Categories

Headlines

‘ജിഷ്ണുവിന് നീതി കിട്ടും; സര്‍ക്കാരില്‍ വിശ്വാസമുണ്ട്’; ഇനിയും അണയാത്ത പ്രതീക്ഷയോടെ ജിഷ്ണുവിന്റെ അമ്മ ; മഹിജയും ശ്രീജിത്തും ആശുപത്രി വിട്ടു

തിരുവനന്തപുരം: ജിഷ്ണു പ്രണോയിയുടെ അമ്മ മഹിജയും സഹോദരന്‍ ശ്രീജിത്തും തിരുവനന്തപുരം മെഡിക്കല്‍ കോളേജ് ആശുപത്രി വിട്ടു. തന്റെ മകനു നീതി കിട്ടുമെന്നു തന്നെയാണ് വിശ്വാസമെന്നും സര്‍ക്കാരില്‍ വിശ്വാസമുണ്ടെന്നും മഹിജ. സര്‍ക്കാരുമായുണ്ടാക്കിയ കരാര്‍ നടപ്പിലാക്കുമെന്നാണ് പ്രതീക്ഷയെന്ന് ശ്രീജിത്ത് പറഞ്ഞു. ജിഷ്ണുവിന്റെ കുടുംബം ഇന്നു നാട്ടിലേക്ക് മടങ്ങും.

ശ്രീജിത്ത് പെങ്ങളുടെ സ്വാധീന വലയത്തില്‍ മാത്രമേ വീണിട്ടുള്ളൂ എന്നും മഹിജ പറഞ്ഞു. ശ്രീജിത്തിനെതിരായ ആരോപണങ്ങളോടുള്ള പ്രതികരണമായിരുന്നു മഹിജയുടെ പ്രസ്താവന. അതേസമയം തന്റെയും ശ്രീജിത്തിന്റെയും വാക്കുകളെ മുഖ്യമന്ത്രി മുഖവിലയ്‌ക്കെടുക്കുമെന്നാണ് പ്രതീക്ഷയെന്ന് മുഖ്യമന്ത്രി പിണറായി വിജയനുമായുള്ള കൂടിക്കാഴ്ച്ചയെ കുറിച്ച് സംസാരിക്കവെ മഹിജ പറഞ്ഞു.

നേരത്തേ, മഹിജയ്ക്ക് മുഖ്യമന്ത്രി പിണറായി വിജയനെ കാണാന്‍ അനുമതി നല്‍കിയിരുന്നു. ഈ മാസം 15 ന് മുഖ്യമന്ത്രിയുമായി കൂടിക്കാഴ്ച്ച നടത്താനാണ് മുഖ്യമന്ത്രിയുടെ ഓഫീസിന്റെ അനുമതി ലഭിച്ചിരിക്കുന്നത്.

ആശുപത്രിയില്‍ നിരാഹാര സമരം നടത്തിയിരുന്ന ജിഷ്ണുവിന്റെ ബന്ധുക്കളുമായുണ്ടാക്കിയ ഒത്തു തീര്‍പ്പു കരാറിന്റെ പകര്‍പ്പ് മഹിജയ്ക്ക് കൈമാറിയെന്നും മുഖ്യമന്ത്രിയുടെ ഓഫീസ് അറിയിച്ചു.

മുഖ്യമന്ത്രിയെ കാണുന്നതിന് മഹിജ പലതവണ ആവശ്യമുന്നയിച്ചിരുന്നെങ്കിലും അനുമതി ലഭിച്ചിരുന്നില്ല. ജിഷ്ണുവിന്റെ മരണത്തെ തുടര്‍ന്ന് അന്വേഷണം നടക്കുന്ന ഘട്ടത്തില്‍ മുഖ്യമന്ത്രി കോഴിക്കോടെത്തിയിരുന്നെങ്കിലും ജിഷ്ണുവിന്റെ വീട് സന്ദര്‍ശിക്കാനോ ബന്ധുക്കളുടെ പരാതികള്‍ കേള്‍ക്കാനോ തയ്യാറാകാതിരുന്നത് വിമര്‍ശനത്തിനിടയാക്കിയിരുന്നു.


Also Read: ജര്‍മ്മന്‍ ക്ലബ് ബോറൂസിയ ഡോര്‍ട്ട്മുണ്ട് സഞ്ചരിച്ച ബസിനു സമീപം സ്‌ഫോടനം; പരുക്കേറ്റ ബാര്‍ത്ര ആശുപത്രിയില്‍; പ്രിയ ടീമിനായി ഗ്യാലറിയല്‍ പ്രാര്‍ത്ഥനയോടെ ഗ്യാലറിയില്‍ മഞ്ഞപ്പട


പോലീസ് അന്വേഷണത്തിലെ അതൃപ്തി അറിയിക്കുന്നതിനും പ്രതികളെ ഉടന്‍ പിടികൂടണമെന്ന് ആവശ്യപ്പെടുന്നതിനും പോലീസ് ആസ്ഥാനത്ത് എത്തിയ ജിഷ്ണുവിന്റെ മാതാപിതാക്കളെയും ബന്ധുക്കളെയും പോലീസ് തടഞ്ഞതിനെ തുടര്‍ന്ന് പ്രശ്‌നം രൂക്ഷമാവുകയായിരുന്നു.

പോലീസ് നടപടിയില്‍ പരിക്കേറ്റ് ആശുപത്രിയില്‍ പ്രവേശിപ്പിക്കപ്പെട്ട മഹിജയും അമ്മാവന്‍ ശ്രീജിത്തും ആശുപത്രിയിലും ജിഷ്ണുവിന്റെ പെങ്ങള്‍ അവിഷ്ണ വീട്ടിലും നിരാഹാരം നടത്തുകയും, ഒടുവില്‍ സര്‍ക്കാര്‍ ആവശ്യങ്ങള്‍ അംഗീകരിച്ച് കരാറില്‍ ഏര്‍പ്പെടുകയും ചെയ്തിരുന്നു.

Tagged with:


ആരും കാണാതെ ഒരു ക്ലാസ്മുറിക്കുപിന്നിലെ മതിലിന്റെ ഓരം പറ്റി ആ കത്തു തുറന്നു അതില്‍ ആ മഹത്തായ , ഭംഗിയേറിയ കയ്യൊപ്പ് ‘ടെണ്ടുല്‍ക്കര്‍’; സച്ചിന്റെ ജന്മദിനത്തില്‍ കുട്ടിക്കാല ഓര്‍മ്മകള്‍ പങ്കു വച്ച് നിപിന്റെ പിറന്നാള്‍ ആശംസ

കോഴിക്കോട്: ഏപ്രില്‍ 24, ലോകമെമ്പാടുമുള്ള ക്രിക്കറ്റ് പ്രേമികള്‍ക്ക് ഇന്ന് ഉത്സവ ദിനമാണ്. തങ്ങളുടെ ദൈവം സച്ചിന്‍ ടെണ്ടുല്‍ക്കറുടെ ജന്മ ദിനമാണിന്ന്. ലോകമെങ്ങും സച്ചിന് പിറന്നാള്‍ ആശംസകളുമായി രംഗത്തെത്തിയ ഇന്ന് കേരളത്തില്‍ നിന്നുമൊരു രസകരമായ ആശംസയും സച്ചിനെ തേടിയെത്തി. സോഷ്യല്‍ മീഡിയ ക്യാമ്പയിനുകളിലൂടെ ശ്രദ്ധേയനായ നിപിന്‍ നാരായണന്‍ എന്ന നീനയുടെ പിറന്നാള്‍ സന്ദേശ