Categories

സൂര്യനെല്ലി കേസ്: നായനാരെ വെറുതേ വിടണമെന്ന് ജോസഫൈന്‍

തിരുവനന്തപുരം: സൂര്യനെല്ലി കേസില്‍ ഇ.കെ നായനാര്‍ തെറ്റുകാരനല്ലെന്ന് സി.പി.ഐ.എം നേതാവ് എം.സിജോസഫൈന്‍. സൂര്യനെല്ലി സംഭവത്തില്‍ കുര്യന്‍ ഉള്‍പ്പെട്ടിട്ടുണ്ടെന്നും കുര്യനെ സംരക്ഷിക്കാന്‍ ഇ.കെ നായനാര്‍ ശ്രമിച്ചിട്ടില്ലെന്നും ജോസഫൈന്‍ പറഞ്ഞു.

Ads By Google

അന്ന് മഹിളാ അസോസിയേഷന്‍ വൈസ് പ്രസിഡന്റായിരുന്ന താന്‍ പെണ്‍കുട്ടിയെ കാണാന്‍ ചെന്നപ്പോള്‍ സംസാരത്തിനിടയില്‍ പത്രത്തിലെ പി.ജെ കുര്യന്റെ ചിത്രം കാണിച്ച് ഇയാളും തന്നെ ഉപദ്രവിച്ചെന്ന് പറഞ്ഞു.

പേര് ചോദിച്ചപ്പോള്‍ ബാജി എന്നാണ് പെണ്‍കുട്ടി പറഞ്ഞത്. അങ്ങനെയാണ് തന്നോട് എല്ലാവരും പറഞ്ഞത്, എല്ലാവരും അയാളെ അങ്ങനെയാണ് വിളിച്ചിരുന്നത്. അടുത്ത ദിവസം തൊടുപുഴയില്‍ വാര്‍ത്താ സമ്മേളനത്തില്‍ ഞങ്ങളാണ് കുര്യന്റെ പേര് ആദ്യമായി പുറത്ത് വിടുന്നത്.

എന്നാല്‍ ഇതുവരെ ആരും തങ്ങളുടെ മൊഴിയെടുത്തിട്ടില്ലെന്നും ജോസഫൈന്‍ പറഞ്ഞു. കേസില്‍ കുര്യനെ രക്ഷിക്കാന്‍ ഇ.കെ നായനാര്‍ ഒന്നും ചെയ്തിട്ടില്ല. ദയവ് ചെയ്ത് നായനാരുടെ പേര് ഇതില്‍ വലിച്ചിടരുതെന്നും ജോസഫൈന്‍ പറഞ്ഞു.

കേസില്‍ സ്‌പെഷ്യല്‍ പ്രോസിക്യൂട്ടറായിരുന്ന ജനാര്‍ദ്ദനക്കുറുപ്പ് വളരെ നല്ല മനുഷ്യനാണെന്നും ജോസഫൈന്‍ പറഞ്ഞു.

സൂര്യനെല്ലി കേസില്‍ പി.ജെ കുര്യനെ പ്രതിയാക്കേണ്ടെന്ന് തീരുമാനിച്ചത് അന്നത്തെ മുഖ്യമന്ത്രി ഇ.കെ നായനാരുടെ സാന്നിദ്ധ്യത്തിലാണെന്ന് കേസ് അന്വേഷിച്ച സിബി മാത്യൂസ് വെളിപ്പെടുത്തിയിരുന്നു.

കുര്യനെ പ്രതി ചേര്‍ക്കണമെന്ന് സ്‌പെഷ്യല്‍ പ്രോസിക്യൂട്ടറായിരുന്ന ജനാര്‍ദ്ദനക്കുറുപ്പ് സമ്മര്‍ദ്ദം ചെലുത്തിയിരുന്നതായും സിബി മാത്യൂസ് പറഞ്ഞിരുന്നു.



‘കാല്‍പ്പന്തിന്റെ വസന്തത്തെ എഴുത്തില്‍ സന്നിവേശിപ്പിച്ചവര്‍’; ഡൂള്‍ന്യൂസ്-സ്‌പോര്‍ട്‌സ് പാരഡീസോ കോണ്‍ഫെഡറേഷന്‍ കപ്പ് റൈറ്റ് അപ്പ് കോണ്ടസ്റ്റ് വിജയികള്‍ക്ക് പുരസ്‌കാരങ്ങള്‍ സമ്മാനിച്ചു

കോഴിക്കോട്: പ്രമുഖ സ്‌പോര്‍ട്‌സ് ഗ്രൂപ്പായ സ്‌പോര്‍ട്‌സ് പാരഡീസോ ക്ലബ്ബും ഡൂള്‍ന്യൂസും ചേര്‍ന്ന് നടത്തിയ കോണ്‍ഫെഡറേഷന്‍ കപ്പ് റൈറ്റ് അപ്പ് കോണ്ടസ്റ്റ് വിജയികള്‍ക്ക് സമ്മാനങ്ങള്‍ വിതരണം ചെയ്തു.കോണ്‍ഫെഡറേഷന്‍ കപ്പ് വിജയികളായ ജര്‍മനിയുടെ അവസാനിക്കാത്ത വസന്തത്തെ കുറിച്ചെഴുതിയ അജ്മല്‍ എം.കെ മാണിക്കോത്തിന്റെ 'വസന്തം അവസാനിക്കുന്നില്ല; ജര്‍മനിയില്‍ പുതിയ പൂക്കള്‍