Categories

സൂര്യനെല്ലി: തന്റെ മൊഴി മാറ്റി രേഖപ്പെടുത്തിയെന്ന് ബി.ജെ.പി നേതാവ് കെ.എസ് രാജന്‍

കോഴിക്കോട്: സൂര്യനെല്ലി കേസില്‍ താന്‍ നല്‍കിയ മൊഴി മാറ്റി രേഖപ്പെടുത്തിയെന്ന് കേസിലെ പ്രധാന സാക്ഷി കെ.എസ് രാജന്‍. കേസില്‍ താന്‍ നല്‍കിയ മൊഴി അന്വേഷണ ഉദ്യോഗസ്ഥനായ സിബി മാത്യൂസ് തെറ്റായി രേഖപ്പെടുത്തിയെന്നാണ് രാജന്‍ വെളിപ്പെടുത്തിയിരിക്കുന്നത്.

Ads By Google

കോഴിക്കോട് പ്രസ്‌ക്ലബ്ബില്‍ നടത്തിയ വാര്‍ത്താ സമ്മേളനത്തിലാണ് രാജന്‍ ഇക്കാര്യം വെളിപ്പെടുത്തിയത്. സംഭവദിവസം വൈകിട്ട് അഞ്ചിന് തിരുവല്ലയില്‍ ഇടിക്കുളയുടെ വീട്ടില്‍ പി.ജെ കുര്യന്‍ ഇറങ്ങുന്നതാണ് താന്‍ കണ്ടതെന്നാണ് രാജന്‍ പറയുന്നത്.

ചോദ്യം ചെയ്യാന്‍ വിളിപ്പിച്ചപ്പോള്‍ ഇക്കാര്യം തന്നെയാണ് അന്വേഷണ ഉദ്യോഗസ്ഥനായ സിബി മാത്യൂസിനോട് പറഞ്ഞത്. എന്നാല്‍ താന്‍ രാത്രി ഏഴിന് കുര്യനെ കണ്ടെന്നാണ് സിബി മാത്യൂസ് രേഖപ്പെടുത്തിയത്.

പിന്നീട് കേസിലെ വിധി വന്നപ്പോഴാണ് തന്റെ മൊഴി തെറ്റായി രേഖപ്പെടുത്തിയകാര്യം ശ്രദ്ധയില്‍ പെട്ടതെന്നും അദ്ദേഹം പറഞ്ഞു. തന്റെ മൊഴി മാറ്റി രേഖപ്പെടുത്തുകയും അനാവശ്യവിവാദങ്ങളിലേക്ക് തന്നെ വലിച്ചിഴക്കുകയും ചെയ്ത സിബി മാത്യൂസിനെതിരെ നിയമനടപടി സ്വീകരിക്കുമെന്നും രാജന്‍ പറഞ്ഞു.

കേസില്‍നിന്ന് കുര്യനെ ഒഴിവാക്കാന്‍ എല്‍.ഡി.എഫ്, യു.ഡി.എഫ് സര്‍ക്കാരുകള്‍ ശ്രമിച്ചുവെന്ന് ബി.ജെ.പി സംസ്ഥാന പ്രസിഡന്റ് വി മുരളീധരനും ആരോപിച്ചു.

നേരത്തേ രാജന്‍ കുര്യന് അനുകൂലമായി നല്‍കിയ മൊഴി തിരുത്തിയിരുന്നു. കുര്യനെ കണ്ടത് വൈകിട്ട് അഞ്ച് മണിക്കാണെന്നും സംഭവം ദിവസം തന്നെയാണോ കണ്ടതെന്ന് ഓര്‍മയില്ലെന്നുമായിരുന്നു നേരത്തേ രാജന്‍ പറഞ്ഞത്.

എന്നാല്‍ രാജന്റെ മൊഴി രേഖപ്പെടുത്തിയത് താനല്ലെന്ന വാദവുമായി സിബി മാത്യൂസും രംഗത്തെത്തിയിട്ടുണ്ട്. താന്‍ രാജന്റെ മൊഴി രേഖപ്പെടുത്തിയിട്ടില്ലെന്നും പിന്നെങ്ങനെ മൊഴി മാറ്റുമെന്നും സിബി മാത്യൂസ് ചോദിക്കുന്നു.



മുസ്‌ലിങ്ങള്‍ക്ക ഒത്തു ചേരുന്നതിന് വെള്ളിയും ക്രിസ്ത്യനികള്‍ക്ക് ഞായറുമുള്ളതുപോലെ ഹിന്ദുക്കള്‍ക്കില്ല;’ഹിന്ദു തീവ്രവാദികള്‍ പശുവിനെ വെട്ടി ക്ഷേത്രത്തിലിട്ട് മുസ്‌ലിമിന്റെ തലയില്‍ വച്ച് സമ്മര്‍ദ്ദമുണ്ടാക്കുന്നു; രാഹുല്‍ ഈശ്വര്‍ വീഡിയോ കാണം

 കൊച്ചി: ഹിന്ദുക്കളെയും മുസ്‌ലിങ്ങളെയും പരസ്പ്പരം തെറ്റിക്കാന്‍ ഹിന്ദു തീവ്രവാദികള്‍ ശ്രമിക്കാറുണ്ടെന്നും പശുവിനെ വെട്ടി അമ്പലത്തിലിട്ട് അത് മുസ്ലിങ്ങളുടെ തലയില്‍ വയ്ക്കുന്നുവെന്നും രാഹുല്‍ ഈശ്വര്‍. മുസ്‌ലിം സഹോദരന്മാര്‍ക്ക് ഒത്തു ചേരുന്നതിന് വെള്ളിയാഴ്ച ക്രിസ്ത്യന്‍ സഹോദരന്മാര്‍ക്ക് ഒത്തു ചേരുന്നതിന് ഞായറാഴ്ചയുമുള്ളതുപോലെ ഹിന്ദുക്കള്‍ക്ക് ഒരു ദിവസമില