Administrator
Administrator
ഏറ്റവും സ്ലിം ആന്‍ഡ്രോയിഡ് സ്മാര്‍ട്‌ഫോണ്‍ ജൂലൈയില്‍ ഇന്ത്യയിലെത്തും
Administrator
Wednesday 22nd February 2012 10:00am

ന്യൂദല്‍ഹി: ലോകത്തെ ഏറ്റവും സ്ലിം ആയ ആന്‍ഡ്രോയിഡ് സ്മാര്‍ട്‌ഫോണ്‍ ജൂലൈയില്‍ ഇന്ത്യന്‍ വിപണിയിലെത്തും. ഹുവായ് (Huawei) ആണ് അസെന്റ് പി വണ്‍ എസ് (Ascend P1 S) എന്ന് പേരിട്ട ഏറ്റവും സ്ലിം ആന്‍ഡ്രോയിഡ് സ്മാര്‍ട്‌ഫോണ്‍ പുറത്തിറക്കുന്നത്. 6.68 മില്ലി മീറ്ററാണ് ഈ മെലിഞ്ഞ സ്മാര്‍ട്‌ഫോണിന്റെ വീതി.

വളരെ പ്രാധാന്യത്തോട് കൂടിയാണ് ഈ ഫോണിന്റെ നിര്‍വ്വഹിച്ചിരിക്കുന്നത്. വലിയ പരാതികളൊന്നും ബാക്കിയാക്കാത്ത സ്ലിം ഡിസൈന്‍ ഏതൊരു സ്മാര്‍ട്‌ഫോണ്‍ പ്രേമിയെയും ആകര്‍ഷിക്കാന്‍ പോന്നതാണ്.

എച്ച്.ഡി ക്വാളിറ്റിയുടെ 4.3 ഇഞ്ച് സൂപ്പര്‍ അമോള്‍ഡ് സക്രീനാണ് ഈ ഫോണിന്. അതുമാത്രമല്ല, എച്ച്.ഡി വീഡിയോ റെക്കോര്‍ഡിംഗ് സാധ്യമാക്കുന്ന 8 മെഗാപിക്‌സല്‍ ക്യാമറ, 1.3 മെഗാപിക്‌സലില്‍ സെക്കന്‍ഡറി ക്യമാറ എന്നിവ അസെന്റിനെ കൂടുതല്‍ ആകര്‍ഷകമാക്കുന്നു.

ആന്‍ഡ്രോയിഡ് 4.0 ഐസ്‌ക്രീം സാന്‍ഡ്‌വിച്ച് പ്ലാറ്റ് ഫോമിലാണ് അസെന്റ് പ്രവര്‍ത്തിക്കുന്നത്. 4.0 ഐസ്‌ക്രീം സാന്‍ഡ് വിച്ചിന്റെ പ്രവര്‍ത്തനം സുഗമമാക്കാന്‍ 1 ജിബി റാം, 4 ജിബി റോം എന്നിവ അസെന്റില്‍ ഉണ്ട്. 3ജി, 3.0 ബ്ലൂടൂത്ത്, വൈ-ഫൈ, മൈക്രോ യു.എസ്.ബി സപ്പോര്‍ട്ട് എന്നിവയും ഫോണിലുണ്ട്.

മെറ്റാലിക് ബ്ലാക്ക്, സെറാമിക് വൈറ്റ്, ചെറി ബ്ലോസം പിങ്ക് എന്നീ മൂന്ന് നിറങ്ങളിലാണ് അസെന്റ് പി വണ്‍ എസ് ലഭ്യമാകുക. 20,000 രൂപയാണ് പ്രതീക്ഷിക്കുന്ന വില.

Malayalam News

Kerala News In English

Advertisement