ലണ്ടന്‍: ടോപ് റാങ്കിലുള്ള റഫേല്‍ നദാലിനെ തകര്‍ത്ത് സ്വിറ്റ്‌സര്‍ലാന്റിന്റെ റോജര്‍ ഫെഡറര്‍ ലണ്ടന്‍ എ ടി പി ടെന്നിസ് കിരീടം ചൂടി. മൂന്നുസെറ്റുനീണ്ട കടുത്ത പോാരാട്ടത്തിലാണ് ഫെഡറര്‍ നദാലിനെ തോല്‍പ്പിച്ചത്. സ്‌കോര്‍ 6-3,3-6,6-1.

ലോകോത്തര താരങ്ങളായി ഫെഡററും നദാലും ഇത് മൂന്നാംതവണയാണ് പ്രധാനപ്പെട്ട ടൂര്‍ണമെന്റില്‍ ഏറ്റുമുട്ടിയത്. പോരാട്ടം ഒരുമണിക്കൂറും 37 മിനുറ്റും നീണ്ടു. ആന്‍ഡി മുറെയെ തോല്‍പ്പിച്ചായിരുന്നു നദാല്‍ ഫൈനലിലെത്തിയത്. സെര്‍ബിയയുടെ നൊവാക് ഡോക്കോവിക്കിനെ തോല്‍പ്പിച്ചാണ് സ്വിസ് താരം ഫൈനലിലേക്ക് യോഗ്യത നേടിയത്.