തിനെതിരെ ദേശീയ ബാലാവകാശ സംരക്ഷണ കമ്മീഷന്‍ കേസെടുത്തു. ‘സമ്പൂര്‍ണ്ണ’ എന്ന സോഫ്റ്റ്‌വെയര്‍ ഉപയോഗിച്ച് വിദ്യാര്‍ത്ഥികളുടെ വിവരങ്ങള്‍ ശേഖരിക്കാന്‍ സംസ്ഥാന വിദ്യാഭ്യാസവകുപ്പ് പുറത്തിറക്കിയ സര്‍ക്കുലറിനെതിരെ ആണ് കമ്മീഷന്‍ കേസെടുത്തിരിക്കുന്നത്. 18.08.2011 ന് പൊതുവിദ്യാഭ്യാസ വകുപ്പ് ഡയറക്ട്രര്‍ ഇറക്കിയ സര്‍ക്കുലര്‍ പ്രകാരം ഒക്ടോബര്‍ 31 ന് മുന്‍പ് മുഴുവന്‍ കുട്ടികളുടെയും വിവരങ്ങള്‍ ‘സമ്പൂര്‍ണ്ണ’യില്‍ ചേര്‍ക്കണം. ഈ വിവരങ്ങള്‍ ചേര്‍ക്കുന്നത് യു.ഐ.ഡി കാര്‍ഡിന് വേണ്ടിയാണെന്ന സൂചനയും സര്‍ക്കുലറില്‍ ഉണ്ട്. ഇതിനകം തന്നേ വിവാദമായ യു.ഐ.ഡി കാര്‍ഡ് നടപ്പാക്കുന്നതിന്റെ ഭാഗമായാണ് കുട്ടികളില്‍ നിന്നും അവരുടെ സമ്പൂര്‍ണ്ണ വിവരങ്ങള്‍ ശേഖരിക്കുന്നതെന്നും യു.ഐ.ഡി നടപ്പാക്കുന്നത് നിയമവിധേയമായി അല്ലെന്നും ഇത് കുട്ടികളുടെ അവകാശങ്ങളുടെ ലംഘനമാണെന്നും കാണിച്ച് ‘സേ നോ റ്റു യു.ഐ.ഡി’ ക്യാംപെയ്‌നു വേണ്ടി അനിവര്‍ അരവിന്ദും കൂട്ടരും നല്‍കിയ പരാതിയിന്മേല്‍ ആണ് കമ്മീഷന്‍ കേസെടുത്തത്. പതിനഞ്ചു ദിവസത്തിനകം ഇത് സംബന്ധിച്ച അന്വേഷണം നടത്തി റിപ്പോര്‍ട്ട് സമര്‍പ്പിക്കാന്‍ കമ്മീഷന്‍ സംസ്ഥാന വിദ്യാഭ്യാസ സെക്രെട്ടറിക്ക് നിര്‍ദ്ദേശം നല്‍കിയിട്ടുണ്ട്.

‘ആധാര്‍ പദ്ധതി വഴി ശേഖരിക്കുന്ന വിവരത്തിന്റെ സുരക്ഷ സംബന്ധിച്ച് നിയമപരമായ തീരുമാനം സര്‍ക്കാരോ പാര്‍ലമെന്റോ നാളിതുവരെ എടുത്തിട്ടില്ല. വ്യക്തികള്‍ക്ക് ആധാറിനു വിവരങ്ങള്‍ നല്‍കാനോ നല്കാതിരിക്കാനോ അവകാശമുണ്ട്. എന്നാല്‍ ഈ സര്‍ക്കുലര്‍ വഴി വിദ്യാര്‍ത്ഥികള്‍ക്ക് മേല്‍ ഇത് പിന്‍വാതിലിലൂടെ അടിച്ചേല്‍പ്പിക്കുകയാണ് കേരള സര്‍ക്കാര്‍. കുട്ടികളുടെ വിവരങ്ങള്‍ കൂടാതെ രക്ഷിതാക്കളുടെ യു.ഐ.ഡി വിവരങ്ങളും ‘സമ്പൂര്‍ണ്ണ’ വഴി സര്‍ക്കാര്‍ ശേഖരിക്കുന്നുണ്ട്. ഇത് വിദ്യാര്തികളുടെ എല്ലാ ഭാവി രേഖകള്‍ക്കും ഉപയോഗിക്കുമെന്നും സര്‍ക്കുലറില്‍ പറയുന്നു. എന്നാല്‍ ഒരു വ്യക്തിയുടെ കൌമാര കാലത്തെ കുറ്റകൃത്യങ്ങള്‍ അടക്കമുള്ള വിവരങ്ങള്‍ പോലും പ്രായപൂര്‍ത്തിയായാല്‍ നശിപ്പിച്ചു കളയണമെന്ന് നിയമം അനുശാസിക്കുമ്പോള്‍ ആണ് സര്‍ക്കാര്‍ ഈ നയം നടപ്പാക്കുന്നത്. ഇനി കുട്ടികളുടെ അവകാശലംഘനം ആണ്.’ അനിവര്‍ അരവിന്ദും കൂട്ടരും നല്‍കിയ പരാതിയില്‍ പറയുന്നു.

