Categories

ഈ ഐറ്റം ഡാന്‍സിന്റെ ബാക്കി വിവരങ്ങള്‍ കൂടി അറിയണമെന്നുണ്ട്: ‘വില്ലനില്‍’ അഞ്ച് കോടി പ്രതിഫലം പറ്റി സണ്ണി ലിയോണ്‍ ഐറ്റം ഡാന്‍സ് ചെയ്യുന്നുവെന്ന വാര്‍ത്തക്കെതിരെ ബി. ഉണ്ണികൃഷ്ണന്‍

കൊച്ചി: മോഹന്‍ലാലിനെ നായനാക്കി ഒരുക്കുന്ന വില്ലന്‍ എന്ന ചിത്രത്തില്‍ അഞ്ച് കോടി പ്രതിഫലം പറ്റി സണ്ണി ലിയോണ്‍ ഐറ്റം ഡാന്‍സ് ചെയ്യുന്നുവെന്ന വാര്‍ത്തക്കെതിരെ ചിത്രത്തിന്റെ സംവിധായകന്‍ ബി. ഉണ്ണികൃഷ്ണന്‍ രംഗത്ത്.

ഈ ഐറ്റം ഡാന്‍സിന്റെ ബാക്കി ഡീറ്റെയില്‍സും അറിയണമെന്നുണ്ടെന്നും എത്രയും പെട്ടെന്ന് എന്നെ അറിയിക്കുമല്ലോ എന്നാണ് ബി. ഉണ്ണികൃഷ്ണന്റെ പരിഹാസം. പ്രസ്തുത വാര്‍ത്ത ഷെയര്‍ ചെയ്തുകൊണ്ടായിരുന്നു ഉണ്ണികൃഷ്ണന്‍ ഫെയ്‌സ്ബുക്കില്‍ രംഗത്തെത്തിയത്.

പോണ്‍സ്റ്റാറും ബോളിവുഡ് താരവുമായ സണ്ണി ലിയോണ്‍ ബി.ഉണ്ണികൃഷ്ണന്‍-മോഹന്‍ലാല്‍ ടീമിന്റെ ഏറ്റവും പുതിയ ചിത്രമായ വില്ലനിലെ പതിനഞ്ച് മിനിറ്റ് നീണ്ടു നില്‍ക്കുന്ന ഐറ്റം ഡാന്‍സിനായി മലയാളത്തിലേക്ക് എത്തുന്നു എന്നായിരുന്നു വാര്‍ത്ത.

വനിതാ ഫിലിം അവാര്‍ഡിനായി കഴിഞ്ഞ വര്‍ഷം കേരളത്തില്‍ എത്തിയപ്പോഴാണ് ബി. ഉണ്ണികൃഷ്ണന്‍ സണ്ണി ലിയോണുമായി ആദ്യ ഘട്ട ചര്‍ച്ച നടത്തിയിരുന്നതെന്നും ഇതേ തുടര്‍ന്നാണ് വില്ലനിലെ ഐറ്റം ഡാന്‍സിനു വേണ്ടി സണ്ണി ലിയോണ്‍ സന്നദ്ധത അറിയിച്ചതെന്നുമായിരുന്നു വാര്‍ത്തയില്‍ പറഞ്ഞിരുന്നത്.

അധോലോകത്തിന്റെ കഥ പറയുന്ന ചിത്രത്തില്‍ അധോലോക സംഘങ്ങളുമായി ബന്ധമുള്ള ഹോളിവുഡ് ഐറ്റം ഡാന്‍സറായി തന്നെയാണ് സണ്ണി ലിയോണ്‍ എത്തുന്നതെന്നും വാര്‍ത്തയില്‍ പറഞ്ഞുവെച്ചിരുന്നു.

ചിത്രത്തിന്റെ അണിയറ പ്രവര്‍ത്തകര്‍സണ്ണി ലിയോണുമായുള്ള ആദ്യഘട്ട ചര്‍ച്ച പൂര്‍ത്തിയാക്കിയിട്ടുണ്ടെന്നും എന്നാല്‍, അന്തിമ ഉറപ്പ് ഇനിയും ലഭിച്ചിട്ടില്ലെന്നുമായിരുന്നു റിപ്പോര്‍ട്ടില്‍ പറഞ്ഞത്.



‘ഫാഷിസത്തിനെതിരായ പോരാട്ടങ്ങള്‍ക്ക് നേതൃത്വം നല്‍കാന്‍ ഇന്ന് ഇന്ത്യയിലല്ല, ലോകത്ത് തന്നെ അങ്ങ് മാത്രമേയുള്ളൂ’; പാലക്കാട് കളക്ടറെ മാറ്റിയതില്‍ മുഖ്യമന്ത്രിയെ പരിഹസിച്ച് വി.ടി ബല്‍റാം

കോഴിക്കോട്: ജില്ലാ കളക്ടര്‍മാരെ മാറ്റിയതിന് പിന്നാലെ പ്രതിഷേധവുമായി തൃത്താല എം.എല്‍.എ വി.ടി ബല്‍റാം. സ്ഥലം മാറ്റിയവരില്‍ പാലക്കാട് കളക്ടറുമുണ്ടായിരുന്നു. ഇതിനെതിരെയാണ് വി.ടി ബല്‍റാം രംഗത്തെത്തിയിരിക്കുന്നത്.'ആര്‍.എസ്.എസ് മേധാവി മോഹന്‍ ഭഗവതിനെതിരെ കേസെടുക്കാന്‍ ഉത്തരവിട്ട പാലക്കാട് ജില്ലാ കളക്റ്ററെ സംസ്ഥാന സര്‍ക്കാര്‍ സ്ഥലം മാറ്റി. വെറും ഇരുപത്തിനാല് മണിക്കൂറിന