Categories

പി.പരമേശ്വരന്‍ ‘ബ്രഹ്മവിദ്യ’ ഉപേക്ഷിച്ചു ‘വിശ്വവിദ്യ’ സ്വീകരിക്കുവാന്‍ തയ്യാറുണ്ടോ?

എസ്സേയിസ് / സ്വാമി വിശ്വഭദ്രാനന്ദശക്തിബോധി

viswabhadrananda shakthibodhiസംഘപരിവാരത്തിന്റെ ഒരേയൊരു വിചാരകേന്ദ്രമായ പി.പരമേശ്വരന്‍ 26-7-2011ലെ മാതൃഭൂമി പത്രത്തിന്റെ എഡിറ്റ് പേജില്‍ പത്മനാഭസ്വാമി ക്ഷേത്രത്തിലെ കലവറനിധി വിനിയോഗിക്കേണ്ടത് എങ്ങിനെ എന്നതിനെപ്പറ്റി ഒരു നെടുങ്കന്‍ ലേഖനം എഴുതുകയുണ്ടായി. അതില്‍, ജനാധിപത്യമെന്നാല്‍ ഇന്നാട്ടിലെ ഭൂരിപക്ഷത്തിന്റെ അഥവാ ഹിന്ദുക്കളുടെ ആധിപത്യം ആണെന്നതിലൂന്നിയുള്ള നിരീക്ഷണങ്ങളാണ് നിറഞ്ഞുനില്‍ക്കുന്നത്. ജാതീയതയുടെ മര്‍ദ്ദനത്താല്‍ പൊറുതിമുട്ടി ഇസ്ലാം മതമോ ക്രിസ്ത്യന്‍ മതമോ സ്വീകരിക്കാന്‍ ഈഴവരും അവരില്‍ താഴ്ന്നവരുമായ ഇന്നാട്ടിലെ അദ്ധ്വാനിക്കുന്ന ജനവിഭാഗങ്ങള്‍ തയ്യാറാകുമെന്ന ഭീതിയാണ് ക്ഷേത്രപ്രവേശനവിളംബരത്തിലൂടെ മതംമാറ്റം ചെറുക്കാന്‍ തിരുവിതാംകൂര്‍മഹാരാജാക്കന്മാരെ പ്രേരിപ്പിച്ചതെന്നും പരമേശ്വരന്‍ തന്നെ സമ്മതിക്കുന്നു-അതിന്റെ അര്‍ത്ഥം ‘ക്ഷേത്രപ്രവേശനവിളംബരം’ ഫലത്തില്‍ ഹിന്ദുത്വവത്ക്കരണ വിളംബരമായിരുന്നു എന്നാണ്. മറ്റൊരര്‍ത്ഥം ഇന്നാട്ടിലെ ബഹുഭൂരിപക്ഷജനത ഹിന്ദുക്കളായത് ക്ഷേത്രപ്രവേശനവിളംബരത്തോടെ മാത്രമാണെന്നുമാണ്. ഒപ്പം ക്ഷേത്രവിശ്വാസികള്‍ അല്ലാത്തവര്‍ ഹിന്ദുവല്ലെന്നുമാണ്.

Ads By Google

‘പ്രതിമ സ്വല്പബുദ്ധീനാം’ എന്ന അഷ്ടവക്രഗീതയിലെ നിരീക്ഷണവും തത്തുല്യമായ യോഗവാസിഷ്ഠത്തിലെ നിരീക്ഷണങ്ങളും അനുസരിച്ച് വിഗ്രഹാരാധന അല്പബുദ്ധികളുടെ ആരാധനാരീതിയാണ്. പരമേശ്വരനും കൂട്ടരും ഇന്നാട്ടിലെ ബഹുഭൂരിപക്ഷത്തെ അല്‍പബുദ്ധികളായി തന്നെ നിലനിര്‍ത്തുവാനാണ് ക്ഷേത്രകേന്ദ്രീകൃത ഹിന്ദുത്വവിചാരങ്ങളിലൂടെ ശ്രമിച്ചുവരുന്നത്. ഒരു ജനതയുടെ ബൗദ്ധികമായ വളര്‍ച്ച തടയുന്ന ഏതൊരു പ്രവര്‍ത്തനവും ജനാധിപത്യവിരുദ്ധവും അതുകൊണ്ടു തന്നെ ഫാസിസ്റ്റ് സ്വഭാവഘടനയുള്ളതുമാണ്. ഒരു ബുദ്ധനോ ശ്രീരാമകൃഷ്ണനോ വിവേകാനന്ദനോ അരബിന്ദോയോ ശ്രീനാരായണഗുരുവോ പണ്ഡിറ്റ് കറുപ്പനോ സഹോദരന്‍ അയ്യപ്പനോ ബ്രഹ്മാനന്ദസ്വാമി ശിവയോഗിയോ ജിദ്ദുകൃഷ്ണമൂര്‍ത്തിയോ ഉണ്ടാവാത്ത ഒരു ഭാരതീയത എത്ര പൂരാഘോഷങ്ങളും വിളക്കുപൂജകളും ഗണേശശരണാലാപനങ്ങളും ഉണ്ടായാലും മൃതഭാരതീയതയാണ്. ഈ മൃതഭാരതീയതയുടെ വക്താവു മാത്രമാണ് ഹിന്ദുത്വത്തെ ക്ഷേത്രസംരക്ഷണത്തില്‍ കുടുക്കി ഹിന്ദുവിനെ അമ്പലക്കാള മാത്രമാക്കിത്തീര്‍ക്കുന്ന ആശയഗതികള്‍ നിരന്തരം പുറപ്പെടുവിക്കുന്ന പി.പരമേശ്വരന്‍. അതിനാല്‍ ഭാരതത്തെ ക്ഷേത്രവിചാരത്തിന്റെ അല്‍പത്തരങ്ങളില്‍ നിന്നു വിമോചിപ്പിക്കണമെന്നാഗ്രഹിക്കുന്നവര്‍ക്കൊന്നും പരമേശ്വരന്റെ ഭാരതീയവിചാരത്തെ അവസാനവാക്കായി കണക്കിലെടുക്കാനാവില്ല. അതിനാല്‍ നമുക്ക് പി.പരമേശ്വരന്റെ പത്മനാഭസ്വാമി നിധിയെ സംബന്ധിച്ച ഉദ്ദീരണങ്ങളെ പുന:പരിശോധിക്കേണ്ടി വരുന്നു.

പാലാഴിയില്‍ പള്ളിക്കൊള്ളുന്ന മഹാവിഷ്ണുവിന്റെ തലയ്ക്കല്‍ ഇരിക്കുന്ന ലക്ഷ്മിദേവിയുടെ ശിവകാശിപ്രസ്സില്‍ അച്ചടിച്ച പടത്തില്‍ നിന്നെന്ന പോലെ താനേ പണം പ്രവഹിച്ചതു കൊണ്ടല്ല തിരുവനന്തപുരത്തെ പത്മനാഭസ്വാമിക്ഷേത്രനിലവറയില്‍ സ്വത്തു കുമിഞ്ഞു കൂടിയതെന്നു പി. പരമേശ്വരനും അറിയാമെന്നു തോന്നുന്നു. മണ്ണിലെ മനുഷ്യരുടെ വേലയും വിയര്‍പ്പും തന്നെയാണ് എവിടേയും എന്നപോലെ കേരളത്തിലും സ്വത്തായി മാറിയിട്ടുള്ളത്. പറയന്‍ ഉഴുതുവിതച്ചു കൊയ്തു മെതിച്ച് ഉണ്ടാക്കിയ നെല്ലുകൊണ്ട് പത്തായവും പള്ളയും നിറച്ച് തമ്പുരാക്കന്മാരായവര്‍ പറയനെ തൊട്ടുകൂടാത്തവനായാണ് കണ്ടിരുന്നത്. പറയനു തമ്പുരാന്റെ മാത്രമല്ല തമ്പുരാന്റെ ദൈവത്തേയും തൊടുവാനോ കാണുവാനോ പാടില്ലായിരുന്നു. അതുകൊണ്ടു തന്നെ പറയന്റെ വേല കൊണ്ടുണ്ടാകുന്ന പണം പറയനു പ്രവേശനമില്ലാത്ത ക്ഷേത്രങ്ങളില്‍ സംരക്ഷിക്കപ്പെട്ടു. മുലക്കരം പോലുള്ള സ്ത്രീവിരുദ്ധനികുതികളിലൂടെ സംഭരിക്കപ്പെട്ട ധനവും നിധിയായി കലവറകളില്‍ അടയ്ക്കപ്പെട്ടു.

അറബികള്‍, ചൈനക്കാര്‍,റോമക്കാര്‍, ഡച്ചുകാര്‍, പോര്‍ച്ചുഗീസുകാര്‍, ഫ്രാന്‍സുകാര്‍, ഇംഗ്ലീഷുകാര്‍ എന്നിവര്‍ മലഞ്ചരക്കുകള്‍ വ്യാപാരം നടത്തുവാനായി നല്‍കിയ ചുങ്കവും നികുതിയും ഒക്കെയാണ് മറ്റൊരു ധനാഗമമാര്‍ഗ്ഗമായിരുന്നത്. ഈ വിദേശകച്ചവടക്കാരൊന്നും കുറിയും കുടുമയും പൂണൂലും ധരിച്ചു ക്ഷേത്രം വലം വെച്ചിരുന്ന ഹിന്ദുക്കളായിരുന്നില്ലല്ലോ. പിന്നെ, തിരുവല്ല ഉള്‍പ്പെടെയുള്ള നാട്ടുരാജ്യങ്ങളെ കൊള്ളയടിച്ച് സ്വരൂപിച്ച ധനവും പത്മനാഭസ്വാമിയുടെ സംഭരണിയില്‍ ശേഖരിക്കപ്പെട്ടു. ചുരുക്കത്തില്‍ പണിയെടുക്കുന്നവരുടേയും, വിദേശികച്ചവടക്കാരുടേയും ജനപീഢനനികുതികളുിലൂടെയും കൊള്ളയടിക്കപ്പെട്ട സ്വത്തുക്കളുടേയും ഒരു സംഭരണമാണ് പത്മനാഭനിധി. അതു ഹിന്ദുക്കളുടെ നിധിയാണ്, വിശ്വാസികളുടെ നിധിയാണ് എന്നൊക്കെ വാദിക്കുന്ന പരമേശ്വരന്‍ സ്വന്തം വീട്ടുമുറ്റത്താണ് തുളസി നില്‍ക്കുന്നത് എന്നതിനാല്‍ അതിന്റെ സുഗന്ധം വഴിയേ പോകുന്നവര്‍ക്ക് ലഭിച്ചു കൂടെന്നമട്ടിലുള്ള പ്രകൃതിനിയമവിരുദ്ധമായ നിലപാടുകളാണ് മുന്നോട്ടു വയ്ക്കുന്നത്.

P-Parameswaranസ്വന്തം വീട്ടുമുറ്റത്തെ തെങ്ങ് സ്വന്തം നാലുസെന്റില്‍ നിന്നുള്ള വെള്ളവും വളവും മാത്രമല്ല വളര്‍ച്ചയ്ക്ക് ഉപയോഗിക്കുന്നതെന്നു അറിയുവാനുള്ള സാമാന്യബോധത്തിലേക്കെങ്കിലും പരമേശ്വരന്റെ ഭാരതീയവിചാരം വളരാത്തത് കേരളത്തിലെ മതേതരബുദ്ധിജീവികളുടെ കുഴപ്പം കൊണ്ടല്ല മറിച്ച് അദ്ദേഹത്തിന്റെ ചിന്താശേഷിയുടെ വളര്‍ച്ചാപരമായ തകരാറുകൊണ്ടാണ.് എഴുപതുകഴിഞ്ഞിട്ടും കാക്കി നിക്കറിട്ട് കുട്ടിയാകാന്‍ തയ്യാറാകുന്ന ഒരാളുടെ തലച്ചോറിന് പ്രായപൂര്‍ത്തി സംഭവിക്കുന്നില്ല എന്നതില്‍ അത്ഭുതത്തിന് അവകാശമില്ലല്ലോ. ഇത്തരമൊരാളുടെ ഭാരതീയ വിചാരം വസുധൈവകുടുംബകം (ഭൂമിഭവനം)എന്നും ‘ആനോ ഭദ്രാനി ക്രതവോയന്തു വിശ്വത:’-(ലോകത്തിന്റെ ഏതുദിശയില്‍നിന്നും നല്ല ചിന്തകള്‍ ഞങ്ങളിലേക്ക് പ്രവേശിക്കട്ടെ)എന്നും ആത്മാര്‍ത്ഥമായി ആഗ്രഹിച്ച ഋഷീശ്വരന്മാരുടെ ചിന്തയിലേക്ക് അടുത്തൊന്നും ചെന്നെത്തുമെന്നു തോന്നുന്നില്ല. അതുകൊണ്ടുതന്നെ മാര്‍ക്‌സില്‍ നിന്നു മഹര്‍ഷിയിലേക്ക് വളരണം എന്നാഗ്രഹിക്കുന്ന സത്യാന്വേഷകര്‍ക്കൊന്നും അഭിലഷണീയമായ ഒന്നല്ല പി. പരമേശ്വരന്റെ ‘വിചാരധാര’.

ഇതിനേക്കാള്‍ അടിസ്ഥാനപരമായ ഒരു പ്രശ്‌നം കൂടി പി. പരമേശ്വരന്റെ ലേഖനത്തില്‍ ഉണ്ട്. പത്മനാഭനിധി ഉപയോഗിച്ച് തിരുപ്പതി ദേവസ്ഥാനത്തിന്റെ സംസ്‌കൃതസര്‍വ്വകലാശാല മാതൃകയില്‍ ഹൈന്ദവവിചാരധാരയ്ക്കു മാത്രമായി ഒരു പഠനകേന്ദ്രം ഉണ്ടാക്കണമെന്നാണ് പരമേശ്വര’കല്പന’. ഹൈന്ദവപഠനകേന്ദ്രത്തിന് അദ്ദേഹം നിര്‍ദ്ദേശിച്ച പേര് വിശ്വവിദ്യാസനാതനധര്‍മ്മപഠനകേന്ദ്രം എന്നാണ്. ഇതുവായിച്ചപ്പോള്‍ ആദ്യം ഉയര്‍ന്നചോദ്യം പരമേശ്വരന്‍ എന്നാണ് ജഗത്ഗുരുവായി കൊണ്ടാടുന്ന ശങ്കരാചാര്യരുടെ ‘ബ്രഹ്മവിദ്യ’ഉപേക്ഷിച്ച് വിശ്വവിദ്യയിലേക്ക് ചുവടുമാറിയത് എന്നാണ.് ശ്വാസോച്ഛ്വാസം ചെയ്തു ജീവിക്കുന്ന ജഗത്ത് ‘മിഥ്യ’യാണെന്നു സ്ഥാപിക്കുന്ന ശ്രീശങ്കരന്റെ ബ്രഹ്മവിദ്യ അസംബന്ധമാണെന്നു പൂര്‍ണ്ണബോധ്യം വന്നപ്പോഴാണ് ഞാനുള്‍പ്പെടെയുള്ള ശക്തിബോധികള്‍ ബ്രഹ്മവിദ്യയില്‍ നിന്നു വിശ്വവിദ്യയിലേക്ക് മനുഷ്യനു ബോധപരിണാമം സംഭവിക്കണമെന്നു പത്തുവര്‍ഷങ്ങള്‍ക്കു മുമ്പേ തന്നെ പ്രഖ്യാപിച്ചത്.

ശാങ്കരനിഷേധം ഹിന്ദുത്വനിഷേധമാണെന്നു പറഞ്ഞ് അന്നു ശക്തിബോധികളുടെ നിലപാടിനെ സംഘപരിവാരം എതിര്‍ത്തു. സാമ്പ്രദായികനല്ലാത്ത സ്വാമിയും കമ്യൂണിസ്റ്റ് സ്വാമിയുമായി ഞാന്‍ പലവുരു അപഹസിക്കപ്പെട്ടു. ശാങ്കരവേദാന്തമാണു ഹിന്ദുവിചാരപദ്ധതിയുടെ പരമോച്ചഘട്ടമെന്നു എന്നെ ബോധ്യപ്പെടുത്തുവാന്‍ ഡോ:പുത്തേഴത്തു രാമചന്ദ്രന്‍ എന്ന അന്നത്തെ വിശ്വഹിന്ദുപരിഷത്ത് സംസ്ഥാനപ്രസിഡണ്ട് പലപ്പോഴായി രാവു വെളുക്കുവോളം ചര്‍ച്ചകള്‍ നടത്തി. ഒടുവില്‍ അഞ്ചുവര്‍ഷങ്ങള്‍ക്കു ശേഷം ഡോ;പുത്തേഴത്തു രാമചന്ദ്രനു ശ്രീശങ്കരന്റെ ബ്രഹ്മവിദ്യ അസംബന്ധമാണെന്നും ശക്തിബോധികളുടെ വിശ്വവിദ്യയാണ് സായന്‍സികയുഗത്തിനു നിരക്കുന്ന ഭാരതീയ ഋഷികവികളുടെ വിചാരധാരയ്ക്കു നല്‍കാവുന്ന യഥാര്‍ത്ഥപേരെന്നും ബോധ്യപ്പെട്ടു.

സംഘപരിവാരബന്ധങ്ങളെല്ലാം ഉപേക്ഷിച്ച് ഡോ:പുത്തേഴത്തു രാമചന്ദ്രന്‍ പുറത്തിറങ്ങി. ‘ഹിന്ദുത്വം ഒരു പാഠഭേദം ‘ എന്ന ഗ്രന്ഥം പുറത്തിറക്കുകയും ചെയ്തു. പരമേശ്വരന്‍ വിശ്വവിദ്യയെ ആത്മാര്‍ത്ഥമായി അംഗീകരിക്കുന്നണ്ടെങ്കില്‍ ഡോ:പുത്തേഴത്തു രാമചന്ദ്രന്റെ വഴിയെ അദ്ദേഹത്തിനും സഞ്ചരിക്കേണ്ടി വരും. അല്ലെങ്കില്‍ എന്തുകൊണ്ട് അദ്ദേഹം ബ്രഹ്മവിദ്യ എന്ന യാഥാസ്ഥിതിക ഹിന്ദുത്വത്തിന്റെ തത്ത്വശാസ്ത്ര സംജ്ഞ കൈവെടിഞ്ഞു എന്നു വ്യക്തമാക്കണം. ഇതുചെയ്യാതെ ‘വിശ്വവിദ്യ’ എന്നു വെറുതെ ഉപയോഗിക്കുന്നത്; ശ്രീബുദ്ധനെ വിഷ്ണുവിന്റെ അവതാരമാക്കി അദ്ദേഹത്തിന്റെ സ്‌ഫോടനാത്മകമായ ചിന്താപദ്ധതിയെ ഇന്ത്യയില്‍ നിന്ന് ഉന്മൂലനം ചെയ്ത വൈദികമതത്തിന്റെ തന്ത്രപരമായ ഭീകരത തന്നെയാണ് ‘വിശ്വവിദ്യ’ എന്ന പദം ഉപയോഗിക്കുന്നതിലൂടെ പരമേശ്വരന്‍ നടപ്പാക്കുന്നതെന്നു കരുതേണ്ടി വരും. ഈ കുതതന്ത്രത്തെ ശക്തിബോധികള്‍ക്ക് കണ്ടില്ലെന്നു നടിയ്ക്കാനാവില്ല.

ബ്രഹ്മവിദ്യ എന്നത് ഒരു ദാര്‍ശനിക സംഞ്ജയാണ്. അതിനൊരു പ്രത്യയശാസ്ത്രം ഉണ്ട്. അത് ശാങ്കരവിചാരകേന്ദ്രീകൃതവുമാണ്- ഈ വിചാരപദ്ധതിപ്രകാരം പ്രപഞ്ചം നശ്വരവും പ്രപഞ്ചാധാരമായ ബ്രഹ്മം അനശ്വരവുമാണ്. നശിക്കുന്ന പ്രപഞ്ചത്തില്‍ ജീവിച്ചുകൊണ്ട് നശിക്കാത്ത ബ്രഹ്മത്തെ അറിയലാണ് ശങ്കരാചാര്യരുടെ ജ്ഞാനം. എന്നാല്‍ ‘വിശ്വവിദ്യ’എന്നതു നേരെ വ്യത്യസ്തമായ ചിന്താപദ്ധതിയാണ്. ആരംഭമോ അവസാനമോ ഇല്ലാത്തതും അനന്തവും അതിനാല്‍ അനശ്വരവും അതുകൊണ്ടുതന്നെ എന്നും നിലനില്‍ക്കുന്നത് എന്ന അര്‍ത്ഥത്തില്‍ സനാതനവുമായ മനുഷ്യനുള്‍പ്പെട്ട വിശ്വപ്രകൃതിയാണ് അന്നത്തിനും അറിവിനും അനുഭവത്തിനും ആനന്ദത്തിനും ആധാരമായ ഒരേയൊരു പരമസത്യം എന്നാണു ‘വിശ്വവിദ്യ’ പ്രഖ്യാപിക്കുന്നത്. വിശ്വപ്രകൃതി ഒന്നേയുള്ളു രണ്ടില്ല എന്ന അര്‍ത്ഥത്തില്‍ ഇതു പ്രകൃത്യാദൈ്വതമാണ്. ഈ പ്രകൃത്യാദൈ്വതത്തെ കുറിയ്ക്കാനാണ് ശക്തിബോധികള്‍ പത്തുവര്‍ഷമായി ‘വിശ്വവിദ്യ’ എന്ന പദം ഉപയോഗിക്കുന്നത.് ഇതേ അര്‍ത്ഥത്തിലാണ് മുപ്പത്തഞ്ചു വര്‍ഷങ്ങള്‍ക്കു മുമ്പു തന്നെ ശക്തിബോധി സംസ്ഥാപക ഗുരുവായ മഹര്‍ഷി കവി കൃഷ്ണകുമാര്‍ ആ പദം അദ്ദേഹത്തിന്റെ സാഹിത്യത്തില്‍ ഉടനീളം ഉപയോഗിച്ചിട്ടുള്ളതും.

‘വിശ്വവിദ്യ’എന്ന പദം ആ അര്‍ത്ഥത്തില്‍ ഉപയോഗിക്കുന്നവര്‍ക്ക് ശങ്കരനെ ഇന്ത്യന്‍ ചിന്തയുടെ അവസാനവാക്കായി കാണുന്ന സാമ്പ്രദായിക ഭാരതീയ ധര്‍മ്മവിചാരപദ്ധതിയില്‍ നിന്നു പുറത്തു കടക്കേണ്ടി വരും. പി.പരമേശ്വരന്‍ അങ്ങിനെ പുറത്തു കടക്കാന്‍ തയ്യാറായിട്ടാണോ വിശ്വവിദ്യ എന്ന പദം ഉപയോഗിക്കുന്നത്..? അതോ, വിശ്വപ്രകൃതിയ്ക്കതീതമായതോ അധീനമല്ലാത്തതോ ആയ യാതൊന്നും സംഭവ്യമല്ലെന്ന സത്യം അംഗീകരിക്കാതെ പുതുമയ്ക്കുവേണ്ടിയുള്ള ഒരു ചപ്പടാച്ചി എന്ന നിലയിലാണ് പരമേശ്വരന്‍ വിശ്വവിദ്യ എന്ന പദം ഉപയോഗിച്ചിട്ടുള്ളതെങ്കില്‍ ‘അമൃതാനന്ദം’ എന്നൊരു മദ്യഷാപ്പിനു പേരിടുന്നതിലെ അപമാനകരമായ അവസ്ഥ വിശ്വവിദ്യ എന്ന പദത്തിനു സംഭവിക്കുന്നണ്ടെന്നു പറയേണ്ടി വരും. അങ്ങിനെ അപമാനിക്കപ്പെടേണ്ടുന്ന പദമല്ല ‘വിശ്വവിദ്യ’എന്നു അതിന്റെ വഴിയേ സത്യാന്വേഷണം നടത്തുന്നവര്‍ക്ക് തുറന്നു പറയേണ്ടിയും വരും. അതാണിവിടെ ചെയ്തത്.

16 Responses to “പി.പരമേശ്വരന്‍ ‘ബ്രഹ്മവിദ്യ’ ഉപേക്ഷിച്ചു ‘വിശ്വവിദ്യ’ സ്വീകരിക്കുവാന്‍ തയ്യാറുണ്ടോ?”

  1. Mahesh

    ഈ സ്വാമി അതിബുദ്ധിമാന്‍ ചമയുകയാണ്. വിഗ്രഹാരാധനയെന്നത് വേദാന്ത ചിന്തയുടെ ആദ്യ പടികളിലോന്നാനെന്നു അങ്ങേയ്ക്ക് അറിയില്ലയോ ?! താങ്കളും കുഞായിട്ടു തന്നെയല്ലേ ജനിച്ചത്‌. അതോ ഇപ്പോഴുള്ള അത്രയും വലിപ്പം ജനിച്ചപ്പോഴേ ഉണ്ടായിരുന്നോ ? ഹ ഹ …

  2. shajichandran

    അപക്വമായത്തിനു എതിരെ അപക്വമായി സംസാരിക്കുന്നതാവും ഈ ‘വിശ്വവിദ്യ’!!!!!!

  3. S prasad

    this writing is too childish ……..actually tih is rubbish, the language he used for the letter too low standard and idiotic..pity of you,,,

  4. Rahul Prabhakar

    ഇങ്ങനെ ഒരു സ്വത്തു ഒരു ക്ഷേത്രത്തില്‍ നിന്ന് കണ്ടെത്തിയത്കൊണ്ട് ഇവിടെ ഇങ്ങനെ ഒരു article വന്നു. തിരിച്ചു ഇതു വേറെ വല്ലഇടതു ന്നും ആയിരുന്നെങ്കില്‍ ഒരുത്തനും നാവ് പൊങ്ങില്ല ….. പൊങ്ങിയിട്ടു കാര്യവുമില്ല … ….

  5. mohan

    ”വേസ്റ്റ്’

  6. ranjitha rajesh

    പി. പരമേശ്വരന്‍ പരാജയപ്പെട്ട സംഘപരിവാര്‍ ജീവിയാണ്. കടുത്ത നിരാശയിലാണ് ആ മനുഷ്യന്‍.താന്‍ പറയുന്ന സാംസ്കാരിക ദേശീയതയും സാംസ്കാരിക ഹിന്ദുത്വുവും സ്വീകരിക്കാന്‍ കേരളത്തില്‍ ആളെക്കിട്ടില്ലെന്ന് നേരത്തെ മനസ്സിലാക്കിയിട്ടുണ്ട് അദ്ദേഹം.
    പിന്നെ അവസരം കിട്ടുമ്പോഴെല്ലാം ഇങ്ങനെ പുലമ്പും. സംഘപരിവാറിന് ഒളിഞ്ഞും തെളി‍ഞ്ഞും ഇടം അനുവദിക്കുന്ന ദേശീയ ( ഹിന്ദുത്വി) പത്രമാണ് മാതൃഭൂമി. സിപിഎം വിരുദ്ധവും ആര്‍ എസ് എസ് അനുകൂലവുമാണെങ്കില്‍ എന്തും പ്രസിദ്ധീകരിക്കുന്ന പത്രമായി അത് മാറി. അങ്ങനെ നിരാശരായ സംഘ ബുദ്ധിജീവിയുടെ കാവി ജല്‍പനങ്ങള്‍ക്ക് ഒരു വിലയും കല്‍പ്പിക്കേണ്ട.
    ജയ് ഹിന്ദ്

  7. Navaneeth

    i read p parameshwaran article…its was good…His idea is to start a sanathana dharma study centre which i think is very good….even an hardcore hindu in kerala dont know about sanathana dharama which is what hinduism is build in….

    @ranjitha rajesh people like u are waste for hinduism…..do u know anything about sanathana dharma…u may just go to temple but u miss the vast spiritual knowledge about vedas,upanishad etc,,,,.pity on you….

    writer of this article is either a hater of rss or thinks his is a brillent hindu…shame on hime…let all hindus unite….

  8. rejeesh

    ശക്തിബോധി പറയുന്നു
    “ഇതിനേക്കാള്‍ അടിസ്ഥാനപരമായ ഒരു പ്രശ്‌നം കൂടി പി. പരമേശ്വരന്റെ ലേഖനത്തില്‍ ഉണ്ട്. പത്മനാഭനിധി ഉപയോഗിച്ച് തിരുപ്പതി ദേവസ്ഥാനത്തിന്റെ സംസ്‌കൃതസര്‍വ്വകലാശാല മാതൃകയില്‍ ഹൈന്ദവവിചാരധാരയ്ക്കു മാത്രമായി ഒരു പഠനകേന്ദ്രം ഉണ്ടാക്കണമെന്നാണ് പരമേശ്വര’കല്പന’. ”

    ഇതെന്തു ഭാഷ..?
    ഇത്തരം വെറുപ്പിന്റെ ഭാഷ പറയുന്നവര്‍ സ്വാമി തന്നെയോ..?

  9. Sudhi.

    പദ്മനാഭ സ്വാമിയുടെ നിലവറ തുറന്നപ്പോള്‍ അത് പൊതു സമൂഹത്തിന്റെ എന്നും ഗവേര്‍മെന്റ്റ് കണ്ടു കെട്ടണം എന്നും വാദിച്ച എല്ലാ കമ്യൂണിസ്റ്റ് ജിഹ്വ കളും പറഞ്ഞ ചില വാക്കുകള്‍ ഉണ്ടായിരുന്നു.

    മുലക്കരം,
    തൊട്ടുകൂടായ്മ,
    ക്ഷേത്ര ചരിത്രം,
    ബുദ്ധ മതം

    പിന്നെ അളവില്ലാത്ത വെറുപ്പും പുച്ഛവും… ഇതെല്ലാം കുഴച്ചുരുട്ടിയ അമേദ്യം ഭേഷാ വിളമ്പി വെച്ചിരിക്കുന്നു ഈ ലേഖനം.
    പരമേശ്വര കല്പന എന്നും പരമേശ്വരന്റെ ഭാരതീയവിചാരത്തെ അവസാനവാക്കായി കണക്കിലെടുക്കാനാവില്ല എന്നും പറയുമ്പോള്‍ ബോധി സത്വന്‍ ഒന്ന് മറന്നതോ അതോ കണ്ടില്ലെന്നു വെച്ചതോ???

    ആ ലേഖനത്തില്‍ തന്നെ ശ്രീ പീ പരമേശ്വരന്‍ പറയുന്നത് ഇത് ഒരു അവസാന വാക്കല്ലെന്നും അദ്ദേഹത്തിന്റെ വെറും അഭിപ്രായം മാത്രമെന്നും ആണ്. അതെങ്ങിനെ, വിഷയം അല്ലല്ലോ പറഞ്ഞ ആളും അങ്ങേരുടെ വിദ്യയും രാഷ്ട്രീയവും അല്ലെ കാര്യം????

  10. sHYAM sUNDER

    സ്വാമീ..ഞങ്ങള്‍ നന്നാവില്ല …..കിടന്നും നിന്നുമുള്ള എല്ലാവര്‍ക്കുമാടിയിലും കാണും ഇനിയും നിധികള്‍ ..ആര്‍കും ഉപകാരമില്ലാതെ അതവിടെ കിടക്കും ..എല്ലാകാലത്തും ….

  11. Chellamma Chellappan

    കേരളത്തില്‍ സംഘപരിവര്‍ പ്രസ്ഥാനങ്ങളുടെ ലക്‌ഷ്യം ഏതാനും എം എല്‍ എ യും എം പി മാരും ഉണ്ടാക്കുന്നതാണ് എന്ന് മാത്രം ധരിച്ചു വെച്ചവര്‍ പോലും കേരളത്തില്‍ അതിനു വിജയിക്കാന്‍ സാധിച്ചില്ല എന്ന് പറയില്ല . പരമേശ്വരനെ പോലെ ഒരാള്‍ തന്ന ധാരാളം , ഇവര്‍ക്ക് നീറി പുകയാന്‍ .!!

    സാമി പറയുന്നത് കേട്ടാല്‍ തോന്നും , വിചാര ധാര എഴുതിയത് ശങ്കരനാണെന്ന് , ബ്രഹ്മവിദ്യയെ , വിട്ടു ശക്തി വിദ്യക്ക് ജയ് വിളിച്ചാല്‍ ഇയാളുടെ പ്രശനം തീരുമോ ? ഒരു തെറി വിളിയില്‍ കവിഞ്ഞ ഒരു കാമ്പും സാമി പറയുന്നതില്‍ ഇല്ല . ക്ഷേത്ര സമ്പത്ത് എന്ത് ചെയ്യണം എന്ന് പറയാന്‍ പോലും ഇദ്ദേഹം ഈ വയറിളക്കത്തില്‍ വിട്ടു പോയി .

  12. ശ്രീജെഷ്

    സ്വാമി വിശ്വഭദ്രാനന്ദശക്തിബോധി.
    ഹ ഹ ഹ ഏന്നെ ഞാന്
    സ്വയം വിശ്ഷിപ്പിക്കുന്നത് സരൊജ് കുമാര്‍ എന്നാ

  13. nandan nair

    സ്വാമി അതികം ഉതാര് മനസ് വേടാ

  14. indian

    വേസ്റ്റ് സ്വാമി ,

  15. Satheesh Kuar

    <> ഈ വിഗ്രഹാരാധനയിലൂടെയും ശത്രു സംഹാര പൂജയിലൂടെയും ധനാകര്‍ഷര്‍ഷണ യന്ത്രത്തിലൂടെയുമൊക്കെ എത്രയാള്‍ വേദാന്തചിന്തയുടെ അവസാന പടിയായ ബ്രഹ്മജ്ഞാനത്തില്‍(?) എത്തിയിട്ടുണ്ടെന്ന് അറിഞ്ഞാല്‍ കൊള്ളാമായിരുന്നു.

  16. ബിജുകൃഷ്ണന്‍

    വിധിധായകന്‍ ആയ മഹാമുനേ നമസ്കാരം,

    അങ്ങയുടെ മഹാ മനസ്കത കണ്ടു ഒന്ന് ചോദിക്കട്ടെ, 1947 നു മുന്‍പ് നിങ്ങള്‍ പറഞ്ഞ തിരുവിതാംകൂര്‍ രാജാകന്മാര്‍ ദാനം കൊടുത്ത നിലത്ത് നാട്ടു വളര്‍ത്തിയ എല്ലാ പള്ളികളുടെയും സ്വത്തും സര്‍ക്കാരിനു വേണ്ടി കണ്ടു കെട്ടാന്‍ അങ്ങ് ഒരു ഉത്തരവ് ഇറക്കാന്‍ തെയ്യാരാകുമോ? എങ്കില്‍ ഞങ്ങള്‍ ഹിന്ദുക്കള്‍ എന്ന പൊതു വിഡ്ഢികള്‍ അനന്തപത്മനാഭന്റെ കൊടികളും സര്‍ക്കാരിനു നല്‍കാം, അതോടൊപ്പം നമ്മുടെ നാട്ടില്‍ നിന്നും നിങ്ങള്‍ പറഞ്ഞ പറയന്റെയും, മറ്റു എല്ലാ കഷ്ടപെടുന്ന ജന വിഭാഗത്തെയും പിഴിഞ്ഞ് നമ്മുടെ രാജാക്കന്മാര്‍ ഉണ്ടാക്കിയ , പിന്നെ ബ്രിടീഷ്‌ കാര്‍ കടത്തി കളഞ്ഞ കോഹിനൂര്‍ രക്തവും പിടിച്ചു കൊണ്ട് വന്നു പാവങ്ങള്‍ക്ക് വീതിച്ചു കൊടുക്കാന്‍ പറയാമോ???

LEAVE YOUR COMMENTS

Press ctrl+g to toggle between English and Malayalam.