Categories
chemmannoor

വാഹനാപകടത്തില്‍ സുഹൃത്തുക്കള്‍ മരിച്ചു; നഷ്ടപരിഹാരം എങ്ങനെ കണക്കാക്കും?


ഇക്കഴിഞ്ഞ ജൂലായ് മാസം സൗദിയിലെ അല്‍ ബത്ത ചെക്ക് പോസ്റ്റിനു സമീപം ഉണ്ടായ വാഹനാപകടത്തില്‍ എന്റെ സുഹൃത്തുക്കളായ 5 മലയാളികള്‍ മരണപ്പെട്ടിരുന്നു. ഒരു പിക് അപ്പില്‍ യാത്ര ചെയ്തിരുന്ന അവരെ എതിരെ വന്ന ട്രെയിലര്‍ ഇടിക്കുകയായിരുന്നു. പോലീസ് റിപ്പോര്‍ട്ട് അനുസരിച്ച് ട്രെയിലര്‍ ഓടിച്ചിരുന്ന പാകിസ്ഥാനിയുടെതാണ് 100 ശതമാനം കുറ്റവും.


sAUDI

ഭാഗം: 44


ചോദ്യം


ഇക്കഴിഞ്ഞ ജൂലായ് മാസം സൗദിയിലെ അല്‍ ബത്ത ചെക്ക് പോസ്റ്റിനു സമീപം ഉണ്ടായ വാഹനാപകടത്തില്‍ എന്റെ സുഹൃത്തുക്കളായ 5 മലയാളികള്‍ മരണപ്പെട്ടിരുന്നു. ഒരു പിക് അപ്പില്‍ യാത്ര ചെയ്തിരുന്ന അവരെ എതിരെ വന്ന ട്രെയിലര്‍ ഇടിക്കുകയായിരുന്നു. പോലീസ് റിപ്പോര്‍ട്ട് അനുസരിച്ച്  ട്രെയിലര്‍ ഓടിച്ചിരുന്ന പാകിസ്ഥാനിയുടെതാണ് 100 ശതമാനം കുറ്റവും.

പാകിസ്ഥാനി ഇപ്പോള്‍ ജയിലിലാണ്. മരണമടഞ്ഞ എല്ലാരുടെയും കുടുംബത്തില്‍ നിന്നും വക്കാലത്ത് കിട്ടാത്തത് കാരണം കോടതി വിചാരണ ഇതുവരെ തുടങ്ങിയിട്ടില്ല.

എന്റെ ചോദ്യം ഇതാണ്: എത്രയായിരിക്കും മരണമടഞ്ഞവരുടെ കുടുംബത്തിനു കിട്ടാന്‍ സാദ്ധ്യതയുള്ള നഷ്ടപരിഹാരം? മരണമടഞ്ഞവരില്‍ ഒരാള്‍ മുസ്ലിമും  ബാക്കി നാലുപേര്‍ ഹിന്ദുക്കളുമാണ്.

മനോജ് കുമാര്‍, ദമ്മാം


 ഉത്തരം


ദിയ അഥവാ ബ്ലഡ് മണി എന്ന ഇസ്‌ലാമിക രീതിയുടെ അടിസ്ഥാന തത്വമെന്നത് പീഡിതനായ (ഇരയാക്കപ്പെട്ട) ഒരു വ്യക്തിയുടെ കുടുംബത്തെ അല്ലെങ്കില്‍ അയാളെ  ആശ്രയിച്ചു  കഴിയുന്നവരുടെ ജീവിതത്തെ  സാമ്പത്തികമായും സാമൂഹ്യവുമായും ഉന്നതിയിലേക്ക് എത്തിക്കുന്നതിനുവേണ്ടിയുള്ള നഷ്ടപരിഹാരം ആരുമുഖേനയാണോ ഇരയാക്കപ്പെട്ടത് അയ്യാളില്‍ നിന്നും നേടിക്കൊടുക്കുകയെന്നതാണ്.

ആശ്രിതരുടെ ആവശ്യങ്ങള്‍ പരിഗണിച്ച്  ബന്ധപ്പെട്ട പാര്‍ട്ടികള്‍ തമ്മിലുള്ള കൂടിയാലോചനകള്‍ വഴി ഉരുത്തിരിയുന്ന തുകയാണ് സാധാരണ കോടതികളും അംഗീകരിക്കുന്നത്. ഇത് പീഡിതനായ വ്യക്തിയുടെ സ്വകാര്യാവകാശത്തില്‍ (private rights) പെട്ടതിനാല്‍ ഈ തുക കൊടുക്കാത്തിടത്തോളം കാലം കുറ്റം ചെയ്തയാള്‍ ജയില്‍ ശിക്ഷ അനുഭവിക്കേണ്ടിവരും. എന്നാല്‍ ഇരയുടെ കുടുംബം പ്രതിക്ക് മാപ്പ് കൊടുത്താല്‍ അയാള്‍ നഷ്ടപരിഹാരം കൊടുക്കേണ്ടതില്ല.

നൂറ് പെണ്‍ ഒട്ടകങ്ങളുടെ വിലയ്ക്ക് തുല്യമായ തുകയാണ് വ്യക്തി മരണപ്പെട്ടാല്‍ കോടതിവഴി കിട്ടാവുന്ന പരമാവധി നഷ്ടപരിഹാരം. (എന്നാല്‍ അംഗ വൈകല്യം സംഭവിച്ചാല്‍ കിട്ടാവുന്ന നഷ്ടപരിഹാരതുകയ്ക്ക് പ്രത്യേകിച്ച് മാനദണ്ഡങ്ങള്‍ ഒന്നുമില്ല. കോടതികളുടെ വിവേചനാധികാരം ഉപയോഗിച്ച് എത്ര തുക വേണമെങ്കിലും വിധിക്കാം)

29 വര്‍ഷത്തോളം ഒരേ നിലയിലായിരുന്ന ദിയ, ഒട്ടകങ്ങളുടെ വില വര്‍ദ്ധിച്ചതിനെത്തുടര്‍ന്ന് 2011ലാണ് സര്‍ക്കാര്‍ ഉയര്‍ത്തിയത്. താഴെപ്പറയുന്നതാണ് പുതുക്കിയ നിരക്ക്:

1. ഒരു മുസ്‌ലീം പുരുഷനെ  മനഃപൂര്‍വ്വമായി കൊലചെയ്താല്‍  4 ലക്ഷം റിയാല്‍
2.  ഒരു മുസ്‌ലീം പുരുഷനെ മനഃപൂര്‍വ്വമല്ലാതെ കൊലചെയ്താല്‍  3 ലക്ഷം റിയാല്‍
3. ഒരു മുസ്‌ലീം സ്ത്രീയെ കൊല ചെയ്താല്‍ (മനപ്പൂര്‍വമോ അല്ലാതെയോ)   ഒന്നര ലക്ഷം റിയാല്‍
4. ഒരു ക്രിസ്ത്യന്‍ അല്ലങ്കില്‍ ജൂത  പുരുഷനെ  (മനപ്പൂര്‍വമോ അല്ലാതെയോ) കൊലചെയ്താല്‍  ഒന്നര ലക്ഷം റിയാല്‍
5. ഒരു ക്രിസ്ത്യന്‍ അല്ലങ്കില്‍ ജൂത  സ്ത്രീയെ (മനപ്പൂര്‍വമോ അല്ലാതെയോ) കൊലചെയ്താല്‍  75000 റിയാല്‍
6. ഒരു ഹിന്ദു പുരുഷനെ (മനപ്പൂര്‍വമോ അല്ലാതെയോ) കൊലചെയ്താല്‍ 20,000 റിയാല്‍
7 ഒരു ഹിന്ദു സ്ത്രീയെ (മനപ്പൂര്‍വമോ അല്ലാതെയോ) കൊലചെയ്താല്‍ 10,000 റിയാല്‍

ഇവിടെ പാകിസ്ഥാനി ഡ്രൈവറില്‍ ആരോപിക്കപ്പെട്ട കുറ്റം പൂര്‍ണ്ണ മായും തെളിയിക്കാന്‍ കഴിഞ്ഞാല്‍  മരണപ്പെട്ട വ്യക്തികളില്‍ മുസ്‌ലീമിന് കിട്ടാവുന്ന പരമാവധി നഷ്ടപരിഹാരം 3 ലക്ഷം റിയാലും ഹിന്ദുക്കള്‍ക്ക് കിട്ടാവുന്ന പരമാവധി തുക 20,000 റിയാല്‍ വീതവുമാണ്.

സംശയങ്ങള്‍ വസ്തുതകള്‍ ആമുഖം

സൗദി അറേബ്യയില്‍ ജീവിക്കുന്ന 28 ലക്ഷത്തോളം ഇന്ത്യാക്കാരില്‍ 11 ലക്ഷവും (40 ശതമാനം) മലയാളികളാണെന്നാണ് ഒരേകദേശ കണക്ക്. സാധാരണ തൊഴിലാളികളും ചെറുകിട കച്ചവടക്കാരുമായ ഭൂരിപക്ഷവും ഇടത്തരക്കാരും സമ്പന്നരായ ന്യൂനപക്ഷവുമാണ് സൗദി മലയാളിയുടെ ക്രോസ് സെക്ഷന്‍.

ഇന്ത്യയുടെതില്‍ നിന്നും വളരെ വ്യത്യസ്തമായ തൊഴില്‍ ബന്ധങ്ങളും സാമൂഹ്യചുറ്റുപാടുകളും സര്‍ക്കാര്‍ സംവിധാനങ്ങളും നീതി ന്യായ വ്യവസ്ഥകളും നില നില്‍ക്കുന്ന ഈ രാജ്യത്ത് ജീവിക്കുന്ന ഒരു സാധാരണ മലയാളി തന്റെ ദൈനംദിന ജീവിതത്തില്‍ അഭിമുഖീകരിക്കേണ്ടിവരുന്ന പ്രശ്‌നങ്ങള്‍ എന്തൊക്കെയാണ്? അവയുടെ പരിഹാരമാര്‍ഗങ്ങള്‍ എന്തൊക്കെയാണ്?

സൗദിയിലേക്ക് വരുന്നതിനു മുന്‍പ് അറിഞ്ഞിരിക്കേണ്ട കാര്യങ്ങളും ചെയ്യേണ്ട നടപടിക്രമങ്ങളും ഏതെല്ലാമാണ്?

കേന്ദ്രസംസ്ഥാന സര്‍ക്കാറുകള്‍ പ്രവാസികള്‍ക്കായി നടപ്പാക്കിയിട്ടുള്ള ക്ഷേമ പരിപാടികള്‍ എന്തൊക്കെ? അവ എങ്ങനെ പ്രയോജനപ്പെടുത്താം? മടങ്ങിപ്പോകുന്ന പ്രവാസികള്‍ക്കുള്ള പുനരധിവാസ പദ്ധതികള്‍ ഏതൊക്കെ? സൗദി ജീവിതവുമായി ബന്ധപ്പെട്ട് നിങ്ങളുടെ എല്ലാ സംശയങ്ങളും ഞങ്ങളെ എഴുതി അറിയിക്കുക.

കഴിഞ്ഞ രണ്ടു പതിറ്റാണ്ടിലേറെയായി സൗദി അറേബ്യയില്‍ സാമൂഹ്യ പ്രവര്‍ത്തന രംഗത്ത് സജീവ സാന്നിധ്യമായ നിയമ വിദഗ്ദ്ധന്‍ ആര്‍. മുരളീധരന്‍ നിങ്ങളുടെ സംശയങ്ങള്‍ക്ക് എല്ലാ ചെവ്വാഴ്ച്ചകളിലും മറുപടി പറയുന്നു. (പേരും വിലാസവും പ്രസിദ്ധപ്പെടുത്താന്‍ ആഗ്രഹമില്ലാത്തവര്‍ അത് പ്രത്യേകം സൂചിപ്പിക്കുമല്ലോ.) സംശയങ്ങള്‍ അയക്കേണ്ട ഇമെയില്‍ ഐ.ഡി [email protected] പോസ്റ്റലില്‍ അയക്കുന്നവര്‍ ഈ വിലാസത്തില്‍ അയക്കുക:

Saudi Post
Doolnews.com
UKS Road, Calicut 1

കൂടുതല്‍ സംശയങ്ങള്‍:-

ഭര്‍ത്താവ് എന്റെ സ്‌പോണ്‍സര്‍ഷിപ്പില്‍ സൗദിയിലുണ്ട്. എനിക്കും ഭര്‍ത്താവിനും ഒരുമിച്ച് നാട്ടിലേക്ക് പോകാന്‍ കഴിയുമോ?

