ബാഗ്ദാദ്: ഇറാഖിലെ കര്‍ബലയിലുണ്ടായ ഇരട്ട ചാവേര്‍സ്‌ഫോടനങ്ങളില്‍ 40 പേര്‍ കൊല്ലപ്പെട്ടു. 70 ലധികം പേര്‍ക്ക് പരിക്കേറ്റിട്ടുണ്ട്. കര്‍ബലയിലെ മതചടങ്ങില്‍ പങ്കെടുക്കുകയായിരുന്ന ആള്‍ക്കൂട്ടത്തിനുനേരെ ചാവേര്‍ കാറില്‍ വന്ന് സ്‌ഫോടനം നടത്തുകയായിരുന്നു.

സ്‌ഫോടനം നടന്ന ് മിനുറ്റുകള്‍ക്കുശേഷം 300 മീറ്റര്‍ അകലെ മറ്റൊരു സ്‌ഫോടനവുമുണ്ടായി. മരിച്ചവരില്‍ സുരക്ഷാസൈനികരും ഉള്‍പ്പെടുന്നു. കഴിഞ്ഞദിവസം അല്‍ അറബിയ ചാനലിന്റെ ബാഗ്ദാദ് ഓഫീസിനു മുന്നിലുണ്ടായ സ്‌ഫോടനത്തില്‍ മൂന്നു സെക്യൂരിറ്റ് സൈനികരടക്കം ആറുപേര്‍ കൊല്ലപ്പെട്ടിരുന്നു.