Categories

മുംബൈ സ്‌ഫോടനം: സുബ്രഹ്മണ്യസ്വാമിയുടെ ലേഖനം വിവാദമാകുന്നു

ന്യൂദല്‍ഹി: ഇസ്‌ലാമിക തീവ്രവാദത്തെക്കുറിച്ച് പരാമര്‍ശിക്കുന്ന ജനതാപാര്‍ട്ടി നേതാവ് സുബ്രഹ്മണ്യസ്വാമിയുടെ ലേഖനത്തിനെതിരെ ദേശീയ ന്യൂനപക്ഷ കമ്മീഷന്‍ രംഗത്ത്. ലേഖനത്തിലെ പരാമര്‍ശങ്ങള്‍ ന്യൂനപക്ഷവിരുദ്ധമാണെന്ന ആരോപണമാണ് ഉയര്‍ന്നിട്ടുള്ളത്.

മുംബൈ ആക്രമണത്തിനുശേഷം ഒരു ദേശീയ ദിനപത്രത്തില്‍ സുബ്രഹ്മണ്യസ്വാമിയെഴുതിയ ഹൗ ടു വൈപ്പ് ഔട്ട് ഇസ് ലാമിക് ടെറര്‍ എന്ന ലേഖനമാണ് വിവാദമായത്.

മുസ്‌ലീം സമൂഹത്തെ അപകീര്‍ത്തിപ്പെടുത്തുന്ന തരത്തിലുള്ള സുബ്രഹ്മണ്യസ്വാമിയുടെ പരാമര്‍ശങ്ങള്‍ക്കെതിരെ നിയമപരമായി നീങ്ങുന്നതിനെക്കുറിച്ച് ആലോചിക്കുകയാണ് ദേശീയ ന്യൂനപക്ഷ കമ്മീഷന്‍. ഇതിനെക്കുറിച്ച് തങ്ങളുടെ നിയമഉപദേഷ്ടാവുമായി കൂടിയാലോചിക്കുന്നുണ്ടെന്ന് കമ്മീഷന്‍ ചെയര്‍മാന്‍ വജാഹത് ഹിസ്ബുള്ള പറഞ്ഞു. ഇത് ഭരണഘടനയിലെ ആര്‍ട്ടിക്കിള്‍ 153എ, 153ബി എന്നിവയുടെ ലംഘനമാണെന്നും അദ്ദേഹം വ്യക്തമാക്കി.

ഇതിനു പുറമേ സ്വാമി വിസിറ്റിംങ് പ്രഫസറായി ജോലിചെയ്യുന്ന ഹാവാര്‍ഡിലെ സമ്മര്‍സ്‌ക്കൂള്‍ വിദ്യാര്‍ത്ഥികളും അദ്ദേഹത്തിനെതിരെ രംഗത്തെത്തിയിട്ടുണ്ട്. സ്വാമിയെ സ്‌ക്കൂളില്‍ നിന്ന് പുറത്താക്കണമെന്നാവശ്യപ്പെട്ട് നൂറോളം കുട്ടികളും, അവരുടെ രക്ഷിതാക്കളും, ഫാക്വല്‍റ്റി അംഗങ്ങളും ഒപ്പിട്ട പരാതിയും അദ്ദേഹത്തിനെതിരെ നിലനില്‍ക്കുന്നുണ്ട്.

എന്നാല്‍ ഈ പ്രതിഷേധ പ്രകടനങ്ങള്‍ സ്വാമിയെ തെല്ലും ഭയപ്പെടുത്തിയിട്ടില്ല. ‘മുംബൈ ആക്രമണവുമായി ബന്ധപ്പെട്ട എന്റെ കാഴ്ചപ്പാടുകള്‍ ഞാന്‍ പങ്കുവച്ചു. തീവ്രവാദി ആക്രമണത്തില്‍ വേദനിച്ച ഇന്ത്യക്കാരുടെ ഹൃദയം കീഴടക്കാന്‍ ആ കാഴ്ചപ്പാടുകള്‍ക്ക് കഴിഞ്ഞിട്ടുണ്ട്.’ ഇതായിരുന്നു ആരോപണങ്ങളോടുള്ള സ്വാമിയുടെ പ്രതികരണം.

സ്വാമിയുടേത് വളരെ മോശം ലേഖനമാണെന്നും അദ്ദേഹം ചെയ്തത് രാജ്യദ്രോഹമാണെന്നും കോണ്‍ഗ്രസ് ജനറല്‍ സെക്രട്ടരി ദിഗ് വിജയ് സിംഗ് കുറ്റപ്പെടുത്തി.

3 Responses to “മുംബൈ സ്‌ഫോടനം: സുബ്രഹ്മണ്യസ്വാമിയുടെ ലേഖനം വിവാദമാകുന്നു”

  1. അനില്‍ബാബു

    സുബ്രമണ്യംസ്വാമിയെന്ന ആര്‍എസ്എസ്സിന്‍റെ ട്രോജണ്‍ കുതിരയെ കേരളത്തിലെ ചില മാധ്യമ പ്രവര്‍ത്തകര്‍ക്ക് പോലും തിരിച്ചറിയാന്‍ കഴി‍യുന്നില്ല എന്നതാണ് ദുര്യോഗം.
    ഇസ്ലാമിക് ബാങ്കിങ്ങിനെതിരെ അടുത്തിടെ കേരള ഹൈക്കോടതിയില്‍ സുബ്രമണ്യംസ്വാമി എത്തിയിരുന്നു. അന്ന് ഇന്ത്യാവിഷനില്‍ സുബ്രമണ്യംസ്വാമിയുടെ മുഖാമുഖം കണ്ടു. വീണാ ജോര്‍ജ്ജ് എന്ന വിവരക്കേട് എന്ത് ചോദ്യങ്ങളാണ് അയാളോട് ഉന്നയിച്ചത്. ബഹുമാനബോധം അടിമത്തബോധമായി അധപതിച്ചതിന്‍റെ ലക്ഷണമായിരുന്നു കണ്ടത്. വര്‍ഗീയ വെറി പൂണ്ട ഒരു ഇടുങ്ങിയ മാനസനാണ് അയാളെന്ന് വീണക്ക് അറിയില്ലേ?. അറിയില്ലെങ്കില്‍ മാധ്യമപ്രവര്‍ത്തനം അവസാനിപ്പിച്ച് വല്ല തുന്നല്‍ ജോലിക്കും പൊയ്ക്കൂടെ.
    സുബ്രമണ്യംസ്വാമിയെ തുടര്‍ച്ചയായി പിന്തുടരുന്ന ആര്‍ക്കും വ്യക്തമാകുന്ന കാര്യമാണ് അയാള്‍ തീവ്രഹിന്ദുത്വത്തിന്‍റെ ബൗദ്ധിക അധിനിവേശം ലക്ഷ്യം വെച്ച് ജനാധിപത്യം അട്ടിമറിക്കാനായി ഓടി നടക്കുന്ന ആളാണെന്ന്..
    ഡിഎന്ഡഎയില്‍ സുബ്രമണ്യം സ്വാമി എഴുതിയ ലേഖനത്തിനെതിരെ മാത്രമല്ല അത് വിവര്‍ത്തനം ചെയ്ത ആര്‍എസ്എസ് ജിഹ്വ ജന്‍മഭൂമിയും സാമൂഹ്യവിരുദ്ധ പ്രവര്‍ത്തനമാണ് നടത്തിയത്.

  2. Abubakar Sidheeque

    യുറോപ്യന്‍ രാജ്യമായ നോര്‍വേ യില്‍ കഴിഞ്ഞ ആഴ്ച നടന്ന ഭീകരാക്രമണവും ഈ കൂട്ടര്‍ക്ക് ‘ഇസ്ലാമിക ഭീകര വാദികളുടെ’ ക്രൂരതകള്‍ ആയിരുന്നു….!!?? എന്നാല്‍ പിന്നില്‍ മറ്റാരൊക്കെയോ ആയിരുന്നെന്ന് അറിഞ്ഞപ്പോള്‍ ‘ഈ കൂട്ടര്‍’ മാളത്തില്‍ ഒളിച്ചു കളഞ്ഞു..? അല്ലെങ്കില്‍ എന്തായിരിക്കും പുകില്? എന്തെല്ലാം നാം കാണേണ്ടി വരുമായിരുന്നു, മാരത്തോണ്‍ ചാനല്‍ ചര്‍ച്ചകള്‍….ലോക സംഘടനയുടെ സ്പെഷ്യല്‍ അടിയന്തിരം…….എല്ലാം വെള്ളത്തില്‍ വരച്ചത് പോലെയായി….കാരണം ചെയ്തത് മുസ്ലിം നാമധാരിയല്ല……അത് കൊണ്ട് തന്നെ ഭീകരനുമല്ല……വെറും അക്രമി മാത്രം…….??!! കൂട്ടരേ, നമ്മുടെ പ്രിയപ്പെട്ട മുംബൈയില്‍ വര്‍ഷങ്ങള്‍ക്കു മുന്‍പ് നടന്നതും ഒരു മാസം മുന്‍പ് നടന്നതുമായ സകല ഭീകരാക്രമാനങ്ങളുടെയും പിന്നില്‍; ആരാണെന്ന് കണ്ടെത്താന്‍ സത്യസന്തമായ ഒരന്വേഷണം നടത്തട്ടെ…മഹാനായ കാര്‍ക്കരെയേ പോലെ….അപ്പോള്‍ അറിയാം ‘സംഘപരിവാറിന്റെ ഭീകര മുഖം…..’, പക്ഷെ കഷ്ടം…ആരുണ്ട്‌ പൂച്ചക്ക് മണി കെട്ടാന്‍…..????!!!

  3. kunjaappa

    വീണ ഒരിക്കലും ഒരു നല്ല പത്ര പ്രവര്‍ത്തകയായി തോന്നിയിട്ടില്ല,നികേഷ് കുമാറിന്റെ ഔന്നത്യമോ അത്യാവശ്യം വിവരമോ ഉള്ളതായി അനുഭവപ്പെടുന്നുമില്ല,ആകെയുള്ലത് ഒരു തലയാട്ടല്‍ മാത്രം ,നികേഷ് പോയതോടെ ജീവന്‍ പോയ ഇന്ത്യാവിഷനിലെ കുറഞ്ഞകൂലിക്കാരായ നിലവാരമില്ലാത്ത പത്ര പ്രവറ്ത്തക

LEAVE YOUR COMMENTS

Press ctrl+g to toggle between English and Malayalam.