Administrator
Administrator
‘പിശുക്കനായ’ ഐസക്കിന്റെ വക എം എല്‍ എമാര്‍ക്ക് മൊബൈല്‍ ഫോണ്‍
Administrator
Friday 26th March 2010 4:34pm

തിരുവനന്തപുരം: ‘പിശുക്കനെന്ന്’ പേരു കേട്ട മന്ത്രി തോമസ് ഐസക്കിന്റെ വക എം എല്‍ എമാര്‍ക്ക് അത്യാധുനിക മൊബൈല്‍ഫോണ്‍. നിയമസഭാ സ്പീക്കറുടെ വക ലാപ്‌ടോപ്പ് ലഭിച്ചതിന് പിന്നാലെയാണ് അപ്രതീക്ഷിതമായി ഐസക്കില്‍ നിന്ന് എം എല്‍ എമാര്‍ക്ക് മൊബൈല്‍ ഫോണ്‍ ലഭിച്ചത്. നോക്കിയ ഇ 71 മൊബൈല്‍ ഫോണുകളാണ് എല്ലാ അംഗങ്ങള്‍ക്കും ലഭിച്ചിരിക്കുന്നത്.

ബജറ്റിന് ശേഷം ചില സമ്മാനങ്ങള്‍ നല്‍കുന്നത് കേന്ദ്രത്തില്‍ പതിവുണ്ട്. പക്ഷെ കൈവിട്ട് കളിക്കാത്ത ഐസക്കില്‍ നിന്ന് ഇത്രയൊന്നും പ്രതീക്ഷിച്ചിരുന്നില്ലെന്ന് എം എല്‍ എമാര്‍ പറയുന്നു. 29 ലക്ഷത്തോളം രൂപയാണ് മൊബൈലിനായി ചലവഴിച്ചിരിക്കുന്നത്.

അതേസമയം ഇത്രയും വിലകൂടിയ ഫോണ്‍ വാങ്ങാന്‍ പണം എവിടുന്ന് കിട്ടിയെന്ന് വ്യക്തമാക്കണമെന്നും അല്ലാതിരുന്നാല്‍ മൊബൈല്‍ തിരിച്ച് നല്‍കുമെന്നും ടി എന്‍ പ്രതാപന്‍ എം എല്‍ എ വ്യക്തമാക്കിയിട്ടുണ്ട്.

Advertisement