Categories

താള് കറി

thal-kari

തകരക്കറിയെ കുറിച്ച് നമ്മള്‍ മുമ്പ് പറഞ്ഞു. ഇത് താള് കറി. താളും തകരയുമൊക്കെ പഴയ കാലത്തിന്റെ മാത്രം കറികളാവുകയാണ്. മനസു വച്ചാല്‍ ഇവയൊക്കെ നമുക്ക് നമ്മുടെ കാലത്തിന്റെ കറികളുമാക്കാം.

ചേരുവകള്‍

ചേമ്പിന്‍ തണ്ട് ചെറുതായി അരിഞ്ഞത് -ഒരു തണ്ട്
അരച്ച തേങ്ങ -ഒരു മുറി
ജീരകം- ഒരു നുള്ള്
വെളുത്തുള്ളി- അഞ്ചോ ആറോ അല്ലി
മുളകു പൊടി- അര ടീസ്പൂണ്‍
മഞ്ഞള്‍പ്പൊടി- ഒരു നുള്ള്
കുടമ്പുളി – പുളിയ്ക്കനുസരിച്ച് (കുറവാണ് രുചി)
ഉപ്പ് – പാകത്തിന്

തയ്യാറാക്കുന്ന വിധം

ചേമ്പിന്‍ തണ്ട് നന്നായരിഞ്ഞ് ഉപ്പിട്ട് വേവിച്ച് വെള്ളം ഊറ്റുക. ഇതിലേക്ക് ഒരു കഷ്ണം കുടമ്പുളിയിടുക.

ജീരകം, വെളുത്തുള്ളി, മുളകു പൊടി, മഞ്ഞള്‍ പൊടി ബാക്കി ചേരുവകള്‍ അരച്ചത് ചേര്‍ത്ത് തിളപ്പിക്കുക. ശേഷം കടുക് വറുത്തിട്ട് വാങ്ങിവെക്കാം.

Tagged with: