Categories

മക്ക തകര്‍ക്കാന്‍ ഹൂത്തി വിമതര്‍ പ്രയോഗിച്ച മിസൈല്‍ തകര്‍ത്തെന്ന് സൗദി അറേബ്യ

saudi2

റിയാദ്: ഇസ്‌ലാമിന്റെ വിശുദ്ധ നഗരമായ മക്ക ലക്ഷ്യമിട്ട് യെമനിലെ ഹൂത്തി വിമതര്‍ പ്രയോഗിച്ച മിസൈല്‍ തകര്‍ത്തെന്ന അവകാശവാദവുമായി സൗദി അറേബ്യ. വ്യാഴാഴ്ച പ്രാദേശിക സമയം രാത്രി ഒമ്പതോടെ സാദ പ്രവിശ്യയില്‍ നിന്നാണ് മിസൈല്‍ പ്രയോഗിച്ചതെന്നാണ് സൗദി നേതൃത്വത്തിലുള്ള സഖ്യം പറയുന്നത്.

എന്നാല്‍ സൗദിയുടെ എയര്‍ ഡിഫന്‍സ് സിസ്റ്റത്തിന് ലക്ഷ്യസ്ഥാനത്തിന് 65കിലോമീറ്റര്‍ അകലെവെച്ച് മിസൈലിനെ തകര്‍ക്കാന്‍ കഴിഞ്ഞെന്നും സൗദി അവകാശപ്പെടുന്നു. മിസൈല്‍ യാതൊരു കേടുപാടുമുണ്ടാക്കിയിട്ടില്ലെന്നും സൗദി അധികൃതര്‍ അറിയിച്ചു.

ഇറാന്റെ സഹായത്തോടെയാണ് വിമതര്‍ സൗദിക്കെതിരെ നൂതന സാങ്കേതിക വിദ്യകള്‍ പ്രയോഗിക്കുന്നതെന്ന് സൗദി പ്രതിരോധ വക്താവ് മേജര്‍ ജനറല്‍ അഹമ്മദ് അസീരി ആരോപിക്കുന്നു. ഇറാന്റെ ബാലിസ്റ്റിക് മിസൈല്‍ ആണു മക്കയ്ക്കു നേരെ പ്രയോഗിച്ചതെന്നും അദ്ദേഹം പറയുന്നു.

സൗദിക്കെതിരെ മിസൈല്‍ പ്രയോഗിച്ചതായി ഹൂത്തിവിമതരും സ്ഥിരീകരിച്ചു. എന്നാല്‍ മിസൈല്‍ ലക്ഷ്യമിട്ടത് മക്കയെ അല്ലെന്നും ജിദ്ദയിലെ വിമാനത്താവളത്തെയായിരുന്നെന്നുമാണ് വിമതര്‍ പറയുന്നത്.

Tagged with:


മുസ്‌ലിങ്ങള്‍ക്ക ഒത്തു ചേരുന്നതിന് വെള്ളിയും ക്രിസ്ത്യനികള്‍ക്ക് ഞായറുമുള്ളതുപോലെ ഹിന്ദുക്കള്‍ക്കില്ല;’ഹിന്ദു തീവ്രവാദികള്‍ പശുവിനെ വെട്ടി ക്ഷേത്രത്തിലിട്ട് മുസ്‌ലിമിന്റെ തലയില്‍ വച്ച് സമ്മര്‍ദ്ദമുണ്ടാക്കുന്നു; രാഹുല്‍ ഈശ്വര്‍ വീഡിയോ കാണം

 കൊച്ചി: ഹിന്ദുക്കളെയും മുസ്‌ലിങ്ങളെയും പരസ്പ്പരം തെറ്റിക്കാന്‍ ഹിന്ദു തീവ്രവാദികള്‍ ശ്രമിക്കാറുണ്ടെന്നും പശുവിനെ വെട്ടി അമ്പലത്തിലിട്ട് അത് മുസ്ലിങ്ങളുടെ തലയില്‍ വയ്ക്കുന്നുവെന്നും രാഹുല്‍ ഈശ്വര്‍. മുസ്‌ലിം സഹോദരന്മാര്‍ക്ക് ഒത്തു ചേരുന്നതിന് വെള്ളിയാഴ്ച ക്രിസ്ത്യന്‍ സഹോദരന്മാര്‍ക്ക് ഒത്തു ചേരുന്നതിന് ഞായറാഴ്ചയുമുള്ളതുപോലെ ഹിന്ദുക്കള്‍ക്ക് ഒരു ദിവസമില