Administrator
Administrator
ഉലകനായകന്റെ ചിത്രത്തിലേക്ക് സൊണാക്ഷിക്ക് ക്ഷണം
Administrator
Sunday 20th February 2011 2:37pm

ഉലകനായകന്‍ കമല്‍ഹാസന്റെ ചിത്രത്തിലേക്ക്‌ സൊണാക്ഷിക്ക് ക്ഷണം. സൊണാക്ഷി നായികയായ ‘ദബാംഗ്’ സൂപ്പര്‍ ഹിറ്റായിരുന്നു. ‘ദബാംഗി’ന്റെ വിജയത്തിനുശേഷം സൊണാക്ഷിയെത്തേടി ധാരാളം അവസരങ്ങളെത്തുന്നുണ്ട്. ഇതിനുപിന്നാലെയാണ് ഉലകനായകന്റെ ചിത്രത്തിലേക്കും ക്ഷണിച്ചിരിക്കുന്നത്.

സര്‍ ആന്തണി ഹോപ്കിന്‍സിന്റെ ഹാനിബാല്‍ എന്ന കഥാപാത്രത്തില്‍ നിന്ന് പ്രചോദനം ഉള്‍ക്കൊണ്ടു കൊണ്ടാണ് കമല്‍ഹാസന്‍ ഈ ചിത്രം ചെയ്യുന്നത്. ചിത്രത്തിന്റെ സംവിധായകന്‍ ശെല്‍വരാഘവന്‍ കഥയുമായി ഉടന്‍തന്നെ സൊണാക്ഷിയെ സമീപിക്കുമെന്നാണ് അറിയുന്നത്. തമിഴില്‍ നിര്‍മ്മിക്കാന്‍ ഉദ്ദേശിക്കുന്ന ഈ ചിത്രം തെലുങ്കിലും ഹിന്ദിയിലും മൊഴിമാറ്റുന്നതിനും പദ്ധതിയുണ്ട്.

ബോളിവുഡിലെ മുന്‍നിരനായികയായ കത്രീന കൈഫിനെ പിന്തള്ളി സൊണാക്ഷി ഡൈന സോപ്പിന്റെ ബ്രാന്‍ഡ് അംബാസിഡറായിരുന്നു. അക്ഷയ് കുമാറുമൊത്ത് ‘ജോക്കര്‍’ എന്ന ചിത്രത്തിന്റെ ഷൂട്ടിംഗിലാണ് സൊണാക്ഷിയിപ്പോള്‍.

Advertisement