Categories

Headlines

സര്‍ക്കാര്‍ മെഡിക്കല്‍ കോളേജിലെ പട്ടികജാതി നഴ്‌സിങ് വിദ്യാര്‍ത്ഥികളെ പുറത്താക്കാന്‍ നീക്കമെന്ന് പരാതി

malayalee-nursesതിരുവനന്തപുരം: സര്‍ക്കാര്‍ മെഡിക്കല്‍ കോളജുകളില്‍ താത്കാലിക സ്റ്റാഫ് നഴ്‌സായി ജോലി നോക്കുന്ന പട്ടികജാതി വിഭാഗത്തില്‍പ്പെട്ട നഴ്‌സിങ് വിദ്യാര്‍ത്ഥികളെ പുറത്താക്കാന്‍ നീക്കമെന്ന് ആരോപണം.  മന്ത്രിയുടെ ഉത്തരവ് ലംഘിച്ച് തങ്ങളെ പിരിച്ചുവിട്ടുകൊണ്ട് ആ ഒഴിവുകളിലേക്ക് ബി.എസ്.സി നഴ്‌സുമാരെ നിയമിക്കാനാണ് നീക്കമെന്നും അവര്‍ വാര്‍ത്താസമ്മേളനത്തില്‍ ആരോപിച്ചു.

Ads By Google

സര്‍ക്കാര്‍ മെഡിക്കല്‍ കോളേജുകളില്‍ സംവരണാടിസ്ഥാനത്തില്‍ പഠിക്കുന്ന പട്ടികജാതി വിദ്യാര്‍ത്ഥികളെ പഠനശേഷം അഞ്ച് വര്‍ഷത്തേക്ക് താത്കാലിക സ്റ്റാഫ് നഴ്‌സ് ആയി നിയമിക്കാറുണ്ടായിരുന്നു. എന്നാല്‍, കഴിഞ്ഞ കുറച്ച് നാളായി അത് രണ്ട് വര്‍ഷമായി ചുരുക്കി.

150 നഴ്‌സുമാരാണ് ഇത്തരത്തില്‍ സര്‍ക്കാര്‍ മെഡിക്കല്‍ കോളേജുകളില്‍ നിയമിതരായിരിക്കുന്നത്. എന്നാല്‍ ഒരു വര്‍ഷം പൂര്‍ത്തിയായപ്പോള്‍ അധികൃതര്‍ തങ്ങളെ പിരിച്ചുവിടാനുള്ള നടപടി സ്വീകരിക്കുന്നെന്നാണ് ഇവരുടെ ആരോപണം.

നേരത്തെ ഇത് സംബന്ധിച്ച് ആരോഗ്യമന്ത്രി വി.എസ് ശിവകുമാറിന് നഴ്‌സുമാര്‍ പരാതി നല്‍കിയിരുന്നു. കാലാവധി അവസാനിക്കുന്നതിന് മുമ്പ് ഇവരെ പിരിച്ചുവിടരുതെന്ന് മന്ത്രി നിര്‍ദേശിക്കുകയും ചെയ്തതാണ്. ഇതവഗണിച്ച് തങ്ങളെ പുറത്താക്കാനാണ് അധികൃതര്‍ ശ്രമിക്കുന്നതെന്നാണ് നഴ്‌സുമാരുടെ ആരോപണം.

അവഗണന അവസാനിപ്പിക്കണം, രണ്ട് വര്‍ഷത്തെ ബോണ്ട് കാലാവധി പൂര്‍ത്തിയാക്കാന്‍ അനുവദിക്കണം തുടങ്ങിയ ആവശ്യങ്ങള്‍ ഉന്നയിച്ച് ശക്തമായ സമരം നടത്തുമെന്ന് നഴ്‌സുമാര്‍ വാര്‍ത്താസമ്മേളനത്തില്‍ മുന്നറിയിപ്പ് നല്‍കി.

ബി.ആര്യ, എം.മാലതി, സ്മിതാ പി.ശിവന്‍, മനു മോഹന്‍, എം.ശരവണന്‍ തുടങ്ങിയവര്‍ വാര്‍ത്താസമ്മേളനത്തില്‍ പങ്കെടുത്തു.



താജ്മഹല്‍ ആയുധമാക്കി രാജ്യത്തെ വര്‍ഗീയമായി വിഭജിക്കാനാണ് സംഘപരിവാര്‍ നീക്കം;നൂറ്റാണ്ടുകളായി വിസ്മയിപ്പിച്ചുകൊണ്ടിരിക്കുന്ന താജ്മഹല്‍ തന്നെ അജണ്ടക്ക് ഇരയാകുന്നത് ദുരന്തമാണെന്നും തോമസ് ഐസക്ക്

തിരുവനന്തപുരം: അടുത്ത പാര്‍ലമെന്റ് തിരഞ്ഞെടുപ്പിന് മുമ്പ് താജ്മഹല്‍ മുന്‍ നിര്‍ത്തി രാജ്യത്തെ വര്‍ഗ്ഗീയമായി വിഭജിക്കാനാണെന്ന് സംഘപരിവാര്‍ സംഘടനകളുടെ നീക്കമെന്ന് സംശയിക്കേണ്ടിയിരിക്കുന്നെന്ന് ധനമന്ത്രി ഡോ: തോമസ് ഐസക്ക്.ബാബറി മസ്ജിദ് തകര്‍ത്തത് ഒരു ദീര്‍ഘകാല പദ്ധതിയുടെ തുടക്കമായിരുന്നു എന്നും. ദേശവിദേശങ്ങളിലെ നാനാജാതിമതസ്ഥരായ സഞ്ചാരപ്രേമികളും സൌന്ദര്യാരാധ