Categories

തമിഴ്‌നാട് എ.ജി ഹാജരാകുന്നതിലെ അസാംഗത്യം പരിശോധിക്കണം: കോടതി

കൊച്ചി: ലോട്ടറി കേസില്‍ തമിഴ്‌നാട് അഡ്വക്കറ്റ് ജനറല്‍ പി.എസ്.രാമന്‍ തുടര്‍ന്നും ഹാജരാകുമെന്ന് മേഘ ഡിസ്ട്രിബ്യൂട്ടേഴ്‌സ് ഹൈക്കോടതിയെ അറിയിച്ചു. രാമനെ മാറ്റാന്‍ ഉദ്ദേശിക്കുന്നില്ല. തമിഴ്‌നാട് അഡ്വക്കറ്റ് ജനറല്‍ ഹാജരാകുന്നതിന്റെ സാംഗത്യം പരിശോധിക്കണമെന്ന് ഹൈക്കോടതി പറഞ്ഞു.

സാന്റിയാഗോ മാര്‍ട്ടിനെതിരെ തമിഴ്‌നാട്ടില്‍ ക്രിമിനല്‍ കേസുണ്ട്. ഈ പശ്ചാത്തലത്തിലാണ് കോടതിയുടെ നിര്‍ദേശം. അതേസമയം മേഘ ഡിസ്ട്രിബ്യൂട്ടേഴ്്‌സ് ഭൂട്ടാന്‍ ലോട്ടറിയുടെ പ്രമോട്ടറാണെന്ന് അംഗീകരിക്കാനാകില്ലെന്ന് സംസ്ഥാന സര്‍ക്കാര്‍ ഹൈക്കോടതിയില്‍ അറിയിച്ചു. ഭൂട്ടാനുമായി മേഘയ്ക്കും കരാറില്ലെന്നും അവര്‍ക്ക് ഉപകരാര്‍ മാത്രമാണുള്ളതെന്നും സര്‍ക്കാര്‍ സമര്‍പ്പിച്ച റിപ്പോര്‍ട്ടില്‍ പറയുന്നു.

LEAVE YOUR COMMENTS

Press ctrl+g to toggle between English and Malayalam.