കമ്പനി ഗ്രാറ്റ്വിറ്റി (സര്‍വീസ് പ്രതിഫലം) നിഷേധിക്കുന്നു; എവിടെ പരാതിപ്പെടണം?

പാസ്‌പോര്‍ട്ട് പുതുക്കണം; എംബസ്സിയാണോ നാടാണോ കൂടുതല്‍ സൗകര്യപ്രദം?

ആദ്യഭാര്യയുടെ വീട്ടുകാര്‍ പീഡിപ്പിക്കുന്നു; എന്‍.ആര്‍.ഐ സെല്ലിന് നടപടി എടുക്കാനാവുമോ?

ഇന്ത്യയില്‍ നിന്നും കുട്ടിയെ ദത്തെടുക്കണം, എന്താണ് നടപടി ക്രമങ്ങള്‍?

സഹോദരങ്ങള്‍ക്ക് സന്ദര്‍ശക വിസ കിട്ടുമോ?

ഖത്തര്‍ ബാങ്കില്‍ നിന്നും കടമെടുത്ത തുക തിരിച്ചടച്ചില്ല, ഇന്റര്‍പോള്‍ സൗദിയില്‍ നിന്നും അറസ്റ്റ് ചെയ്യുമോ?

പ്രൊഫഷന്‍ മാറ്റാന്‍ കമ്പനി തയ്യാറാവുന്നില്ല, സ്വയം മാറ്റാന്‍ കഴിയുമോ?

ഓണ്‍ലൈന്‍ വിവാഹ രജിസ്‌ട്രേഷന്‍ സാധ്യമാണോ?

ഇക്കാമ കളവുപോയി; ഡൂപ്ലിക്കേറ്റ് കിട്ടാന്‍ എന്താണ് വഴി?

വിവാഹം പതിനഞ്ചാം വയസ്സില്‍; എങ്ങനെ രജിസ്റ്റര്‍ ചെയ്യും?

സന്ദര്‍ശക വിസക്ക് മെഡിക്കല്‍ ഇന്‍ഷുറന്‍സ് നിര്‍ബന്ധമോ?

ബാങ്ക് അക്കൗണ്ട് ഇല്ല; നാട്ടിലേക്ക് എങ്ങനെ പണം അയക്കും?

ഇന്‍ഷുറന്‍സ് കമ്പനി അര്‍ഹതപ്പെട്ട നഷ്ടപരിഹാരം തടഞ്ഞു; എവിടെ അപ്പീല്‍ കൊടുക്കണം?

സ്‌പോണ്‍സര്‍ അകാരണമായി പീഡിപ്പിക്കുന്നു; എവിടെ പരാതിപ്പെടണം?

ഭര്‍ത്താവ് പീഡിപ്പിക്കുന്നു; വിവാഹമോചനം വേണം

ഭാര്യയുടെയും മകളുടെയും റിഎന്‍ട്രി വിസ കാലാവധി കഴിഞ്ഞു. ഇനി മടങ്ങി വരാന്‍ കഴിയുമോ?

ഇക്കാമ പുതുക്കാത്തതിനാല്‍ ബാങ്ക് അക്കൗണ്ട് മരവിപ്പിച്ചു; എങ്ങനെ പണം പിന്‍വലിക്കും?

അമ്മയെ സ്ഥിരം വിസയില്‍ കൊണ്ടുവരണം; എന്താണ് നടപടിക്രമങ്ങള്‍?

ഞങ്ങള്‍ സൗദിയില്‍ വിവാഹിതരാകാന്‍ ആഗ്രഹിക്കുന്നു; ഇന്ത്യന്‍ എംബസ്സി ഞങ്ങളുടെ വിവാഹം നടത്തിത്തരുമോ?

ഡോര്‍ ടു ഡോര്‍ കാര്‍ഗോ വഴി അയച്ച സാധനങ്ങള്‍ മൂന്നു മാസമായിട്ടും കിട്ടിയില്ല; എന്താണ് പരിഹാര മാര്‍ഗ്ഗം?

