Administrator
Administrator
വീണ പൂവേ…
Administrator
Friday 22nd October 2010 6:23pm


എസ് സുധീര്‍

പടിയിറങ്ങുമ്പോള്‍
അരുതെന്ന് പറഞ്ഞ
പച്ചത്തത്തകള്‍ക്ക്
നിന്റെ പുഴത്തീരത്ത് തന്നെ
നീ ചിതയൊരുക്കിയല്ലോ…

നിനക്ക് വേണ്ടി പനിച്ച
മറ്റൊരു തത്തക്ക്
തകര്‍ന്നുടഞ്ഞ നെഞ്ചിന്‍കൂട്ടില്‍
ഒരു കൊളുത്താച്ചിതയും.

വെളുത്ത പൂക്കളുടെ റീത്തും
വെള്ള വസ്ത്രങ്ങളും
വെളുത്ത ശലഭങ്ങളുടെ മരിച്ച-
ചിറകുകള്‍ കൊണ്ട് തോരണങ്ങളുമൊരുക്കി
വെളുത്ത് നനഞ്ഞ വാക്കുകളെഴുതി
സ്വയമൊരുക്കിയ ചിതയിലെരിഞ്ഞ് നീയും…

അയ്യപ്പാ…. നിന്റെ കേള്‍വി തിരയുന്നൊരു വാക്കും
നീ ഉച്ഛരിക്കാതെ പോയൊരു പേരും,
ഒരുമ്മയും,
നനയാതൊരു വറ്റും,
ഈ അക്ഷരങ്ങളും
നിനക്കായ് കാത്തുവെക്കുന്നു.

Advertisement