വിവരശേഖരണത്തിന് അധ്യാപകര്‍ക്ക് യു.ഐ.ഡി നിരക്കില്‍ പ്രത്യേകം കൂലി നല്‍കുമെന്നും സര്‍ക്കുലറില്‍ പറയുന്നുണ്ട്. ആധാര്‍ സംബന്ധിച്ച സുരക്ഷാ പ്രശ്‌നങ്ങളെപ്പറ്റി വി.എസ് അച്ചുതാനന്ദന്‍ അടക്കം നേരിട്ട് രംഗത്ത് വന്നിട്ടും ഇടതു അധ്യാപക സംഘടനകള്‍ ഇതിനെതിരെ രംഗത്ത് വന്നിട്ടില്ല എന്നത് ശ്രദ്ധേയമാണ്.

ആധാര്‍: ജനാധിപത്യത്തില്‍ നിന്ന് ഏകാധിപത്യത്തിലേക്കുള്ള ദൂരം

ആധാര്‍ ആര്‍ക്കുവേണ്ടി ?

Tagged with:

3 Responses to “ആധാര്‍ : വിദ്യാഭ്യാസ വകുപ്പിനെതിരെ കേസെടുത്തു”

  1. Ranjith

    “എന്നാല്‍ ഒരു വ്യക്തിയുടെ കൌമാര കാലത്തെ കുറ്റകൃത്യങ്ങള്‍ അടക്കമുള്ള വിവരങ്ങള്‍ പോലും പ്രായപൂര്‍ത്തിയായാല്‍ നശിപ്പിച്ചു കളയണമെന്ന് നിയമം അനുശാസിക്കുമ്പോള്‍ ആണ് സര്‍ക്കാര്‍ ഈ നയം നടപ്പാക്കുന്നത്.” ഇത് ഏതു നിയമത്തിലാണ് പറഞ്ഞിട്ടുള്ളത് എന്ന് അറിഞ്ഞാല്‍ കൊള്ളാം. വിവര ശേഖരം നടത്തേണ്ടത് വിദ്യാലയങ്ങളില്‍ നിന്ന് തന്നെയാണ്. വ്യക്തമായ കാരണങ്ങള്‍ കൂടാതെ ഒരു നല്ല കാര്യത്തിനെ എതിര്‍ക്കുന്നത് പിന്തിരിപ്പന്‍ നിലപാടാണ്.

  2. J.S. Ernakulam.

    ranjith ,
    അങ്ങിനെ ഒരു നിയമം ഉണ്ടോ????
    ഉണ്ടെങ്കില്‍ എന്ത് കൊണ്ട് ദുര്‍ഗുണ പരിഹാര പഠശാലയില്‍
    നിന്ന് പ്രായപൂര്‍ത്തി ആകുമ്പോള്‍ അവരെ ജയിലിലേക്ക് അയയുക്കുന്നു?????
    ഓര്മ യില്ലാത്ത പ്രായത്തില്‍ മാതാപിതാക്കള്‍ കുട്ടികള്‍ക്ക് പേരിടുന്നു. പ്രയപൂര്തിയകുംപോള്‍ പേര് മറ്റാരുണ്ടോ????
    ഓര്‍മയില്ലാത്ത പ്രായത്തില്‍ കുട്ടികളെ സ്കൂളില്‍ ആക്കുന്നു.
    പ്രായപൂര്‍ത്തി ആകുമ്പോള്‍ എല്ലാവരും വിദ്യാഭ്യാസം നിര്‍ത്തുന്നുണ്ടോ????
    തെറ്റ് ഏതു പ്രായത്തില്‍ ചെയിതലും തെറ്റ് തെറ്റ് തന്നെയാണ്.
    പോലീസ് രേക്കൊടിലുള്ള സംഭവം വര്‍ഷങ്ങള്‍ കഴിഞ്ഞാലും അവിടെത്തന്നെയുണ്ടാകും.ആധാരില്‍ അതും ഉള്പെടുതുന്നതില്‍ ഒരു തെറ്റും ഇല്ല.
    അങ്ങിനെ എങ്കില്‍ കോടതിയിലെയും,പോലിസിലെയും പഴയ കാല
    റെക്കോര്‍ഡുകള്‍ നശിപ്പിക്കേണ്ട സമയം കഴിഞ്ഞില്ലേ?????

  3. sreekumar

    തീവ്രവാദ പ്രവര്‍ത്തനവും സാമൂഹ്യവിരുദ്ധ പ്രവര്‍ത്തനവും നടത്താന്‍ ഉദ്ദേശിക്കുന്നവര്‍ മാത്രമേ ആധാര്‍ എന്ന സംരംഭത്തെ ഭയക്കേണ്ട കാര്യമുള്ളൂ.

LEAVE YOUR COMMENTS

Press ctrl+g to toggle between English and Malayalam.