Categories

സ്മാര്‍ട്‌ഫോണുകള്‍ നിങ്ങളെ ഒറ്റിക്കൊടുക്കുന്നു

ന്യൂദല്‍ഹി: സ്മാര്‍ട്‌ഫോണ്‍ ഉപയോഗിക്കുന്നവര്‍ ശ്രദ്ധിക്കുക, നിങ്ങളുടെ ഫോണുകളില്‍ ഉപയോഗിക്കുന്ന ആപ്ലിക്കേഷന്‍ വഴി നിങ്ങളുടെ മുഴുവന്‍ വിവരങ്ങളും, സ്വകാര്യ വിവരങ്ങള്‍ ഉള്‍പ്പടെ ഇന്റര്‍നെറ്റ് കമ്പനികള്‍ ചോര്‍ത്തിക്കൊണ്ടിരിക്കുകയാണ്. ഫെയ്‌സ്ബുക്ക്, യാഹൂ, ഫഌക്കര്‍, ബാഡു എന്നീ കമ്പനികള്‍ സ്ഥിരീകരിച്ച വാര്‍ത്തയാണിത്.

സ്മാര്‍ട്‌ഫോണില്‍ ലഭ്യമായ ഏതെങ്കിലും ആപ്ലിക്കേഷന്‍ വഴിയാണ് നിങ്ങള്‍ മെസ്സേജ് (ടെക്സ്റ്റ് മെസ്സേജുകള്‍) അയക്കുന്നെങ്കില്‍ അവയെല്ലാം പ്രസ്തുത ആപ്ലിക്കേഷന്‍ ലഭ്യമാക്കുന്ന കമ്പനിക്ക് പരിശോധിക്കാന്‍ സാധിക്കും. എന്തിനധികം പറയുന്നു, നിങ്ങളുടെ ഫോണിലെ ഏതെങ്കിലും ആപ്ലിക്കേഷന്‍ വഴി നിങ്ങള്‍ പകര്‍ത്തിയ ക്യാമറ ചിത്രങ്ങളും ദൃശ്യങ്ങളും വരെ അതതു ആപ്ലിക്കേഷന്‍ കമ്പനികള്‍ക്ക് പരിശോധിക്കാന്‍ സാധിക്കുമത്രെ.

സ്മാര്‍ട്‌ഫോണിലെ വിവിധ ആപ്ലിക്കേഷനുകളുടെ സ്ഥിരം വരിക്കാര്‍ക്ക് പോലും ഇക്കാര്യങ്ങളെ കുറിച്ച് വലിയ ധാരണയില്ല. ആപ്ലിക്കേഷന്‍ ഡൗണ്‍ലോഡ് ചെയ്യുമ്പോള്‍ കാണിക്കുന്ന റൂള്‍സ് ആന്‍ഡ് റെഗുലേഷന്‍സില്‍ കമ്പനികള്‍ ഇക്കാര്യങ്ങളെല്ലാം വ്യക്തമാക്കുമെങ്കിലും മിക്കവരും ഇതു വേണ്ടത്ര ശ്രദ്ധിക്കാറില്ല.

സ്മാര്‍ട്‌ഫോണ്‍ ആപ്ലിക്കേഷനുകളില്‍ മിക്കതും ഇന്റര്‍നെറ്റ് കമ്പനികള്‍ സൗജന്യമായാണ് നല്‍കുന്നത്. പ്രശസ്തമായ പല ആപ്ലിക്കേഷനുകളും ദിവസേനെ 5,000ത്തോളം ഡൗണ്‍ലോഡുകള്‍ ചെയ്യപ്പെടാറുണ്ടത്രെ.

മുമ്പ് സ്മാര്‍ട്‌ഫോണ്‍ ഉപയോഗിക്കുന്നവരുടെ ഇ-മെയില്‍, ഫോണ്‍ നമ്പറുകള്‍ എന്നിവ സെര്‍വറില്‍ സൂക്ഷിക്കാറുണ്ടെന്ന് ട്വിറ്റര്‍ വെളിപ്പെടുത്തിയത് ഈ സമയത്ത് ഓര്‍ക്കേണ്ടതാണ്.

Malayalam news

Kerala news in English

2 Responses to “സ്മാര്‍ട്‌ഫോണുകള്‍ നിങ്ങളെ ഒറ്റിക്കൊടുക്കുന്നു”

  1. ശുംഭന്‍

    ഇമെയില്‍ സ്വകാര്യത സംരക്ഷിക്കണമെന്ന് പറഞ്ഞു അച്ചുമാമന്‍ ഇവിടെ അലറി കരഞ്ഞുകൊണ്ടിരിക്കുന്നു. ഇന്റെര്‍നെറ്റിലേക്ക് തുറന്നു വച്ച കമ്പ്യൂട്ടര്‍, പെരുവഴിയില്‍ തുറന്നു വച്ച ഒരു പുസ്തകമാണെന്ന് പാവം അറിയുന്നുണ്ടോ?

  2. Manojkumar.R

    മൊബൈല്‍ യുഗം വികസിച്ചു വരികയല്ലേ..എല്ലാവരുടെ കയ്യിലും മൊബൈല്‍ ഫോണ്‍ എന്നാ സജ്ജീകരണം എത്തുന്നതോടെ ഏതൊരു മനുഷ്യനെയും എവിടെയിരുന്നും നിരീക്ഷിക്കാം എന്നാ സ്ഥിതി വരികതന്നെ ചെയ്യും! ഓരോ വ്യക്തിയും ഓരോ സംഖ്യ മുഖേന തിച്ചരിയപ്പെടാന്‍ തുടങ്ങുന്നതോടെ സര്‍ക്കാരിനു കോടികള്‍ മുടക്കി “ആധാര്‍” പോലുള്ള പദ്ധതികളൊന്നും വേണ്ടി വരികയില്ല പൊതു ജനം എന്ത് ചെയ്യുന്നു എന്നറിയാന്‍! ഒരേ തരാം സോഫ്ട്വെയര്‍ ഉപയോഗിച്ച് കൊണ്ട് ഇത് നിര്‍വഹിക്കവുന്നതാണ്. മുഴുവന്‍ സമയവും പ്രവര്‍ത്തന ക്ഷമമായിരിക്കുന്ന മൊബൈല്‍ ഫോണിലൂടെ വ്യക്തിയുടെ ചെയ്തികള്‍ ഓരോന്നും നിരീക്ഷിക്കപ്പെടുന്നില്ലെന്നു നമുക്ക് എങ്ങിനെ ഉറപ്പുവരുത്താന്‍ കഴിയും? കേവലം ഡിജിറ്റ് കള്‍ മാത്രമായി മാറുന്നതോടെ നമ്മള്‍ മാറ്റര്‍ക്കോ വേണ്ടി പണിയെടുക്കുകയും അവര്‍ നിര്‍ദ്ദേശിക്കുന്ന തരത്തില്‍ ജീവിക്കുകയുമൊക്കെ ചെയ്യുന്ന കേവലം അടിമകള്‍ മാത്രമായി മാറുമെന്നതില്‍ യാതൊരു സംശയവുമില്ല! നമ്മള്‍ എന്ത് മാത്രം സ്വതന്ത്രരനെന്നു നമ്മള്‍ തന്നെ തിരിച്ചറിയുന്ന ഒരു കാലം അതി വിദൂരമല്ല!

LEAVE YOUR COMMENTS

Press ctrl+g to toggle between English and Malayalam.