Categories

Headlines

സോംനാഥ് ഭാര്തിക്കെതിരെ എഫ്.ഐ.ആര്‍ രജിസ്റ്റര്‍ ചെയ്യണം: വനിതാ സമിതി ലഫ്. ഗവര്‍ണറെ കാണും

somnath-bharthi

ന്യൂദല്‍ഹി: നിയമമന്ത്രി സോംനാഥ് ഭാര്തിക്കെതിരെ നടപടിയാവശ്യപ്പെട്ട് ദല്‍ഹിയിലെ വനിതാ കമ്മീഷന്‍ പ്രവര്‍ത്തകര്‍ ലഫ്. ഗവര്‍ണര്‍ നജീബ് ജങ്ങിനെ കാണും.

സോംനാഥിനെതിരെ എഫ്.ഐ.ആര്‍ രജിസ്റ്റര്‍ ചെയ്യണമെന്നാണ് ആവശ്യം. തന്റെ മണ്ഡലത്തിലുള്ള ഉഗാണ്ടന്‍ സ്വദേശികളുടെ വസതിയില്‍ അര്‍ധരാത്രി നടത്തിയ റെയ്ഡും തുടര്‍ന്നുണ്ടായ വിവാദങ്ങളുമാണ് സംഭവത്തിന് ആധാരം.

വനിതാവകാശ പ്രവര്‍ത്തകര്‍ കഴിഞ്ഞ ദിവസം സോംനാഥ് ഭാര്തിയോട് വിഷയത്തില്‍ വിശദീകരണം നല്‍കാനും പാനലിന് മുന്നില്‍ ഹാജരാവാനും ആവശ്യപ്പെട്ടിരുന്നു.

എന്നാല്‍ ഇവരുമായി ചര്‍ച്ചയ്ക്ക് തയ്യാറാകാതെ ദല്‍ഹിയില്‍ നടന്ന പട്ടംപറപ്പിക്കല്‍ മേളയില്‍ പങ്കെടുക്കാനായി സോംനാഥ് ഭാര്തി പോവുകയായിരുന്നു.

തന്റെ വക്കീലിനെയാണ് പാനലിന് മുന്നിലേക്ക് അദ്ദേഹം വിട്ടത്. എന്നാല്‍ നിയമന്ത്രിയോട് രാജിവെച്ച് പുറത്തുപോകാന്‍ പറയാനാണ് തങ്ങളുടെ തീരുമാനമെന്ന് വനിതാ കമ്മീഷന്‍ അംഗങ്ങള്‍ വ്യക്തമാക്കി.

വനിതാ കമ്മീഷന് മുന്നില്‍ ഹാജരാകണമെന്ന് കാണിച്ച് രണ്ട് തവണ നോട്ടീസ് അയച്ചെങ്കിലും അതിന് മറുപടി നല്‍കാതെ സോംനാഥിനെതിരെ എഫ്.ഐ.ആര്‍ രജിസറ്റര്‍ ചെയ്യണമെന്നാണ് ഇവര്‍ ലഫ്. ഗവര്‍ണറോട് ആവശ്യപ്പെടുക.



താജ്മഹല്‍ ആയുധമാക്കി രാജ്യത്തെ വര്‍ഗീയമായി വിഭജിക്കാനാണ് സംഘപരിവാര്‍ നീക്കം;നൂറ്റാണ്ടുകളായി വിസ്മയിപ്പിച്ചുകൊണ്ടിരിക്കുന്ന താജ്മഹല്‍ തന്നെ അജണ്ടക്ക് ഇരയാകുന്നത് ദുരന്തമാണെന്നും തോമസ് ഐസക്ക്

തിരുവനന്തപുരം: അടുത്ത പാര്‍ലമെന്റ് തിരഞ്ഞെടുപ്പിന് മുമ്പ് താജ്മഹല്‍ മുന്‍ നിര്‍ത്തി രാജ്യത്തെ വര്‍ഗ്ഗീയമായി വിഭജിക്കാനാണെന്ന് സംഘപരിവാര്‍ സംഘടനകളുടെ നീക്കമെന്ന് സംശയിക്കേണ്ടിയിരിക്കുന്നെന്ന് ധനമന്ത്രി ഡോ: തോമസ് ഐസക്ക്.ബാബറി മസ്ജിദ് തകര്‍ത്തത് ഒരു ദീര്‍ഘകാല പദ്ധതിയുടെ തുടക്കമായിരുന്നു എന്നും. ദേശവിദേശങ്ങളിലെ നാനാജാതിമതസ്ഥരായ സഞ്ചാരപ്രേമികളും സൌന്ദര്യാരാധ