ks chitra family കൊച്ചി: ഗായിക കെ.എസ് ചിത്രയുടെ മകള്‍ നന്ദന (8) ദുബായില്‍ സ്വിമ്മിംഗ് പൂളില്‍ വീണു മരിച്ചു. എമിറേറ്റ് ഹില്‍സിലുള്ള വില്ലയിലെ നീന്തല്‍കുളത്തിലാണ് അപകടം. മരിച്ചനിലയിലാണ് കുട്ടിയെ ആശുപത്രിയിലെത്തിച്ചത്.

ദുബായില്‍ സ്‌റ്റേജ് ഷോയില്‍ പങ്കെടുക്കാനാണ് ചിത്ര കുടുംബത്തോടൊപ്പം ദുബായിലെത്തിയത്. വിവാഹം കഴിഞ്ഞ് എട്ടു വര്‍ഷത്തിനുശേഷമാണ് നന്ദന പിറന്നത്. നന്ദനയുടെ മൃതദേഹം വിശദപരിശോധനയ്ക്കായി ദുബായിലെ ഫോറന്‍സിക് ലാബിലേക്ക് മാറ്റിയിട്ടുണ്ട്. നടപടിക്രമങ്ങള്‍ പൂര്‍ത്തിയായ ശേഷം മൃതദേഹം നാട്ടിലെത്തിക്കുമെന്നാണ് റിപ്പോര്‍ട്ട്.