Categories

ഷവര്‍മ പ്ലെയ്റ്റ് തയ്യാറാക്കാം

ഷവര്‍മ ഹോട്ടലില്‍ നിന്നും കഴിക്കാന്‍ ഇപ്പോള്‍ പലര്‍ക്കും ഭയമാണ്. കേടായ ചിക്കന്‍ ഉപയോഗിച്ചുണ്ടാക്കിയ ഷവര്‍മ കഴിച്ച് മരിച്ച സംഭവങ്ങളടക്കമാണ് ആളുകളെ ഭയപ്പെടുത്തിയത്. എന്നാല്‍ ഷവര്‍മയോടുള്ള ഇഷ്ടം ഇനി മാറ്റിവെക്കേണ്ട. നിങ്ങള്‍ക്ക് വീട്ടിലുണ്ടാക്കാം അടിപൊളി ഹെല്‍ത്തി ഷവര്‍മ.

ചേരുവകള്‍:

കുബ്ബൂസ്: ആവശ്യത്തിന്
എല്ലില്ലാത്ത ചിക്കന്‍: ആറുപീസ്
കുരുമുളക്: ആവശ്യത്തിന്
മുളകുപൊടി: ഒരു ടേബിള്‍സ്പൂണ്‍
ജീരകപ്പൊടി: ഒരു ടേബിള്‍സ്പൂണ്‍
മല്ലിപ്പൊടി: ഒരു ടേബിള്‍സ്പൂണ്‍
വെളുത്തുള്ളി സോസ്: അരക്കപ്പ്
നാരങ്ങാ നീര്: രണ്ടു ടേബിള്‍സ്പൂണ്‍
കാബേജ്: ചെറുതായി അരിഞ്ഞത്
ഉള്ളി: ഒന്ന് ചെറുതായി അരിഞ്ഞത്
കാരറ്റ്: ഒന്ന്
പഞ്ചസാര: ഒരു ടീസ്പൂണ്‍
ഉപ്പ്: ആവശ്യത്തിന്

തയ്യാറാക്കുന്നവിധം:

ചിക്കന്‍ ഒരു പാത്രത്തിലെടുത്ത് മുളകുപൊടി,ഉപ്പ്, ജീരകപ്പൊടി, മല്ലിപ്പൊടി, നാരങ്ങാനീര്, വെളുത്തുള്ളി സോഴ്‌സ് എന്നിവ നന്നായി മിക്‌സ് ചെയ്യുക. രണ്ടു മണിക്കൂര്‍ ഇത് അടച്ചുവെയ്ക്കുക.
250 ഡിഗ്രി ഗ്രില്‍ മോഡില്‍ ഓവന്‍ ചൂടാക്കി ബേക്കിങ് ട്രേയില്‍ ഓയില്‍ പുരട്ടിവെക്കുക. ഈ ട്രേയില്‍ ചിക്കന്‍ വെച്ചശേഷം 40മിനിറ്റോളം വേവിക്കുക.
ഈ ചിക്കന്‍ ചെറിയ പീസാക്കി മുറിക്കുക.

ശേഷം തയ്യാറാക്കിവെച്ചിരിക്കുന്ന കാബേജും ഉള്ളിയും കാരറ്റും നന്നായി മിക്‌സ് ചെയ്യുക. ഇതിലേക്ക് അല്പം ഉപ്പും, നാരങ്ങാനീരും ചേര്‍ക്കുക. ബ്രഡിനൊപ്പം വിളമ്പാം.

Tagged with: