Categories

ബുര്‍ജ് ഖലീഫയെ പിന്തള്ളി ലോകത്തിലെ ഏറ്റവും വലിയ കെട്ടിടവുമായി സൗദി അറേബ്യ എത്തുന്നു

kingdom-tower400 സൗദി: ലോകത്തിലെ ഏറ്റവും വലിയ കെട്ടിടം ദുബായിലെ ബുര്‍ജ് ഖലീഫയാണ്. എന്നാല്‍ 2020 ഓടെ ഇത് ചരിത്രമാകും. കാരണം ലോകത്തിലെ ഏറ്റവും വലിയ കെട്ടിടം പണിയാനുള്ള ഒരുക്കത്തിലാണ് സൗദി അറേബ്യ. കെട്ടിടത്തിന്റെ ജോലിയും ആരംഭിച്ചുകഴിഞ്ഞു.

കിങ്ഡം ടവര്‍ എന്നാണ് കെട്ടിടം അറിയപ്പെടുക. ജിദ്ദ എക്‌ണോമിക് കമ്പനിയും സൗദി അറേബ്യ അലിന്‍മ ഇന്‍വെസ്റ്റ്‌മെന്റും 1.2 ബില്ല്യണ്‍ ഡോളറാണ് കെട്ടിടത്തിന്റെ ജോലിക്കായി ആദ്യഘട്ടത്തില്‍ മുതല്‍മുടക്കിയത്.

1000 മീറ്റര്‍ അതായത് 1 കിലോമീറ്ററാണ് അംബര ചുംബിയായ ഈ കെട്ടിടത്തിന്റെ വലുപ്പം. 3280 അടിയാണ് നീളം. 200 ഫ്‌ളോറുകളും 59 എലവേറ്ററുകളും ഉള്ള കെട്ടിടം 2020 ഓടെ തുറക്കാന്‍ സാധിക്കുമെന്നാണ് കരുതുന്നത്.

സൗദിയിലെ കോടീശ്വരനായ പ്രിന്‍സ് അല്‍വലീദ് ബിന്‍ തലാല്‍ ആണ് കെട്ടിടത്തിന്റെ ഏറിയ പങ്കും സാമ്പത്തികസഹായം നല്‍കുന്നത്.

ആദ്യ 26 ഫ്‌ളോറുകളുടെ ജോലി പൂര്‍ത്തിയായതായാണ് റിപ്പോര്‍ട്ടുകള്‍. ഒരു ടൂറിസ്റ്റ് കേന്ദ്രമാക്കി ഇതിനെ മാറ്റാമെന്നാണ് ജിദ്ദ എകണോമിക് സിറ്റി കണക്കാക്കുന്നത്. ദുബായിലെ ബുര്‍ജ് ഖലീഫയാണ് നിലവില്‍ ലോകത്തിലെ ഏറ്റവും വലിയ കെട്ടിം 830 മീറ്ററാണ് ബുര്‍ജ് ഖലീഫയുടെ ഉയരം.

Tagged with: