Categories

Headlines

കണ്ണന്താനത്തിനെതിരെ ശിവസേന; സ്വന്തം പൈസയ്ക്ക് പെട്രോളടിച്ചിട്ടില്ലാത്ത കണ്ണന്താനത്തിന്റെ പ്രസ്താവന പാവങ്ങളുടെ മുഖത്ത് തുപ്പിയത് പോലെ


മുംബൈ: പെട്രോള്‍ വിലവര്‍ധനയില്‍ കേന്ദ്ര ടൂറിസം മന്ത്രി കണ്ണന്താനം നടത്തിയ പ്രസ്താവനയ്‌ക്കെതിരെ ശിവസേന. അങ്ങേയറ്റം നിരുത്തരവാദപരമായ പ്രസ്താവനയാണ് കണ്ണന്താനം നടത്തിയതെന്ന് ശിവസേന പറയുന്നു.

സ്വന്തം പൈസയ്ക്ക് ഒരിക്കല്‍ പോലും പെട്രോള്‍ അടിച്ചിട്ടില്ലാത്ത കണ്ണന്താനം വിലവര്‍ധനവിനെ ന്യായീകരിച്ച് സംസാരിച്ചത് പാവപ്പെട്ടവരുടെ മുഖത്ത് തുപ്പുന്നതിന് തുല്ല്യമാണ്. കോണ്‍ഗ്രസ് ഭരണകാലത്ത് പോലും ജനങ്ങള്‍ ഇത്ര അപമാനിക്കപ്പെട്ടിട്ടുണ്ടാവില്ലെന്നും ശിവസേന പറയുന്നു.

സാമനയിലൂടെയാണ് കണ്ണന്താനത്തിനെതിരായ ശിവസേനയുടെ വിമര്‍ശനം.

കോണ്‍ഗ്രസ് കാലത്ത് ഇന്ധന വില വര്‍ധനവിനെതിരെ ഗ്യാസ് സിലിണ്ടറുകളുമായി രാജ്‌നാഥ് സിങ്ങും സുഷമാ സ്വരാജും ഉള്‍പ്പടെയുള്ളവര്‍ നിരത്തിലിറങ്ങി പ്രതിഷേധിച്ചത് ബി.ജെ.പി മറന്നു പോയോ എന്നും സേന ചോദിക്കുന്നു. ഇപ്പോള്‍ വീണ്ടും അധികാരത്തിലെത്തിയപ്പോള്‍ കണ്ണന്താനത്തിനെ പോലുള്ളവര്‍ ജനങ്ങളെ കളിയാക്കുകയാണെന്നും ശിവസേന പറയുന്നു.

ഇന്ധന വിലവര്‍ധനവിനെ തുടര്‍ന്ന് രാജ്യത്തെ ജനങ്ങള്‍ ദുരിതംഅനുഭവിക്കുകയാണെന്നും ‘അച്ഛേദിന്‍’ ദിവസേന കൊല്ലപ്പെടുകയാണെന്നും സേന പറയുന്നു.

ബുള്ളറ്റ് ട്രെയിന്‍ പദ്ധതിയെ പുകഴ്ത്തുന്നവരുടെ മാനസിക നില തകരാറിലാണെന്നും ഇവരെ ആശുപത്രികളില്‍ പ്രവേശിപ്പിക്കണമെന്നും സാമ്‌ന പറയുന്നു.



താജ്മഹല്‍ ആയുധമാക്കി രാജ്യത്തെ വര്‍ഗീയമായി വിഭജിക്കാനാണ് സംഘപരിവാര്‍ നീക്കം;നൂറ്റാണ്ടുകളായി വിസ്മയിപ്പിച്ചുകൊണ്ടിരിക്കുന്ന താജ്മഹല്‍ തന്നെ അജണ്ടക്ക് ഇരയാകുന്നത് ദുരന്തമാണെന്നും തോമസ് ഐസക്ക്

തിരുവനന്തപുരം: അടുത്ത പാര്‍ലമെന്റ് തിരഞ്ഞെടുപ്പിന് മുമ്പ് താജ്മഹല്‍ മുന്‍ നിര്‍ത്തി രാജ്യത്തെ വര്‍ഗ്ഗീയമായി വിഭജിക്കാനാണെന്ന് സംഘപരിവാര്‍ സംഘടനകളുടെ നീക്കമെന്ന് സംശയിക്കേണ്ടിയിരിക്കുന്നെന്ന് ധനമന്ത്രി ഡോ: തോമസ് ഐസക്ക്.ബാബറി മസ്ജിദ് തകര്‍ത്തത് ഒരു ദീര്‍ഘകാല പദ്ധതിയുടെ തുടക്കമായിരുന്നു എന്നും. ദേശവിദേശങ്ങളിലെ നാനാജാതിമതസ്ഥരായ സഞ്ചാരപ്രേമികളും സൌന്ദര്യാരാധ