Categories

താന്താന്‍ നിരന്തരം ചെയ്യുന്ന കര്‍മ്മങ്ങള്‍…

‘ നി­ത്യവും ചെ­യ്യു­ന്ന കര്‍­മ്മ­ഗ­ണഫ­ലം

കര്‍ത്താ­വൊ­ഴി­ഞ്ഞു മ­റ്റ­ന്യര്‍ ഭു­ജിക്കു­മോ,

താ­ന്താന്‍ നി­രന്ത­രം ചെ­യ്യു­ന്ന കര്‍­മ്മങ്ങള്‍

താ­ന്താ­ന­നു­ഭ­വി­ച്ചീ­ടു­കെ­ന്നേ വ­രൂ ‘ ‌

സുരാജ്

രാ­മാ­യ­ണ­മാ­സം ആ­രം­ഭി­ച്ചു­ക­ഴി­ഞ്ഞു. കര്‍­ക്കി­ട­ക­ത്തി­ന്റെ ദു­രി­തങ്ങ­ളെ അ­ക­റ്റാന്‍ ശ്രീ­ഭ­ഗ­വ­തി­യെ ആ­രാ­ധി­ക്കു­ന്ന സ­മയം. എ­ന്നാല്‍ കര്‍­ക്കി­ട­ക­ത്തി­ന്റെ കാര്‍­മേ­ഘ­ങ്ങള്‍ ഗു­ജ­റാ­ത്തി­ലാ­ണ് ഇത്ത­വ­ണ ഉ­രു­ണ്ടു­കൂ­ടു­ന്നത്. മു­ഖ്യ­മന്ത്രി ന­രേ­ന്ദ്ര മോ­ഡി തു­ട­ങ്ങി­വെ­ച്ച ന­ര­വേ­ട്ട വ്യാ­ജ­ഏ­റ്റു­മു­ട്ട­ലി­ലൂ­ടെ പൂര്‍­ത്തി­യാ­ക്കാന്‍ ശ്ര­മി­ച്ച ആ­ഭ്യ­ന്ത­ര­സ­ഹ­മന്ത്രി അ­മി­ത് ഷാ അ­ഴി­ക്കു­ള്ളി­ലായി. ഷൊ­റാ­ബു­ദ്ദീന്‍ ഷെ­യ്­ഖി­ന്റെ ഏ­റ്റു­മു­ട്ടല്‍ കൊ­ല­പാത­കം തു­റ­ന്നു­വി­ട്ട ഭു­തം ന­രേ­ന്ദ്ര മോ­ഡി­യെയും ബി ജെ പി കേ­ന്ദ്ര­നേ­തൃ­ത്വ­ത്തെയും ഒ­രു­പോ­ലെ വി­ഷ­മ­വൃ­ത്ത­ത്തി­ലാ­ക്കി­യി­രി­ക്കു­ക­യാ­ണ്. ചെ­യ്­തു­കൂട്ടി­യ കര്‍­മ്മ­ങ്ങ­ളു­ടെ ഫ­ലം ‘ബൂ­മ­റാ­ങ്’ പോ­ലെ ഷാ­യു­ടെ നേര്‍­ക്ക് തി­രി­യു­ക­യാണ്.

അ­ഹിം­സ­യു­ടെ വ­ക്താവാ­യ മ­ഹാ­ത്മാ ഗാ­ന്ധി ജ­നി­ച്ച മ­ണ്ണ് മു­സ്ലിം­വേ­ട്ട­യു­ടെ രക്തം­കൊ­ണ്ട് പ­ങ്കി­ല­മാ­ക്കിയ മോ­ഡി മ­ന്ത്രി­സ­ഭ­യി­ലെ ര­ണ്ടാ­മ­നാ­യി­രു­ന്നു അ­മി­ത് ഷാ. മോ­ഡി ദേ­ശീ­യ­രാ­ഷ്ട്രീ­യ­ത്തി­ലേ­ക്കു നീ­ങ്ങി­യാല്‍ മു­ഖ്യ­മ­ന്ത്രി­സ്ഥാ­നം വ­രെ ല­ഭി­ക്കു­മെ­ന്ന് ക­രുതി­യ ആള്‍. ജ­ന­പി­ന്തു­ണ­യിലും ഷാ എ­തി­രാ­ളിക­ളെ ബ­ഹു­ദൂ­രം പി­ന്നി­ലാ­ക്കി­യി­രുന്നു. ക­ഴി­ഞ്ഞ തി­ര­ഞ്ഞെ­ടു­പ്പില്‍ 2.35 ല­ക്ഷ­ത്തി­ന്റെ ക­ന­ത്ത ഭു­രി­പ­ക്ഷ­ത്തോ­ടെ­യാ­ണ് ഷാ നി­യ­മ­സ­ഭ­യി­ലെ­ത്തി­യത്. ആ­ഭ്യ­ന്ത­ര സ­ഹ­മ­ന്ത്രിപ­ദം ഷാ­യ്­ക്ക നല്‍­കു­ന്ന­തി­ന് മോ­ഡി­ക്ക് ര­ണ്ടാ­മ­തൊ­ന്ന് ആ­ലോ­ചി­ക്കേ­ണ്ടി വ­ന്നില്ല.

2005 ന­വം­ബര്‍ 26ന് ഷൊ­റാ­ബു­ദ്ദീന്‍ ഷെ­യ്­ഖി­നെ­യും ഭാ­ര്യ കൗ­സര്‍­ബി­യെയും പോ­ലീ­സ് വ്യാ­ജ­ഏ­റ്റു­മു­ട്ട­ലി­ലൂ­ടെ വ­ധി­ച്ച­തോ­ടെ­യാ­ണ് കാ­ര്യ­ങ്ങള്‍ കു­ഴ­ഞ്ഞു­മ­റി­യാന്‍ തു­ട­ങ്ങി­യത്. കേ­സി­ലെ ഏ­ക­സാ­ക്ഷിയാ­യ തു­ള­സീറാം പ്ര­ജാ­പ­തി­യെ ഒ­രു­വര്‍­ഷ­ത്തി­നു­ശേ­ഷം മ­റ്റൊ­രു ഏ­റ്റു­മു­ട്ട­ലി­ലൂ­ടെയും കൊ­ല­പ്പെ­ടുത്തി. പാ­ക് തീ­വ്ര­വാ­ദ­സം­ഘ­ട­നയാ­യ ല­ഷ്­കര്‍ ഇ തൊ­യ്­ബ­യു­മാ­യി ബ­ന്ധ­മു­ണ്ടെന്നാ­രോ­പി­ച്ചാ­ണ് ഷൊ­റാ­ബു­ദ്ദീ­നെ വ­ധി­ച്ച­ത്. എ­ന്നാല്‍ വ്യാ­ജ­ഏ­റ്റു­മു­ട്ട­ലി­ലൂ­ടെ­യാ­ണ് ഷൊ­റാ­ബു­ദ്ദീ­നെ വ­ധി­ച്ച­തെ­ന്ന് ആ­രോ­പി­ച്ച് സ­ഹോ­ദ­രന്‍ റു­ബാ­ബു­ദ്ദീന്‍ ഷെ­യ്­ഖ് സു­പ്രീം­കോ­ട­തി­യെ സ­മീ­പി­ച്ചു.

