ന്യൂദല്‍ഹി: ഇന്ത്യന്‍ ക്രിക്കറ്റര്‍ വിരാട് കോഹ്‌ലിയ്‌ക്കെതിരെ ലങ്കന്‍ മാധ്യമങ്ങള്‍ രംഗത്ത്. കോഹ്‌ലിയ്ക്ക് കൈക്കൂലി വാഗ്ദാനം നല്‍കിയതുകൊണ്ടാണ് ശ്രീലങ്കയ്‌ക്കെതിരേ നടന്ന നിര്‍ണായക മത്സരത്തില്‍ ഇന്ത്യയ്ക്ക് ജയിക്കാനായതെന്നാണ് മാധ്യമങ്ങള്‍ പറയുന്നത്.

മത്സരം ജയിച്ചാല്‍ പണമല്ല മറിച്ച് ഒരു രാത്രി തനിയ്‌ക്കൊപ്പം കിടക്കാമെന്ന വാഗ്ദാനവുമായെത്തിയ ഇന്ത്യന്‍ ആരാധികയാണ് കോഹ്‌ലിയെ മോഹിപ്പിച്ചതെന്നാണ് ലങ്കന്‍മാധ്യമങ്ങളുടെ കണ്ടെത്തല്‍. കോഹ്‌ലിയുടെ തകര്‍പ്പന്‍ പ്രകടത്തില്‍ 40 ഓവറില്‍ ജയിക്കേണ്ട കളി 37 ഓവറില്‍ തന്നെ ലക്ഷ്യം കണ്ടത്.

300 ലധികം റണ്‍സ് എടുത്തിട്ടും തങ്ങളുടെ ടീം തോല്‍ക്കാന്‍ കാരണം എന്തെന്ന് അന്വേഷിച്ചിറങ്ങിയ മാധ്യമപ്രവര്‍ത്തകര്‍ക്ക് ബാനര്‍ പിടിച്ചിരിക്കുന്ന ആരാധികയെയാണ് കാണാന്‍ കഴിഞ്ഞത്. ആ ആരാധികയുടെ വാഗ്ദാനമാണ് കോഹ്‌ലിക്കു പ്രേരണയായതെന്ന കഥയും അധികം വൈകാതെ അവര്‍ അടിച്ചുവിട്ടു.

86 പന്തുകള്‍ നേരിട്ട കോഹ്‌ലി രണ്ട് സിക്‌സറും 16 ഫോറുകളുമടക്കം 133 റണ്‍സെടുത്ത് പുറത്താകാതെ നിന്നു. തന്റെ കരിയറിലെ തന്നെ മികച്ച ഇന്നിംഗ്‌സാണ് ഇതിന്ന് കോഹ്‌ലി മത്സരശേഷം മാധ്യമപ്രവര്‍ത്തകരോട് പറയുകയും ചെയ്തിരുന്നു.

ശ്രീലങ്കയ്‌ക്കെതിരെ ഇന്ത്യയ്ക്ക് 9.2 ഓവറില്‍ രണ്ട് വിക്കറ്റിനു 86 റണ്‍സ് എന്ന അവസ്ഥയിലാണ് കോഹ്‌ലി ക്രീസിലെത്തുന്നത്. കോഹ്‌ലി ക്രീസിലെത്തുന്നതിന് മുന്‍പ് ശ്രീലങ്കന്‍ ടീം വിജയം ഉറപ്പിച്ചതായിരുന്ന. എന്നാല്‍ അവരുടെ പ്രതീക്ഷകള്‍ പാടേ മറിച്ച് കോഹ്‌ലി കളിക്കളത്തില്‍ നിറഞ്ഞാടി.

വെറും 76 പന്തുകളില്‍ കോഹ്‌ലി സെഞ്ച്വറി തികയ്ക്കുകയും ചെയ്തു. വെറും പത്ത് പന്തുകളിലാണ് അദ്ദേഹം അവസാനത്തെ  33 റണ്‍സ് നേടിയത്.

Malayalam news

Kerala news in English