Categories

മാണിയുടെ നേതൃത്വത്തില്‍ യു.ഡി.എഫില്‍ ഘടകകക്ഷികളുടെ കൂട്ടായ്മ

തിരുവനന്തപുരം: കേരളാകോണ്‍ഗ്രസ് നേതാവ് കെ.എം മാണിയുടെ നേതൃത്വത്തില്‍ യു.ഡി.എഫില്‍ പ്രാദേശിക പാര്‍ട്ടികളുടെ കൂട്ടായ്മ. മുല്ലപ്പെരിയാര്‍ വിഷയത്തില്‍ പ്രതിഷേധിക്കാനാണ് പ്രാദേശിക പാര്‍ട്ടികള്‍ ഒത്തുചേരുന്നത്. എന്നാല്‍ യു.ഡി.എഫിലെ വലിയ കക്ഷികളായ മുസ്‌ലീം ലീഗും സോഷ്യലിസ്റ്റ് ജനതയും കൂട്ടായ്മയില്‍ നിന്നും വിട്ടുനില്‍ക്കുമെന്നാണ് റിപ്പോര്‍ട്ട്. കേരളാകോണ്‍ഗ്രസ് എം നേതാവ് കെ.എം മാണിയുടെ നേതൃത്വത്തിലാണ് കൂട്ടായ്മ ചേരുന്നത്.

കേരളത്തിലെ ദേശീയ പാര്‍ട്ടികളായ കോണ്‍ഗ്രസ്, സി.പി.ഐ.എം എന്നിവ മുല്ലപ്പെരിയാര്‍ വിഷയത്തില്‍ കൃത്യമായ നിലപാട് സ്വീകരിക്കുന്നില്ലെന്ന് പ്രാദേശിക പാര്‍ട്ടികള്‍ കുറ്റപ്പെടുത്തുന്നു.  ഈ സാഹചര്യത്തില്‍ മുല്ലപ്പെരിയാര്‍ വിഷയത്തില്‍ ശക്തമായ പ്രതിഷേധങ്ങളുമായി മുന്നോട്ട് പോകാനാണ് ഘടകകക്ഷികളുടെ കൂട്ടായ്മക്ക് രൂപം കൊടുക്കുന്നത്. മുല്ലപ്പെരിയാര്‍ വിഷയത്തില്‍ മാത്രമല്ല, സംസ്ഥാനത്തെ ബാധിക്കുന്ന പൊതുപ്രശ്‌നങ്ങളിലും ഒറ്റക്കെട്ടായി പ്രവര്‍ത്തിക്കാനാണ് ഇവരുടെ തീരുമാനം.

ഇതുപോലൊരു കൂട്ടായ്മ രൂപീകരിക്കുന്നത് സംബന്ധിച്ച് ഇതിന് മുമ്പ് തന്നെ  ആലോചനകള്‍ നടന്നിരുന്നു. മുല്ലപ്പെരിയാര്‍ സംബന്ധിച്ച് പ്രതിഷേധം ശക്തമാകുന്ന ഈ അവസരം ഇതിനായി ഉപയോഗിക്കുകയായിരുന്നു. കേരളകോണ്‍ഗ്രസ് ജെ, കേരളാകോണ്‍ഗ്രസ് എം, ജെ.എസ്.എസ്, സി.എം.പി എന്നീ പാര്‍ട്ടികളാണ് കൂട്ടായ്മയില്‍ അംഗമാകുന്നത്.

Malayalam news

Kerala news in English

One Response to “മാണിയുടെ നേതൃത്വത്തില്‍ യു.ഡി.എഫില്‍ ഘടകകക്ഷികളുടെ കൂട്ടായ്മ”

  1. feros

    നാടകമേ ഉലകം
    മുല്ലപെരിയാര്‍ അനക്കെട്ടിന്റെ പേരില്‍ കേന്ത്ര സര്‍ക്കാര്‍ നടത്തുന്ന ഈ നാടകം മനസ്സിലാക്കാന്‍ ഉള്ള കയിവ് കേരളത്തിലെ
    എല്ലാ പൌരന്‍ മാര്‍ക്കും ഉണ്ട് . എപ്പോയത്തെ കേന്ത്രസര്‍ക്കാര്‍
    ഇടപെടിട്ടു ഈ പ്രശ്നം തീരാനും പോകുന്നില്ല . കേരത്തിലെ കൊണ്ഗ്രെസ്സിനെ പേടിക്കേണ്ട ആവശം കേന്ത്രത്തിനു ഇന്നത്തെ സഹാഗ്യരയ്തില്‍ ഇല്ല. എന്നാല്‍ തമിയ്യുനാട്ടിലെ m . p മാരെ പേടിക്കണം എന്ന് മന്മോഹന്സിന്ഘിനു നന്നായിട്ട് അറിയാം .കാരണം നിലനില്‍പ്പിന്റെ പ്രശ്നമാണ് സര്‍ക്കാരിനു. ദേശീയ പര്ട്ടിഎന്നു അവകാസപെടുന്ന മുസ്ലിം ലീഗിന് ഇതു ഒന്നും ഉരുപ്രശ്നമാല്ലല്ലോ ? കാരണം ഈ 5 ഗില്ലകളിലും ലീഗിന് സ്വാദീനം ഇല്ലല്ലോ? ഇത്ര ഒക്കെ ആയിട്ടും ഒരുലീഗിന്റെ നേതാവോ മന്ത്രിയോ ഇതുവരെ മുല്ലപെരിയരിനെ പാറ്റി ഒരു ആസങ്ങയുംപ്രഗടിപ്പിചിട്ട് ഇല്ല .സ്വന്തം ക്ലാസ്സിലെ സഹപ്രവര്‍ത്തകര്‍ അവിടെ നിരാഹാരം കിടക്കുമ്പോള്‍ അവരെ സന്തര്ഷിക്കാന്‍ പോലും തയ്യാറായിട്ടു ഇല്ല ലീഗിലെ ഒരു നേതാവും.സ്വന്തം സമുദായത്തിന് ഒരു പ്രശ്നം വന്ന കാലത്ത് ( ബാബറി മസ്ജിദു) പോലും ഒരു ചെറുവിരല്‍ അനക്കാതെ അതികാരത്തിന് വേണ്ടി നിലനിന്ന ലീഗെ ഇതിനപ്പുറം ചെയ്താലും അതില്‍ അടിശയിക്കേണ്ട കാര്യം ഇല്ല .മുല്ലപെരിയര് പൊട്ടിയാല്‍ മാണിയുടെ പാര്‍ട്ടി തന്നെ കേരളത്തില്‍ നിന്ന് തുടച്ചുനീക്കപെടും എന്ന് മാണിക്ക് നന്നായിട്ട് അറിയാം .അതുകൊണ്ട് ആണ് മണിക്ക് വെജാര്.കോണ്‍ഗ്രസ്സിന്റെ കപടനാടകം മനസ്സിലാക്കാന്‍ കേരളത്തിലെ ഉള്പുതരായ ജനങ്ങള്‍ക്ക്‌ കയ്യിയും എന്ന് മനസ്സിലാക്കുന്നത്‌ നല്ലത് ആണ് .

LEAVE YOUR COMMENTS

Press ctrl+g to toggle between English and Malayalam.