ഗീ­താ ജോ­ഹ്‌­റി എ­ന്ന വ­നിതാ ഐ പി എ­സ് ഉ­ദ്യോ­ഗ­സ്ഥ­യു­ടെ നേ­തൃ­ത്വ­ത്തില്‍ അ­ന്വേഷ­ണം ആ­രം­ഭിച്ചു. അ­മി­ത് ഷാ­യാ­ണ് ഏ­റ്റു­മു­ട്ട­ലി­ന് നേ­തൃത്വം നല്‍­കി­യ­തെ­ന്ന് അ­ന്വേ­ഷ­ണ­ത്തില്‍ വ്യ­ക്ത­മായി. ഏ­റ്റു­മു­ട്ടല്‍ വ്യാ­ജ­മാ­ണെന്നും മു­തിര്‍­ന്ന ഐ പി എ­സ് ഉ­ദ്യോ­ഗ­സ്ഥരാ­യ ഡി ജി വന്‍­സാ­ര, രാ­ജ്­കു­മാര്‍ പാ­ണ്ഡ്യന്‍, എം എം ദി­നേ­ശ് എ­ന്നി­വര്‍­ക്ക ഇ­തില്‍ പ­ങ്കു­ള്ള­താ­യും അ­ന്വേ­ഷ­ണ­ത്തില്‍ ക­ണ്ടെ­ത്തി.

തു­ടര്‍­ന്ന് ഭീ­ഷ­ണി­യു­ടെ സ്വ­ര­വു­മാ­യി ഷാ രം­ഗ­ത്തെ­ത്തു­ക­യാ­യി­രുന്നു. ഏ­റ്റു­മ­ട്ടല്‍ ന­ട­ന്ന­ശേ­ഷം ഉ­ന്നത പോ­ലീ­സ് ഉ­ദ്യോ­ഗ­സ്ഥ­രു­മാ­യി ന­ട­ത്തിയ ഫോണ്‍ സം­ഭാ­ഷ­ണ­ങ്ങ­ളും, ജു­ഡീ­ഷ്യല്‍ മ­ജി­സ്‌­ട്രേ­റ്റി­ന് സാ­ക്ഷി­കള്‍ നല്‍കിയ മൊ­ഴി­കളും അ­മി­ത് ഷാ­യ്‌­ക്കെ­തി­രായി. മന്ത്രി കേ­സില്‍ നേ­രി­ട്ട് ഇ­ട­പെ­ട്ടു­വെന്നും ഉ­ന്ന­ത­കേ­ന്ദ്ര­ങ്ങ­ളില്‍ നി­ന്നും ത­നി­ക്ക് സ­മ്മര്‍­ദ്ദം നേ­രി­ട്ടെന്നും ജോ­ഹ്‌­രി­യു­ടെ അ­ന്വേ­ഷ­ണ റി­പ്പോര്‍­ട്ടില്‍ രേ­ഖ­പ്പെ­ടു­ത്തി.

ഷൊ­റാ­ബു­ദ്ദീ­ന്റെ ഏ­റ്റു­മുട്ടല്‍ കൊ­ല­പാ­ത­ക­ത്തി­ന് പി­ന്നില്‍ രാ­ജ­സ്ഥാ­നി­ലെ മാര്‍­ബിള്‍ ലോ­ബിക്കും പ­ങ്കു­ണ്ടെ­ന്ന് ആ­രോ­പ­ണ­മു­യര്‍­ന്നി­രുന്നു. ത­ങ്ങ­ളെ ഭീ­ഷ­ണി­പ്പെ­ടു­ത്തി പ­ണം­വാ­ങ്ങുന്ന ഷൊ­റാ­ബു­ദ്ദീ­നെ ത­ള­ക്കാന്‍ മാര്‍­ബിള്‍ ലോ­ബി വന്‍­സാ­ര­യെ­ന്ന ക്രി­മി­നല്‍ പ­ശ്ചാ­ത്ത­ല­മു­ള്ള ഉ­ദ്യോ­ഗസ്ഥ­ന് കൊ­ട്ടേ­ഷന്‍ നല്‍­കു­ക­യാ­യി­രു­ന്നെന്നും ആ­രോ­പ­ണ­മു­യര്‍ന്നു.

കേ­സില്‍ ഗു­ജ­റാ­ത്ത് സര്‍­ക്കാ­റി­ന്റെ പ­ങ്ക് വ്യ­ക്ത­മാ­യ­തോ­ടെ സി ബി ഐ അ­ന്വേഷ­ണം വേ­ണ­മെ­ന്ന് ആ­വ­ശ്യ­മു­യര്‍ന്നു. തു­ടര്‍­ന്ന് കേ­സില്‍ സി ബി ഐ അ­ന്വേഷ­ണം ന­ട­ത്താന്‍ 2010 ജ­നു­വ­രി 12 ന് സു­പ്രീം­കോട­തി ഉ­ത്ത­ര­വിട്ടു. കേ­സ് സി ബി ഐ ഏ­റ്റെ­ടു­ത്ത­തോ­ടെ­ അ­മി­ത് ഷാ­യു­ടെ ശ­നി­ദ­ശ തു­ടങ്ങി. ഏ­റ്റു­മു­ട്ടല്‍ കൊ­ല­പാ­ത­ക­ത്തില്‍ ഷാ­യു­ടെ പ­ങ്ക് സി ബി ഐ­ക്ക് വ്യ­ക്ത­മാ­യി.

കേ­സില്‍ ചോ­ദ്യം­ചെ­യ്യാ­നാ­യി ഹാ­ജ­രാ­കാന്‍ സ­മന്‍­സ് അ­യ­ച്ചെ­ങ്കിലും ഷാ ഹാ­ജ­രാ­യില്ല. ചോ­ദ്യാ­വ­ലി­യു­ടെ പ­കര്‍­പ്പ് ല­ഭി­ക്കു­ന്ന­തുവ­രെ ഹാ­ജ­രാ­കാന്‍ ക­ഴി­യി­ല്ലെ­ന്ന് ഷാ­യു­ടെ അ­ഭി­ഭാ­ഷ­കന്‍ സി ബി ഐ­യെ അ­റി­യിച്ചു. എ­ന്നാല്‍ ഏ­ജന്‍­സി ഇ­ത് നി­രാ­ക­രി­ക്കു­കയും കു­റ്റ­പത്രം സ­മര്‍­പ്പി­ക്കു­ക­യു­മാ­യി­രു­ന്നു.

മ­ന്ത്രി­യുള്‍­പ്പ­ടെ 14 പേര്‍­ക്കെ­തി­രാ­യാ­ണ് 30,000 പേ­ജു­ള്ള കു­റ്റ­പ­ത്രം സ­മര്‍­പ്പി­ച്ചി­രി­ക്കു­ന്നത്. കൊ­ല­പാ­തകം, ത­ട്ടി­ക്കൊണ്ടു­പോകല്‍, ക്രി­മിനല്‍ ഗൂഢാ­ലോ­ച­ന എ­ന്നീ കു­റ്റ­ങ്ങ­ളാ­ണ് മ­ന്ത്രി­ക്കെ­തി­രേ­യു­ള്ള­ത്. തു­ടര്‍ന്ന് ഒ­ളി­വി­ലാ­യി­രു­ന്ന ഷാ നാ­ട­കീ­യ­മാ­യി ബി ജെ പി ആ­സ്ഥാന­ത്ത് പ്ര­ത്യ­ക്ഷ­പ്പെ­ടു­കയും സി ബി ഐ­ക്ക് മു­മ്പാ­കെ പ­രി­വാ­ര­സ­മേതം കീ­ഴ­ട­ങ്ങു­ക­യു­മാ­യി­രുന്നു. കോട­തി ഷാ­യെ 14 ദി­വസ­ത്തെ ജു­ഡീ­ഷ്യല്‍ ക­സ്റ്റ­ഡി­യില്‍ വി­ട്ടു.

ആ­രോ­പ­ണ­മു­യര്‍­ന്ന­തി­നെ­ത്തു­ട­ര്‍­ന്ന് ഷാ കു­റേ­ക്കാ­ല­മാ­യി മ­ന്ത്രി­സ­ഭ­യില്‍ നിന്നും വി­ട്ടു­നില്‍­ക്കു­ക­യാ­യി­രുന്നു. മോ­ഡി­യാ­യി­രു­ന്നു ആ­ഭ്യ­ന്ത­ര­മ­ന്ത്രാ­ല­യ­ത്തി­ന്റെ ചുമ­ത­ല നിര്‍­വ്വ­ഹി­ച്ചി­രു­ന്നത്. അ­മി­ത് ഷാ­യു­ടെ അ­റ­സ്റ്റോ­ടെ മു­ഖ്യ­മന്ത്രി ന­രേന്ദ്ര­മോ­ഡി­യു­ടെ വി­ശ്വാ­സ്യ­ത­ക്കാ­ണ് ഇ­ടി­വ് സം­ഭ­വി­ച്ചി­രി­ക്കു­ന്നത്. കോണ്‍­ഗ്ര­സി സി ബി ഐ­യെ ദു­രു­പ­യോ­ഗം ചെ­യ്യു­ക­യാ­ണെന്നാ­രോ­പി­ച്ച് പ്രതി­രോ­ധം തീര്‍­ക്കാന്‍ ബി ജെ പി ശ്ര­മി­ക്കു­ന്നുണ്ട്.

എ­ന്നാല്‍ ഇ­തൊ­ന്നും അ­മി­ത് ഷാ­യു­ടെ ര­ക്ഷ­ക്കെ­ത്തില്ല. ചെ­യ്­ത പാ­പ­കര്‍­മ്മ­ങ്ങ­ളു­ടെ ഫ­ലം അ­നു­ഭ­വി­ക്കുക­യേ ഇ­നി നി­വര്‍­ത്തി­യു­ള്ളൂ. ര­ത്‌­നാ­ക­ര­നെ­ന്ന കാ­ട്ടാ­ളന്‍ മ­നം­മാ­റ്റംവ­ന്ന് വാ­ത്മീ­കി­യാ­യതു­പോ­ലെ പുതി­യ സം­ഭ­വ­ങ്ങള്‍ അ­മി­ത് ഷാ­യു­ടെ ജീ­വി­ത­ത്തിലും മാ­റ്റ­മു­ണ്ടാ­ക്കു­മെ­ന്ന് പ്ര­തീ­ക്ഷി­ക്കാം.

One Response to “താന്താന്‍ നിരന്തരം ചെയ്യുന്ന കര്‍മ്മങ്ങള്‍…”

  1. Firoz Khan

    മത വര്‍ഗീയതയുടെ അപകടങ്ങളെ ഓര്‍മ്മപ്പെടുത്തുന്ന നല്ല ലേഖനം, അഭിനന്ദനങ്ങള്‍.
    രാഷ്ട്രീയ ലക്ഷ്യത്തോടെ എഴുതുന്ന ഇത്തരം ലേഖനങ്ങളില്‍, ‘കര്‍ക്കിടകത്തിന്റെ ദുരിതങ്ങളെ അകറ്റാന്‍ ഭഗവതിയെ ആരാധിക്കുന്ന സമയം’ എന്നൊക്കെയുള്ള പരാമര്‍ശം ഒഴിവാക്കാമായിരുന്നു. കര്‍ക്കിടക ദുരിതങ്ങളില്‍ നിന്നും വസൂരിയില്‍ നിന്നും ഒക്കെ മനുഷ്യനെ രക്ഷിക്കാന്‍ ഒരു ഭഗവതിക്കും ആകില്ലെന്ന് നമ്മള്‍ തിരിച്ചറിഞ്ഞിട്ടു കാലമെത്രയായി. ആനുകാലിക രാഷ്ട്രീയ സംഭവങ്ങള്‍ വിമര്‍ശിക്കുമ്പോള്‍ പുരാണ കഥാ സന്ദര്‍ഭങ്ങള്‍/പ്രാചീന വിശ്വാസങ്ങള്‍ പരാമര്‍ശിക്കുന്നത് നല്ലതാണ്, പണ്ട് വയലാര്‍ ഒക്കെ ചെയ്തത് പോലെ ആണെങ്കില്‍…

LEAVE YOUR COMMENTS

Press ctrl+g to toggle between English and Malayalam.