കുട്ടിയുടെ ജനനം 8 വയസ്സായിട്ടും രജിസ്റ്റര്‍ ചെയ്തില്ല; പാസ്‌പോര്‍ട്ട് എങ്ങനെ എടുക്കും?

സയന്റിസ്റ്റായ എനിക്ക് വീട്ടുജോലിക്കാരിയെ നിയമിക്കണം, എന്താണ് നടപടിക്രമങ്ങള്‍?

യു.എ.ഇ വിസ റദ്ദ് ചെയ്യാതെ സൗദിയില്‍ ജോലി ചെയ്യുന്നു; ഇനി യു.എ.ഇ യില്‍ പ്രവേശിക്കാന്‍ കഴിയുമോ?

കഫീല്‍ സഹകരിക്കും; ഹുറൂബ് എങ്ങനെ പിന്‍വലിക്കണം?

സൗദി സന്ദര്‍ശ്ശക വിസ-ചോദ്യങ്ങള്‍ക്കുള്ള മറുപടി

സൗദി ബാങ്കില്‍നിന്നും കടമെടുത്ത തുക തിരിച്ചടക്കാതെ രാജ്യം വിട്ടു; ഇനി തിരിച്ചുപോകാനാവുമോ?

മോഷ്ടിച്ച വിസയില്‍ വന്ന് കുടുങ്ങി, എങ്ങനെ നാട്ടിലെത്തും?

സ്‌പോണ്‍സര്‍ഷിപ് മാറാന്‍ കഫീല്‍ അനുവദിക്കുന്നില്ല; എന്ത് ചെയ്യണം?

കഫീലിന് തൊഴിലാളിയെ ബ്ലാക്ക് ലിസ്റ്റ് ചെയ്യാനുള്ള അധികാരം ഉണ്ടോ?

മകളെ സന്ദര്‍ശക വിസയില്‍ സൗദിയില്‍ കൊണ്ടുവരാന്‍ എന്തുചെയ്യണം

രണ്ട് പാസ്‌പോര്‍ട്ടുകളില്‍ ഒന്ന് സറണ്ടര്‍ ചെയ്യണോ ?

സൗദിയില്‍ ഒരു സ്ത്രീക്ക് ഒറ്റയ്ക്ക് വരാന്‍ വിസ കിട്ടുമോ ?

ആശ്രിത വിസയിലുള്ള എനിക്ക് അധ്യാപികയായി ജോലി ചെയ്യാനാവുമോ?

പ്രതികളെ സഹായിച്ചു എന്ന കേസില്‍ ശിക്ഷാ കാലാവധി കഴിഞ്ഞിട്ടും ജയിലില്‍ കഴിയുന്ന ഭര്‍ത്താവിനെ എങ്ങനെ മോചിപ്പിക്കും ?

ആശ്രിതരുടെ റീ എന്‍ട്രി വിസ സമയപരിധി ദീര്‍ഘിപ്പിക്കാനാവുമോ?

“എന്റെ ഇക്കാമ ഹുറൂബാക്കി; ഇത് പിന്‍വലിക്കാന്‍ എന്താണു വഴി?”

നിതാകത് കാരണം നാട്ടില്‍ മടങ്ങിവന്ന എനിക്ക് ചെറുകിട സ്ഥാപനം തുടങ്ങുന്നതിന് നോര്‍ക്കയുടെ സാമ്പത്തിക സഹായം കിട്ടുമോ?

എങ്ങനെയാണ് കുവൈറ്റിലുള്ള എനിക്ക് സൗദിയില്‍ നിന്നും പോലീസ് ക്ലിയറന്‍സ് സര്‍ട്ടിഫിക്കറ്റ് കിട്ടുക?

ഡൂള്‍ ന്യൂസ് ഇംപാക്ട് – ലിസ്സി മാത്യൂവിന്റെ കത്തിന് എംബസിയുടെ മറുപടി

സൗദി അറേബ്യയില്‍ വാഹനാപകടത്തില്‍ മകള്‍ മരണപ്പെട്ടു… അര്‍ഹമായ നഷ്ടപരിഹാരത്തുക നേടുന്നതെങ്ങനെ?