കൊച്ചി: കോണ്‍ഗ്രസ് എ നേതാവ് ടോണി ചമ്മിണിയെ കൊച്ചി മേയറായി തിരഞ്ഞെടുത്തു. തര്‍ക്കത്തെ തുടര്‍ന്ന് നടന്ന തിരഞ്ഞെടുപ്പിലാണ് ചമ്മിണിയെ മേയറായി തിരഞ്ഞെടുത്തത്.

ചമ്മിണിക്ക് 26 വോട്ടുകള്‍ ലഭിച്ചപ്പോള്‍ ഐ വിഭാഗത്തിലെ എന്‍ വേണുഗോപാലിന് 13 വോട്ടുകള്‍ മാത്രമേ ലഭിച്ചുള്ളൂ. ഭദ്ര സതീഷാണ് ഡെപ്യൂട്ടി മേയര്‍.

ഊഴം തിരിച്ച് അധികാരം വിഭജിക്കണം എന്ന അഭിപ്രായമായിരുന്നു ഐ ഗ്രൂപ്പിന്റെ ആവശ്യം. എന്നാല്‍ ഇക്കാര്യത്തില്‍ യോജിപ്പിലെത്താത്തതിനെ തുടര്‍ന്ന് വോട്ടിംഗ് നടത്താന്‍ തീരുമാനിക്കുകയായിരുന്നു. അതിനിടെ കൊച്ചി ജില്ലാ പഞ്ചായത്തില്‍ ആര് പ്രസിഡന്റാകും എന്നതിനെക്കുറിച്ച് ഇന്ന് വൈകിട്ടോടെ തീരുമാനമാകും എന്നാണ് സൂചന.