escaped-terrorristന്യൂദല്‍ഹി: ശിക്ഷാകാലയളവ് കഴിഞ്ഞ മൂന്ന് പാകിസ്ഥാന്‍ ഭീകരര്‍ പോലീസ് കസ്റ്റഡിയില്‍ ദല്‍ഹിയില്‍ ആശുപത്രിയില്‍ ചികിത്സയില്‍ കഴിയവെ രക്ഷപ്പെട്ടു. അബ്ദുല്‍ റസാഖ്, മുഹമ്മദ് സാദിഖ്, റഫാഖത്ത് അലി എന്നിവരാണ് രക്ഷപ്പെട്ടത്. 2000ത്തില്‍ റെഡ്‌ഫോര്‍ട്ട് ആക്രമണക്കേസില്‍ പ്രതികളായ ഇവര്‍ ദല്‍ഹിയില്‍ ജി ബി പാന്ത് ആശുപത്രിയില്‍ ചികിത്സയില്‍ കഴിയുകയായിരുന്നു.

ഇവരുടെ സംരക്ഷണ ചുമതലയുണ്ടായിരുന്ന മേഘാലയ പോലീസുകാരെ സുരക്ഷാ ഉദ്യോഗസ്ഥര്‍ ചോദ്യം ചെയ്യുകയാണ്. ദല്‍ഹി സ്‌പെഷ്യല്‍ ബ്രാഞ്ച് കസ്റ്റഡിയിലുണ്ടായിരുന്ന ഭീകരരെ ശിക്ഷാ കാലാവധി കഴിഞ്ഞതിനാല്‍ പാകിസ്ഥാന് കൈമാറുന്നതിന് നടപടികളെടുത്ത് വരികയായിരുന്നു. സംഭവത്തില്‍ ഭീകരര്‍ക്കെതിരെ ഫോറിന്‍ ആക്ട് പ്രകാരം പോലീസ് പുതിയ കേസ് രജിസ്റ്റര്‍ ചെയ്തിട്ടുണ്ട്.

Subscribe Us: