Categories

Headlines

സ്വപ്‌ന തുല്യ അരങ്ങേറ്റവുമായി ‘അഫ്ഘാന്‍ വണ്ടര്‍ ബോയ്’ റാഷിദ് ഖാന്‍; ആദ്യ വിജയം സണ്‍റൈസേഴ്‌സ് ഹൈദരാബാദിന്

ഹൈദരാബാദ്: വീറും വാശിയും അവസാന നിമിഷം വരെ നിറഞ്ഞു നിന്ന ഐ.പി.എല്‍ പത്താം പതിപ്പിന്റെ ആദ്യ മത്സരത്തില്‍ സണ്‍റൈസേഴ്‌സ് ഹൈദരാബാദ് ഉയര്‍ത്തിയ 207 റണ്‍സിന്റെ വെല്ലുവിളി മറികടക്കാന്‍ കോഹ്‌ലിയും എബി ഡി വില്ല്യേഴ്‌സുമില്ലാതെ ഇറങ്ങിയ റോയല്‍ ചലഞ്ചേഴ്‌സ് ബാംഗ്ലൂരിന് സാധിച്ചില്ല. കൃത്യമായ ഇടവേളകളില്‍ വിക്കറ്റുകള്‍ വീണതാണ് റോയല്‍ ചലഞ്ചേഴ്‌സിന് വിനയായത്. പതിവു വിപരീതമായി ബാറ്റു കൊണ്ടും പന്തു കൊണ്ടും ഹൈദരാബാദ് ഇന്ന് മികവു പുലര്‍ത്തിയെന്നതും അവരുടെ വിജയത്തെ അനായാസമാക്കി. റോയല്‍ ചലഞ്ചേഴ്‌സ് ഇന്നിംഗ്‌സ് 179 ല്‍ അവസാനിക്കുകയായിരുന്നു.

അഫ്ഗാന്‍ വണ്ടര്‍ ബോയ് റാഷിദ് ഖാന്റെ പ്രകടനമായിരുന്നു ഹൈദരാബാദിനെ വിജയത്തിലേക്ക് നയിക്കുന്നതില്‍ മുഖ്യപങ്കു വഹിച്ചത്. ആദ്യം തന്നെ കത്തി തുടങ്ങിയിരുന്ന വെടിക്കെട്ടു വീരന്‍ ക്രിസ് ഗെയ്‌ലിനെ പുറത്താക്കി കൊണ്ടായിരുന്നു റാഷിദ് ടീമിന് നിര്‍ണ്ണായക ബ്രേക്ക് ത്രൂ നല്‍കിയത്. തൊട്ടു പിന്നാലെ പിന്നാലെ വന്ന ട്രാവിസ് ഹീഡ് നിലയുറപ്പിക്കാന്‍ തുടങ്ങിയതോടെ ഹീഡിനെ പുറത്താക്കി റാഷിദ് വീണ്ടും ഹൈദരാബാദിനെ രക്ഷിക്കുകയായിരുന്നു. പ്രായം തളര്‍ത്താത്ത വീര്യവുമായി ആശിഷ് നെഹ്‌റയും ആര്‍.സി.ബി ഇന്നിംഗ്‌സിന് കൂച്ചു വിലങ്ങിട്ടു.

നേരത്തെ യുവരാജ് സിംഗിന്റേയും സംഘത്തിന്റേയും നേതൃത്വത്തില്‍ നടന്ന വെടിക്കെട്ട് ബാറ്റിംഗാണ് ഹൈദരാബാദിന് മികച്ച സ്‌കോര്‍ സമ്മാനിച്ചത്. 27 പന്തില്‍ നിന്നും 62 റണ്‍സെടുത്ത യുവി ഐ.പി.എല്ലിലെ തന്റെ വേഗതയേറിയ അര്‍ധ സെഞ്ച്വറിയും ഇന്നു സ്വന്തമാക്കി.


Also Read: ‘ജിഷ്ണുവിനും കുടുംബത്തോടുമൊപ്പം തന്നെയാണ് ഞങ്ങള്‍’; ജിഷ്ണുവിന്റെ അമ്മയ്ക്ക് ഐക്യദാര്‍ഢ്യവുമായി വി.പി സാനു


മോയിസെസ് ഹെന്റിക്വിസെസും (52 ) യുവിയ്ക്ക് മികച്ച പിന്തുണ നല്‍കി. ആദ്യ മത്സരത്തില്‍ തന്നെ ശിഖര്‍ ധവാന്‍ ഫോമിലേക്കുയര്‍ന്നതും ടീമിന് ആശ്വാസമായി. ധവാന്‍ 40 റണ്‍സെടുത്താണ് പുറത്തായത്. അവസാന ഓവറുകളില്‍ ആര്‍.സി.ബി നായകന്‍ ഷെയ്ന്‍ വാട്‌സണെ ഹെന്‍ റിക്വസസ് തെരഞ്ഞു പിടിച്ച് അടിക്കുകയായിരുന്നു.

Tagged with:


ആരും കാണാതെ ഒരു ക്ലാസ്മുറിക്കുപിന്നിലെ മതിലിന്റെ ഓരം പറ്റി ആ കത്തു തുറന്നു അതില്‍ ആ മഹത്തായ , ഭംഗിയേറിയ കയ്യൊപ്പ് ‘ടെണ്ടുല്‍ക്കര്‍’; സച്ചിന്റെ ജന്മദിനത്തില്‍ കുട്ടിക്കാല ഓര്‍മ്മകള്‍ പങ്കു വച്ച് നിപിന്റെ പിറന്നാള്‍ ആശംസ

കോഴിക്കോട്: ഏപ്രില്‍ 24, ലോകമെമ്പാടുമുള്ള ക്രിക്കറ്റ് പ്രേമികള്‍ക്ക് ഇന്ന് ഉത്സവ ദിനമാണ്. തങ്ങളുടെ ദൈവം സച്ചിന്‍ ടെണ്ടുല്‍ക്കറുടെ ജന്മ ദിനമാണിന്ന്. ലോകമെങ്ങും സച്ചിന് പിറന്നാള്‍ ആശംസകളുമായി രംഗത്തെത്തിയ ഇന്ന് കേരളത്തില്‍ നിന്നുമൊരു രസകരമായ ആശംസയും സച്ചിനെ തേടിയെത്തി. സോഷ്യല്‍ മീഡിയ ക്യാമ്പയിനുകളിലൂടെ ശ്രദ്ധേയനായ നിപിന്‍ നാരായണന്‍ എന്ന നീനയുടെ പിറന്നാള്‍ സന്ദേശ