Categories

കുഴിനഖം വന്നാല്‍ എന്ത് ചെയ്യും?

സാധാരണയായി നമ്മെ അലട്ടുന്ന ചില രോഗങ്ങളുണ്ട്. മാരകമല്ലെങ്കിലും വല്ലാത്ത അസ്വസ്ഥതയുണ്ടാക്കുന്ന ഇത്തരം രോഗങ്ങളോട് പൊരുതാന്‍ ചില പൊടിക്കൈകള്‍ ഇതാ

വായ് പുണ്ണ്: കൃഷ്ണ തുളസിയില ചവച്ചു തിന്നുകയോ കഷായം വെച്ചു കഴിക്കുകയോ ചെയ്യുക,അല്ലെങ്കില്‍ തേന് പുരട്ടുക വായ് പുണ്ണിന് ആശ്വാസം കിട്ടും.ചെറുനാരങ്ങനീരും സമം പച്ചവെള്ളവും ചേര്‍ത്ത് പലവട്ടം കവില്‍ കൊള്ളുന്നതും നല്ലതാണ്.

കുഴിനഖം:
1. നഖങ്ങളില്‍ മൈലാഞ്ചി സ്ഥിരമായി അരച്ചിടുക.

2. പച്ചമഞ്ഞള്‍ വേപ്പെണ്ണയിലൊഴിച്ച് കുഴിനഖമുള്ള വിരലില്‍ നന്നായി തേക്കുക.മൈലാഞ്ചി പച്ചമഞ്ഞളും അരച്ച് കുഴിനഖതിനുചുറ്റും പൊതിയുക.

3. തുളസിയിലയിട്ടു മൂപ്പിച്ച വെളിച്ചെണ്ണ പുരട്ടുക.

4. ചെറുനാരങ്ങയില്‍ കുഴിയുണ്ടാക്കി വിരല്‍ അതില്‍ തിരുകി വെക്കുക.

5. മഞ്ഞളും കറ്റാര്‍വാഴയുടെ നീരുംകൂടി ഒന്നിച്ചരച്ച് വച്ച് കെട്ടുന്നത് കുഴിനഖം മാറാന്‍ ഉത്തമമാണ്.

6. നഖങ്ങള്‍ ഒരേനിരപ്പില്‍ വെട്ടിനിര്‍ത്തുന്നത് കുഴിനഖം വരുന്നത് ഒഴിവാക്കാന്‍ സഹായിക്കും .

ചുമയ്ക്ക്: കല്‍ക്കണ്ടവും കുരുമുളക് പൊടിയും പൊടിച്ച് മിശ്രിതപ്പെടുത്തിയത് ഒരു സ്പൂണ്‍ വീതം കഴിക്കുന്നത് ചുമയുടെ ആധിക്യം കുറയ്ക്കും.ഒരു നുള്ള് അയമോദകമെടുത്ത് അല്പം ഉപ്പും ഗ്രാമ്പൂവും ചേര്‍ത്ത് ചവച്ച് തിന്നാല്‍ സാധാരണ ചുമക്ക് ആശാസം കിട്ടും .തുളസിയില, കുരുമുളക് ഇവ ചതച്ചു തേനില്‍ചാലിച്ചു നല്‍കിയാല്‍ കുട്ടികളിലെ ചുമ മാറും

തൊണ്ടവേദന: സാധാരണ വരുന്ന തൊണ്ട വേദന മാറാന്‍ ഇതാ ചില പൊടിക്കൈകള്‍ .ഇഞ്ചി കല്ക്കണ്ടം ചേര്‍ത്തു കഴിക്കുക,
തേയില ഇട്ടു തിളപ്പിച്ച വെള്ളം തൊണ്ടയില്‍ കൊള്ളുക,തേനും ഇന്തുപ്പും കൂടിചേര്‍ത്ത് വായില്‍ തടവുക,വെളുത്തുള്ളി ഒരെണ്ണം വെള്ളം തൊടാതെ അരച്ച് തൊണ്ടക്കുഴിയില്‍ പുരട്ടുക തുടങ്ങിയവയില്‍ ഏതെങ്കിലും ഒന്ന് പരീക്ഷിച്ച് നോക്കൂ .തൊണ്ട വേദനക്ക് ശമനം ലഭിക്കും.

ഗ്യാസ് ട്രബിള്‍: പ്രായ ഭേദമന്യേ എല്ലാവവരെയും കുഴക്കുന്ന ഒരു പ്രശ്‌നമാണ് ഗ്യാസ്ട്രബിള്‍. ഗ്യാസ്ട്രബിള്‍ ഒഴിവാക്കാന്‍ ഇതാ ചില മാര്‍ഗങ്ങള്‍.വെളുത്തുള്ളി ചതച്ചിട്ടു കാച്ചിയ പാല്‍ രാത്രി കിടക്കുന്നതിനു മുമ്പ് കുടിക്കുക അല്ലെങ്കില്‍ ചൂടുവെള്ളത്തില്‍ ഇന്തുപ്പിട്ട് കഴിക്കുക.തക്കാളി ജ്യൂസില്‍ അല്പം കുരുമുളക്‌പൊടിയും ജീരകപ്പൊടിയും ഉപ്പും ചേര്‍ത്ത് കഴിക്കുന്നതും ഗ്യാസ്ട്രബിള്‍ ശമിപ്പിക്കും .എണ്ണമയമുള്ള ആഹാരം കഴിവതും ഒഴിവാക്കുക . കിഴങ്ങുവര്‍ഗങ്ങള്‍ കഴിക്കുമ്പോള്‍ ചിലര്‍ക്ക് ഗ്യാസ് കൂടുതലായി അനുഭവപ്പെടാറുണ്ട്. ഇത്തരക്കാര്‍ കിഴങ്ങുവര്‍ഗങ്ങള്‍ കഴിക്കാതിരിക്കുക.ഗ്യാസ്ട്രബിള്‍ ഉണ്ടാക്കുന്ന ഭക്ഷണപദാര്‍ത്ഥങ്ങള്‍ പരമാവധി ഒഴിവാക്കുന്നതാണ് ഗ്യാസിനെ പ്രതിരോധിക്കാനുള്ള ഏറ്റവും നല്ല മാര്‍ഗം.

LEAVE YOUR COMMENTS

Press ctrl+g to toggle between English and Malayalam.