Categories

എസ്.എഫ്.ഐ പ്രവര്‍ത്തകന്റെ കൊലപാതകം: ഇന്ന് സംസ്ഥാന വ്യാപക പഠിപ്പ് മുടക്ക്

fasil

ഗുരുവായൂര്‍: ##എസ്.എഫ്.ഐ പ്രവര്‍ത്തകന്‍ ഗുരുവായൂരില്‍ വെട്ടേറ്റ് മരിച്ചതില്‍ പ്രതിഷേധിച്ച് ഇന്ന് സംസ്ഥാന വ്യാപകമായി എസ്.എഫ്.ഐ പഠിപ്പ് മുടക്കുന്നു.  ബ്രഹ്മകുളം സ്വദേശി ഫാസില്‍ (23) ആണ് കഴിഞ്ഞ ദിവസം കൊല്ലപ്പെട്ടത്.

എസ്.എഫ്.ഐ മണലൂര്‍ ഏരിയ ജോയിന്റ് സെക്രട്ടറിയാണ് ഫാസില്‍. തൃശൂര്‍ ശ്രീകൃഷ്ണ കോളേജിലെ വിദ്യാര്‍ത്ഥിയായിരുന്നു.

കൊലപാതകത്തിന് പിന്നില്‍ ആര്‍.എസ്.എസ് ആണെന്നാണ് സി.പി.ഐ.എമ്മിന്റെ ആരോപണം.

ബ്രഹ്മകുളത്തെ സി.പി.ഐ.എം-ആര്‍.എസ്.എസ് സംഘര്‍ഷത്തിന്റെ ഭാഗമായാണ് ഫാസില്‍ കൊല്ലപ്പെട്ടത്. ബ്രഹ്മകുളത്തെ സെന്‍ട്രലിനടുത്ത് ആളൊഴിഞ്ഞ സ്ഥലത്ത് വച്ച് രാത്രി ഏഴോടെയാണ് കൊലപാതകം നടന്നത്.

ആശുപത്രിയിലേക്ക് കൊണ്ട് പോകുന്ന വഴിയാണ് മരണം സംഭവിച്ചത്. മണലൂര്‍ നിയോജക മണ്ഡലത്തില്‍ ഹര്‍ത്താല്‍ ആചരിക്കാനും എല്‍.ഡി.എഫ് ആഹ്വാനം ചെയ്തു.

Tagged with: