Categories

‘കയ’ത്തിലെ ചിത്രം മുസ്ലീ പവര്‍ പരസ്യത്തില്‍; ശ്വേത കോടതിയിലേക്ക്

‘കയം’ എന്ന ചിത്രത്തിലെ കഥാപാത്രത്തിന്റെ ചിത്രം ലൈഗിക ഉത്തേജകമെന്നറിയപ്പെടുന്ന മുസ്ലീപവര്‍ എക്‌സ്ട്രയുടെ പരസ്യത്തില്‍ ഉപയോഗിച്ചതിനെതിരെ നടി ശ്വേത. ഇതിനെതിരെ ശ്വേത വനിതാകമ്മീഷനില്‍ പരാതി നല്‍കിയിട്ടുണ്ട്.

അനില സുഭാഷ് നിര്‍മിച്ച് അനില്‍ സംവിധാനം ചെയ്ത ‘കയം’ എന്ന ചിത്രത്തിലെ നിശ്ചലചിത്രങ്ങളാണ് മുസ്ലീപവര്‍ എക്‌സ്ട്രയുടെ പരസ്യത്തില്‍ ഉപയോഗിച്ചിരിക്കുന്നത്. ശ്വേതയുടെ ചിത്രത്തിനോടൊപ്പം സന്തോഷകരമായ കുടുംബജീവിതത്തിന് മുസ്ലീപവര്‍ എക്‌സ്ട്ര എന്ന കാപ്ഷനോടുകൂടിയാണ് പരസ്യം വന്നത്.

‘ചിത്രത്തിലെ പ്രമേയത്തിന് യോജിക്കുന്ന തരത്തിലുള്ള വസ്ത്ര ധാരണമാണ് നടത്തിയത്. നല്ലൊരു ചിത്രത്തിന്റെ ഭാഗങ്ങള്‍ ചീപ്പ് പബ്ലിസിറ്റിക്ക് ഉപയോഗിച്ചിരിക്കുകയാണ്.’ ശ്വേത പറയുന്നു.

ഇക്കാര്യം സംവിധായകന്‍ അനിലിനെ അറിയിച്ചിരുന്നു. ഇതിനെക്കുറിച്ച് അന്വേഷിച്ച് പറയാമെന്നാണ് അനില്‍ അന്ന് പറഞ്ഞത്. എന്നാല്‍ പ്രൊഡ്യൂസറുടെ അനുവാദമില്ലാതെ ഇങ്ങനെ ചെയ്യില്ല എന്ന് പിന്നീടാണ് എനിക്ക് മനസ്സിലായത്. അവരുടെ അറിവോടുകൂടി തന്നെയാണ് ഇതുനടന്നിരിക്കുന്നത്. തന്റെ ചിത്രം ഇത്തരമൊരു ചീപ്പ് പബ്ലിസിറ്റിയ്ക്ക് ഉപയോഗിച്ചതിനെതിരെ ശക്തമായി പ്രതികരിക്കുമെന്നും ശ്വേത കൂട്ടിച്ചേര്‍ത്തു.

ഇതിനെതിരെ കോടതിയെ സമീപിക്കാനൊരുങ്ങുകയാണ് ശ്വേതയിപ്പോള്‍. സിനിമാ സംഘടനകള്‍ക്കും ശ്വേത പരാതിനല്‍കും. നടി എന്നതിലുപരി സ്ത്രീ എന്ന നിലയ്ക്കാണ് തന്റെ പോരാട്ടമെന്നും ശ്വേത പറഞ്ഞു.

5 Responses to “‘കയ’ത്തിലെ ചിത്രം മുസ്ലീ പവര്‍ പരസ്യത്തില്‍; ശ്വേത കോടതിയിലേക്ക്”

  1. Lal Atholi

    മലയാളത്തില്‍ ഒരു പ്രയോഗമുണ്ട്. ‘വേശ്യയുടെ ചാരിത്ര്യ പ്രസംഗം’.
    പണ്ട് കാമസൂത്രയുടെ പരസ്യത്തില്‍ അഭിനയിച്ചപ്പോള്‍ ഈ ‘ചീപ് പബ്ലിസിറ്റി’ ബോധമൊന്നും ഇല്ലായിരുന്നോ??? This is just for that movie publicity…

  2. സുദീപ്

    ലാല്‍, കാമസൂത്രയില്‍ അവര്‍ അഭിനയിച്ചത് അവരുടെ അറിവോടെ, അതിനു പ്രതിഫലം വാങ്ങിയിട്ടാണ്. ഇത് അവരുടെ അറിവ് കൂടാതെ അവരോട് ചെയ്യുന്ന ചതിയാണ്. രണ്ടും തമ്മില്‍ വലിയവ്യത്യാസമുണ്ട്. എന്തില്‍ അഭിനയിക്കണം എന്തില്‍ അഭിനയിക്കേണ്ട എന്ന് തീരുമാനിക്കാനുള്ള അവകാശം അവര്‍ക്കുണ്ട്.

  3. ഒരു സ്ത്രീ

    സുദീപ് പറഞ്ഞതിനോട് ഞാന്‍ യോജിക്കുന്നു. പൂര്‍ണ സമ്മതത്തോടെ രതിയിലെര്‍പ്പെടുന്നതും ബലാത്സന്കവും എന്ന പോലെ വ്യത്യാസമുണ്ട് അവ തമ്മില്‍!

  4. dileep

    ലാല്‍ അങ്ങനെ ആരെയും അടിച്ചു അധിക്ഷേപിക്കാന്‍ പാടില്ല അവര്‍ ഒരു അഭിനേത്രി എന്നതിലുപരി അവര്‍ ഒരു സ്ത്രീ ആണ്

  5. കുമാരേട്ടന്‍

    സുഹൃത്തുക്കളെ ,മലയാളത്തിലെ കഴിവുള്ള നടിമാരില്‍ ഒരാളാണ് ശ്വേത.ശ്വേതയുടെ പരസ്യം അവരുടെ സമ്മതം പോലും ഇല്ലാതെ ഉപയോഗിക്കാന്‍ യോഗ്യതയുള്ള ഉള്പന്നമൊന്നുമല്ല ‘മുസ്ലി’ .വ്യക്തികളുടെ അനുവാദമില്ലാതെ പരസ്യം ചെയ്യുന്നത് നിയമവിരുദ്ധമാണ് ,മാത്രമല്ല നാണം കേട്ട പരിപാടിയും. ശ്വേതയ്ക് കിട്ടിയ സൌന്ദര്യവും കഴിവും എങ്ങനെ ഉപയോഗിക്കണം എന്ന് തീരുമാനിക്കുന്നത് അവര്‍ മാത്രമാണ്.അല്ലാതെ വൃത്തികെട്ട മുസ്ലി പൊടിയല്ല..!!!

LEAVE YOUR COMMENTS

Press ctrl+g to toggle between English and Malayalam.